ഓട്ടോക്കാർ കുറ്റാന്വേഷകരായി, കള്ളനേ കോടതി മുറ്റത്തിട്ട് പിടിച്ചു

തൃശൂർ :മോഷണം നടന്നാൽ പലർക്കും പരാതി കൊടുത്തിട്ട് ഇരിക്കാമെന്നേയുള്ളു. പുതിയ രീതിയനുസരിച്ച് മോഷ്ടാവിനേ കൈയ്യോട് പിടിച്ച് തെളിവും നല്കിയാൽ കള്ളനേ പോലീസ് പിടിക്കും. തൃശൂർ കോടതി മുറ്റത്തേ ഇന്നലെ നടന്ന സംഭവം ഇങ്ങിനെ.

ഓട്ടോറിക്ഷയിൽ നിന്നും പതിവായി മോഷണം നടക്കുന്നത് ഡ്രൈവർമാർക്ക് ഒരു ശല്യമായി മാറി.4000 രൂപയും ആർസി ബുക്കും മൊബൈൽ ഫോണും വരെ നഷ്ടപ്പെട്ടവർ ഉണ്ട്. പതിവായി കളക്ഷൻ കാശ് ഡാഷ് ബോർഡിൽ നിന്നും പോകുന്നു. ഓട്ടോയുടെ താക്കോൾ ഡ്രൈവറുടെ കയ്യിൽ ഇരിക്കുമ്പോൾ ആണ്‌ ഡാഷ് ബോർഡിൽ നിന്നും മോഷണം പോകുന്നത്. പഠിച്ച കള്ളനേ പൂട്ടാൻ നഗരത്തിൽ പലയിടത്തും ഓട്ടോക്കാർ വല വിരിച്ചു.

തൃശൂർ കോടതി മുറ്റത്ത് ബേബിയും സുഹൃത്ത് ഓട്ടോ ഡ്രൈവർ എൻ.കെ.ജയകുമാറും ചേർന്ന് ഒരു പദ്ധതി പ്ളാൻ ചെയ്തു.ഓട്ടോയിലെ ഡാഷ് ബോർഡിൽ കുറച്ചു പണം വച്ചു പൂട്ടിയശേഷം ബേബി പുറത്തു പോയി. തുടർന്ന് ഉടൻ പതിയെ തിരികെ വന്ന് ഇതേ ഓട്ടോയുടെ അടുത്തുകിടക്കുന്ന കാറിനു പിന്നിൽ പതിയിരുന്നു. അപ്പോഴേക്കും കള്ളൻ ഓട്ടോറിക്ഷയിൽ കയറി ഡ്രൈവർ സീറ്റിൽ ഇരുപ്പുറപ്പിച്ചിരുന്നു.കള്ളൻ ഡാഷ് ബോഡ് തുറക്കാൻ ശ്രമിക്കുന്നതിനിടെ ബേബിയും കൂട്ടുകാരനും അവനേ പിടികൂടി.പിന്നെ കള്ളനുമായി ഒരു മല്പിടുത്തം. രക്ഷപെടാൻ ശരിക്കും നടന്ന കള്ളന്റെ പോരാട്ടത്തിൽ കണ്ട് നിന്നവർ പോലും ബേബിയേ സഹായിച്ചില്ല. ഉടൻ വെസ്റ്റ് പോലീസ് സ്ഥലത്തെത്തി ഇയാളേ പിടികൂടി സ്റ്റേഷനിലേക്ക് കൊണ്ടുപോവുകയായിരുന്നു.

Top