ഹലാൽ ഭക്ഷണവും, ഹിന്ദുക്കളുടെ പ്രസാദവും ക്രിസ്ത്യാനികൾ കഴിക്കരുത്, അതിൽ പൈശാചിക ശക്തിയുണ്ട്,വർഗീയ ലേഖനവുമായി ക്രിസ്ത്യൻ പ്രസിദ്ധീകരണം

കൊച്ചി: തീവ്ര വർഗീയത കേരളത്തിലേ ക്രിസ്ത്യാനികളിൽ കുത്തിവയ്ക്കാൻ മറ്റ് മതങ്ങളേ താറടിക്കുന്ന വിവാദ ലേഖനം.മുസ്ളീങ്ങളുടെ ഹലാൽ ഭക്ഷണവും, ഇറച്ചിയും കഴിക്കരുതെന്നും ഇത്തരം ഹോട്ടലിലും, സദ്യകൾക്കും പോകരുതെന്നും വാട്സപ്പിലും ഫേസ്ബുക്കിലും പ്രചരണങ്ങൾ പടരുന്നു. മാത്രമല്ല ശബരിമലയിലെ അരവണ ക്രിസ്ത്യാനികൾ കഴിക്കരുതെന്നും അതിൽ പൈശാചിക ശക്തിയാണ്‌ ഉള്ളതെന്നും പറയുന്നു. ക്ഷേത്രങ്ങളിൽ പൂജിച്ച ഒരു ഭക്ഷണവും പ്രസാദവും ക്രിസ്ത്യാനികൾ കൈകൊണ്ട് പോലും തൊടരുത്.

വിഗ്രഹങ്ങൾക്ക് അർപ്പിച്ച ഭക്ഷണങ്ങളിൽ പൈശാചിക ശക്തി ആവഹിച്ചിട്ടുണ്ട്. അതിൽ നിന്നും എല്ലാ ക്രിസ്ത്യാനികളും മാറി നില്ക്കണം. ഹലാൽ ഇറച്ചിയിലും പൈശാചികതയുണ്ട്. മുസ്ളീങ്ങളേ വിവാഹത്തിനു ക്ഷണിച്ചു എന്ന പേരിൽ സദ്യയുടെ ഇറച്ചിയും ഹലാൽ ആക്കുന്ന മ്രിസ്ത്യാനികൾക്ക് വരാൻ പോകുന്ന അപകടത്തേകുറിച്ചും മുന്നറിയിപ്പ്. മനോവ ഓൺലൈൻ എന്നപേരിൽ മലയാളത്തിൽ ഇറങ്ങുന്ന ക്രിസ്ത്യൻ ജേണൽ ആണ്‌ വർഗീയ വിഷം തുപ്പുന്നത്.

വിവാദ പ്രസിദ്ധീകരണവും അതിന്റെ ലിങ്കും ക്രിസ്ത്യൻ ഗ്രൂപ്പുകളിൽ പടരുകയാണ്‌.കേരളത്തിലെ യുവജനോത്സവങ്ങള്‍ക്ക് സദ്യവട്ടം ഒരുക്കുന്ന മലയാള ലോകത്തിലേ ഏറ്റവും വലിയ പാചകവിദഗ്ദൻ പഴയിടം മുരളിയേ പോലും വെറുതേ വിടുന്നില്ല. ഇങ്ങിനെ പറയുന്നു “കേരളത്തിലെ യുവജനോത്സവങ്ങള്‍ നടക്കുമ്പോള്‍ അവിടെ ഭക്ഷണം പാചകം ചെയ്യാന്‍ കടന്നുവരുന്ന പഴയിടം മുരളിയെ അറിയാത്തവരായി ആരുംതന്നെ ഉണ്ടാകില്ല. പൈശാചിക പൂജകളോടെയാണ് ഇയാള്‍ പാചകം ആരംഭിക്കുന്നത്. ബ്രാഹ്മണരുടെ നേതൃത്വത്തില്‍ പാചകം നടക്കുന്ന സകലയിടങ്ങളിലും വിഗ്രഹങ്ങള്‍ക്ക് അര്‍പ്പിച്ച ഭക്ഷണമാണ് ലഭിക്കുന്നത്”

