ആ പുസ്തകം എത്രയും പെട്ടെന്ന് എനിക്ക് തന്നെ തന്നോളൂ,; അല്ലെങ്കില്‍ അതിലെ ഓരോ വരിയും കോപ്പിയടിക്കും

പാലക്കാട്: ശബരിമല വിഷയത്തില്‍ തന്നെ പരിഹസിച്ച എംജെ ശ്രീചിത്രന് തിരിച്ച് എട്ടിന്റെ പണികൊടുത്ത് വിടി ബല്‍റാം എംഎല്‍എ. എസ് കലേഷ് എഴുതിയ അങ്ങനെയിരിക്കെ മരിച്ചുപോയി ഞാന്‍നീ എന്ന കവിത ദീപാ നിശാന്തിന്റെ പേരില്‍ ഒരു സര്‍വ്വീസ് സംഘടനയുടെ മാസികയില്‍ വന്നത് ശ്രീചിത്രന്‍ പകര്‍ത്തി നല്‍കിയിട്ടാണെന്ന് കഴിഞ്ഞ ദിവസം വാര്‍ത്തകളില്‍ വന്നിരുന്നു. ഇതിന് പിന്നാലെയാണ് വിടി ബല്‍റാം പരിഹാസവുമായി രംഗത്ത് വന്നിരിക്കുന്നത്

ശബരിമല വിഷയത്തില്‍ ശ്രീചിത്രന്‍ തന്നെ പരിസഹിച്ച് എഴുതിയ ഫേസ്ബുക്ക് കുറിപ്പ് പങ്കുവച്ചുകൊണ്ടാണ് ബല്‍റാം പരിഹാസവുമായി രംഗത്ത് വന്നിരിക്കുന്നത്.

വിടി ബലറാമിന്റെ പോസ്റ്റ് ഇങ്ങനെ…

‘പ്രിയപ്പെട്ട ശ്രീചിത്രന്‍, നെഹ്രുവിന്റെ ‘ഇന്ത്യയെ കണ്ടെത്തല്‍’ എന്ന ആ പുസ്തകം എത്രയും പെട്ടെന്ന് എനിക്ക് തന്നെ തന്നോളൂ. എന്റെ കയ്യില്‍ അതിന്റെ കോപ്പി ഇല്ലാത്തത് കൊണ്ടല്ല, നിങ്ങളുടെ ഷെല്‍ഫില്‍ അതിരുന്നാല്‍ അതിലെ ഓരോ പേജും നിങ്ങള്‍ അടിച്ചുമാറ്റി സ്വന്തം പേരിലും മറ്റ് വല്ലവരുടെ പേരിലുമൊക്കെ പലയിടത്തും പ്രസിദ്ധീകരിച്ചു കളയും എന്ന പേടി കൊണ്ടാണ്.’

Top