കാക്കിയിട്ട് പോലീസിൽ വിലസുന്നത് 387 ക്രിമിനലുകൾ

കേരളാ പോലീസിൽ ധാരാളം ക്രിമിനലുകൾ വിലസുന്നു. വിവിധ കേസുകളിൽ പ്രതികളായ 387 പൊലീസുകാരാണ് ഇപ്പോളും സർവ്വീസിൽ തുടരുന്നത്. 1129 പേരായിരുന്നു 2011ലെ കണക്കനുസരിച്ച് പൊലീസിൽ ക്രിമനലുകളായി ഉണ്ടായിരുന്നത്. എന്നാൽ 2018 ആയപ്പോഴേക്കും പൊലീസിലെ കുറ്റവാളികളുടെ എണ്ണം 387ലേക്ക് എത്തി. ഇവർക്കെതിരെയുള്ള കുറ്റങ്ങൾ നേരിട്ട് അന്വേഷിച്ച് നടപടി സ്വീകരിക്കാൻ എഡിജിപി അദ്ധ്യക്ഷനായ സമിതിയും രൂപീകരിച്ചിരുന്നു.

ഇവർക്കെതിരെ അന്വേഷിച്ച് റിപ്പോർട്ട് തയ്യാറാക്കണമെന്ന് ഏപ്രിൽ 24ന് സംസ്ഥാന പൊലീസ് മേധാവി ഉത്തരവിട്ടിരുന്നു. എന്നാൽ സമിതിയിൽ ഉൾപ്പെട്ടിരുന്ന ഉന്നത പൊലീസ് ഉദ്യോഗസ്ഥർക്ക് സ്ഥലംമാറ്റം ലഭിച്ചതോടെ പൊലീസ് കുറ്റവാളികൾക്കെതിരെയുള്ള അന്വേഷണം ഏങ്ങും എത്തിയില്ല. സംസ്ഥാന മനുഷ്യാവകാശ കമ്മീഷന്റെ ഉത്തരവിനെത്തുടർന്നായിരുന്നു സമിതി രൂപീകരിച്ചത്. പൊലീസുകാർക്കെതിരായ പരാതികൾ കേൾക്കുന്ന പൊലീസ് കംപ്ലെയിന്റ് അതോറിറ്റി പരാതികൾ സ്വീകരിച്ചിട്ട് നാളുകളായി. പിണറായി സർക്കാർ അധികാരമേറ്റതിനു ശേഷം പൊലീസുകാർ കുറ്റക്കാരായ നിരവിധി കേസുകൾ റിപ്പോർട്ട് ചെയ്യപ്പെട്ടിട്ടുണ്ട്. അവസാനത്തേതാണ് നെയ്യാറ്റിൻകരയിലെ സനൽ.

Top