വെജിറ്റേറിയൻ ഹോട്ടലുകളിൽ കയറി ക്രിസ്ത്യാനികൾ ഭക്ഷണം കഴിക്കരുതെന്നും വിഗ്രഹങ്ങൾക്ക് അർപ്പിച്ചും പൂജകൾ നടത്തിയുമാണ്‌ അവർ ഭക്ഷണം ഉണ്ടാക്കുന്നതെന്നും പറയുന്നു. ഹിന്ദുവിന്റെ ഭോചനശാലയിലും ഇസ്ലാമിന്റെ ഭോചനശാലയിലും മാത്രമാണ് വിഗ്രഹാര്‍പ്പിത ഭക്ഷണം( അതായത് പൈശാചിക ഭക്ഷണം) ആണ്‌ വിതരണം ചെയ്യുന്നത്. ഇസ്ലാമിനെ അതിഥിയായി ക്ഷണിച്ചാല്‍, അവനുവേണ്ടി സകലര്‍ക്കും ‘ഹലാല്‍’ ഭക്ഷണം വിളമ്പുന്ന ക്രിസ്ത്യാനിയുടെ രീതി നിർത്തണം എന്നും വിവാദ ലേഖനം വർഗീയ വിഷം ചീറ്റുന്നു.

സത്യവിശ്വാസികളുടെ ഈറ്റില്ലമായിരുന്ന യൂറോപ്പിനെ ഈ അവസ്ഥയില്‍ എത്തിച്ചത് ആരെല്ലാം ചേര്‍ന്നാണ്? ക്രിസ്ത്യാനിക്കു വേണ്ടി നിയമങ്ങള്‍ നിര്‍മ്മിക്കാനോ അവര്‍ക്കുവേണ്ടി ഭക്ഷണപദാര്‍ത്ഥങ്ങള്‍ ലഭ്യമാക്കാനോ ആരും തയ്യാറാകുന്നില്ല. എന്താണ് ഇതിനു കാരണം? അവിടെയെല്ലാം ഇസ്ളാമിന്റെ ഹലാൽ ഇറച്ചിയാണ്‌ വിതരണം. യൂറോപ്പിലെ ജനസംഖ്യയില്‍ മൂന്നുശതമാനം മാത്രമുള്ള ഇസ്ലാമിനുവേണ്ടി ക്രിസ്ത്യാനികള്‍ അടക്കമുള്ള സകലരെയും ‘ഹലാല്‍’ ഭക്ഷണത്തിന്റെ അടിമകളാക്കാന്‍ ശ്രമിക്കുന്നത് നാം നിസ്സാരമായി കാണരുത്. ‘ഹലാല്‍’ ഭക്ഷണം ആസ്വദിക്കാന്‍ മടിയില്ലാത്ത ഈ വിഭാഗത്തിനുവേണ്ടി അതിന്റെ യഥാര്‍ത്ഥ സത്യം ഇവിടെ തുറന്നു വയ്ക്കുകയാണ്. മനോവ വിഷം ചീറ്റുന്നു.

ഇസ്ളാമിന്റെ കശാപ്പ് രീതിയേയും വിമർശിക്കുന്നു മനോവയിൽ..ഇങ്ങിനെ “കശാപ്പുകാരന്‍ പ്രായപൂര്‍ത്തിയായ സ്ഥിരബുദ്ധിയുള്ള മുസ്‌ലിം ആയിരിക്കണം. ചില പണ്ഡിതന്മാരുടെ അഭിപ്രായത്തില്‍ മറ്റുള്ള നിബന്ധനകള്‍ പാലിച്ചുകൊണ്ട് ക്രിസ്ത്യന്‍ – യഹൂദ മതക്കാര്‍ കശാപ്പു ചെയ്താലും മതിയാകും. കശാപ്പിനു മുമ്പ് മതിയായ തീറ്റയും വെള്ളവും കൊടുത്തിരിക്കണം. കശാപ്പിന് ഉപയോഗിക്കുന്ന കത്തി വളരെ മൂര്‍ച്ചയുള്ളതായിരിക്കണം. കശാപ്പു ചെയ്യുന്ന മൃഗത്തിന്റെ മുന്നില്‍ വെച്ച് കത്തി മൂര്‍ച്ചകൂട്ടാന്‍ പാടുള്ളതല്ല.

