കുട്ടികളുടെ അശ്ലീലവീഡിയോകളും ചിത്രങ്ങളും പ്രചരിപ്പിക്കുന്ന വാട്ട്‌സ്ആപ്പ് ഗ്രൂപ്പുകള്‍ പെരുകുന്നു
രാജ്യത്ത് കുഞ്ഞുങ്ങള്‍ക്കെതിരായ ആക്രമണങ്ങള്‍ വര്‍ധിക്കുകയാണ്. ലാളനയും സ്‌നേഹവും ഏറ്റുവാങ്ങേണ്ട കുഞ്ഞുങ്ങള്‍ക്ക് ചില മനുഷ്യമൃഗങ്ങളാല്‍ ജീവിതം തന്നെ നഷ്ടപ്പെടുന്നു. കത്വയിലെയും സൂറത്തിലെയും പെണ്‍കുട്ടികളും ഇത്തരത്തില്‍ ജീവിതം നഷ്ടപ്പെട്ടവരാണ്. മകളുടെ പ്രായമുള്ളവരുടെ മാനം പിച്ചിചീന്താന്‍ താല്‍പര്യപ്പെടുന്നവരുടെ എണ്ണം സമൂഹത്തില്‍ വര്‍ധിക്കുമ്പോള്‍ ചില വാട്ടസ്ആപ്പ് ഗ്രൂപ്പുകളും ഇതിന് കാരണമാകുന്നുവെന്നാണ് യാഥാര്‍ത്ഥ്യം.
പെണ്‍കുട്ടികളുടെ അശ്ലീല ചിത്രങ്ങളും വീഡിയോകളും പ്രചരിപ്പിക്കുന്ന വാട്ടസ്ആപ്പ് ഗ്രൂപ്പുകള്‍ പെരുകുകയാണ്. ഈ ഗ്രൂപ്പിന്റെ അഡ്മിന്‍മാര്‍ സമൂഹത്തില്‍ യഥേഷ്ടം വിലസുകയും ചെയ്യുന്നു. ഇത്തരം ഞരമ്പ് രോഗികള്‍ അവരുടെ ദുഷ്ചിന്തകള്‍ മറ്റുള്ളവരിലേക്കും വ്യാപിപ്പിക്കുന്നു. ഇങ്ങനെയുള്ള വ്യാപനങ്ങളാണ് സമൂഹത്തില്‍ പെണ്‍കുഞ്ഞുങ്ങള്‍ക്കെതിരായ അതിക്രമണങ്ങള്‍ വര്‍ധിക്കുന്നതിന്റെ ഒരു കാരണവും.
ചില്‍ഡ്രന്‍സ് എന്ന പേരില്‍ കുഞ്ഞുങ്ങളുടെ അശീലചിത്രങ്ങള്‍ പ്രചരിപ്പിക്കുന്ന ഗ്രൂപ്പിന്റെ അഡ്മിന്റെ ചിത്രമാണ് മുകളില്‍ നല്‍കിയിരിക്കുന്നത്. പ്രസാദ് കണ്ണമ്പറമ്പില്‍ എന്നാണ് ഇയാളുടെ പേര്. പെണ്‍കുട്ടികളുടെ അശ്ലീല ചിത്രങ്ങളും വീഡിയോകളും ഇയാള്‍ അഡ്മിനായ ഗ്രൂപ്പിലൂടെ പ്രചരിക്കുന്നു.
ഇത്തരം ഗ്രൂപ്പുകളിലുള്ള അംഗങ്ങളുടെ എണ്ണവും വളരെ വലുതാണ്. ഇത്തരം വര്‍ധനവ് തീര്‍ച്ചയായും ആശങ്കപ്പെടുത്തുന്നതാണ്. കുഞ്ഞുങ്ങളുടെ അശ്ലീലത കണ്ട് ആസ്വദിക്കുവാന്‍ താല്‍പര്യപ്പെടുന്ന ഞരമ്പ് രോഗികളുടെ എണ്ണം വര്‍ധിക്കുന്നുവെന്ന ഞെട്ടിപ്പിക്കുന്ന സത്യങ്ങളാണ് ഇതിലൂടെ പുറത്തുവരുന്നത്. ഇത് നമ്മൂടെ സമൂഹത്തില്‍ വരുത്തിവെക്കാവുന്ന അപകടങ്ങള്‍ എന്തായിരിക്കുമെന്ന് ചിന്തിക്കാമല്ലോ? ഒരുപാട് ആസിഫമാരേയായിരിക്കും നാളെ നമ്മുടെ നാട് കാണേണ്ടി വരുക. അത് തടയണമെങ്കില്‍ ഇത്തരം വാട്ടസ്ആപ്പ് ഗ്രൂപ്പുകളെ തിരിച്ചറിയുകയും തടയുകയും ഇതിന് പിന്നില്‍ പ്രവര്‍ത്തിക്കുന്നവരേ നിയമത്തിനു മുന്നില്‍ കൊണ്ടുവന്നേ മതിയാകൂ.