ഒരു മൃഗത്തിന്റെ മുന്നില്‍ വെച്ച് മറ്റ് മൃഗങ്ങളെ കശാപ്പുചെയ്യാന്‍ പാടില്ല. കശാപ്പു ചെയ്യപ്പെടുന്ന മൃഗത്തിന്റെ തല കഅബയുടെ നേരേ തിരിക്കുക. കശാപ്പുചെയ്യുന്നതിന് തൊട്ടുമുമ്പ് വെള്ളം കുടിപ്പിച്ചിരിക്കണം. കശാപ്പു ചെയ്യുമ്പോള്‍ “ബിസ്മില്ലാഹി അള്ളാഹു അക്ബര്‍” (അള്ളാഹുവിന്റെ നാമത്തില്‍, അള്ളാഹു വലിയവനാണ്) എന്ന് പറയണം. കശാപ്പുചെയ്യുന്നത് ഒറ്റപ്രാവശ്യമായി കഴുത്തിലെ നാലു ഞരമ്പുകളും മുറിച്ചു കൊണ്ടായിരിക്കണം.

“അടിസ്ഥാനപരമായി ഒരു ഏകീകൃത നേതൃത്വംപോലുമില്ലാത്ത ഇസ്ലാമിക വിശ്വാസികളുടെ ആത്മീയകാര്യങ്ങള്‍ക്ക് ഇത്രത്തോളം വലിയ ജാഗ്രതയുണ്ട്. ലോകത്ത് എല്ലായിടത്തും ‘ഹലാല്‍’ ഭക്ഷണം ലഭ്യമാക്കുന്നതിന് ഇവര്‍ ജാഗ്രതയോടെ വര്‍ത്തിക്കുന്നു. ക്രൈസ്തവർക്കാണ്‌ ഇക്കാര്യത്തിൽ ഒരു ചിട്ടയും ഇല്ലാത്തത്. അവർ എല്ലാം തിന്നുന്നു.

വിഗ്രഹത്തിൽ അർപ്പിക്കുന്ന ഒന്നും കഴിക്കരുത്. ദേവീ ദേവന്മാർക്ക് പൂജിക്കുന്നതും കഴിക്കാൻ പാടില്ല. ഒരു വിഗ്രഹവും ദൈവമല്ല. ദൈവമല്ലാത്ത ഒന്നിനെ ദൈവമാണെന്നു ധരിച്ചുകൊണ്ടു ആരാധന അര്‍പ്പിച്ചാല്‍ അത് വിഗ്രഹാരാധനയാകും. എന്തെന്നാല്‍, ഇത്തരം ആരാധനകളെല്ലാം സ്വീകരിക്കുന്നത് പിശാചാണ്. ഇത്തരത്തിലാണ്‌ ഹലാൽ ഇറച്ചിയിലും പൈശാചികത വരുന്നതെന്നും മനോവ ഇറക്കിയ ലേഖനത്തിൽ പറയുന്നു.

‘ഹലാല്‍’ ആണെന്ന പ്രഖ്യാപനവുമായി ഇസ്ലാം തുറന്നുവച്ചിരിക്കുന്ന സ്ഥാപനങ്ങളില്‍നിന്നു ക്രിസ്ത്യാനികള്‍ അകന്നുനില്‍ക്കാന്‍ തയ്യാറാകണം എന്നും മത വിരുദ്ധമായ ഈ പ്രസിദ്ധീകരണം വർഗീയ വിഷം കലർത്തി എഴുതിയിരിക്കുന്നു.നാളുകളായി കടുത്ത വർഗീയത പ്രചരിപ്പിക്കുന്ന ഇതിലേ ലേഖനങ്ങൾ ആയിരക്കണക്കിന്‌ കൃസ്ത്യൻ ഗ്രൂപ്പുകളിലും വാടസപ്പിലും പ്രചരിക്കാൻ തുടങ്ങിയതോടെയാണ്‌ സമൂഹത്തിൽ ആരും അറിയാതെ നടക്കുന്ന വർഗീയ ധ്രുവീകരണത്തിനിടയാക്കുന്നത്. എല്ലാ മത വിഭാഗങ്ങളും ഇതിനെതിരേ ജാഗ്രത പാലിക്കുക.

Top