ലാലേട്ടാ..ഇങ്ങിനെ പ്രവാസികളേ പറ്റിക്കണോ? ഓസ്ട്രേലിയയിൽ ഷോയിൽ റെക്കോഡ് ചെയ്ത പാട്ട് കേൾപ്പിച്ച് ചുണ്ട് അനക്കി പാടി

ലാലേട്ടനേ വീണ്ടും കൈയ്യോടെ പിടിച്ച് സോഷ്യൽ മീഡിയ. ഓസ്ട്രേലിയയിൽ വിവിധ ഇടങ്ങളിൽ നടന്ന സ്റ്റേജ് ഷോയാണ്‌ വിവാദത്തിനിടയാക്കിയത്.  സിനിമയിൽ ചുണ്ട് അനക്കി പാട്ടുപാടാൻ ഉള്ള ആയിരം അഭ്യാസങ്ങൾ കഴിഞ്ഞ ലാലേട്ടനോടാണോ കളി? ലാലേട്ടൻ ഒരു വേദിയിൽ മൈക്ക് കൈയ്യിലെടുത്ത് ചുണ്ടോട് അടുപ്പിക്കാൻ മറന്നു പോയി. അപ്പോഴും പാട്ട് ഒരേ ശബ്ദത്തിൽ പുറത്തേക്ക് വന്നു. നേരത്തേ റെക്കോഡ് ചെയ്തുവയ്ച്ച പാട്ട് കേൾപ്പിക്കുകയായിരുന്നു. ഈ അമളി വീഡിയോയിൽ പതിഞ്ഞ് പുറത്തുവന്നതാണ്‌ പാരയായത്. വര്‍ഷങ്ങള്‍ക്ക് മുന്‍പ് ലാലിസം എന്ന പ്രോഗ്രാം അവതരിപ്പിക്കുന്നതിന്റെ ഇടയില്‍ ലാലിന് പറ്റിയ അതേ അബദ്ധം.നേരത്തെ റിക്കാര്‍ഡ് ചെയ്തു വെച്ച ശേഷം പൊതുവേദിയില്‍ കയറി ചുണ്ടുമാത്രം അനക്കുക എന്ന ന്യൂജെന്‍ ടെക്നിക്ക് ആണ് ലാലേട്ടന് വീണ്ടും പാര ആയത്.

പ്രയാഗ മാർട്ടിനോടൊപ്പം ‘ചന്ദ്രികയിൽ അലിയുന്നു ചന്ദ്രകാന്തം’ എന്ന ഗാനം വേദിയിൽ ആലപിക്കുമ്പോഴാണ് സംഭവം.കേരളത്തിൽ നടന്ന ദേശീയ ഗെയിംസ് ഉദ്ഘാടനത്തോടനുബന്ധിച്ച്‌ നടന്ന ലാലിസം പ്രോഗ്രാമിലും ഇങ്ങനെ സംഭവിച്ചിരുന്നു.ലാലേട്ടൻ ഇങ്ങിനെ റെക്കോഡ് ചെയ്തുവയ്ച്ച് ചുണ്ടനക്കുകയായിരുന്നുവോ എന്ന് ഇപ്പോൾ പരിപാടിക്കെത്തിയവരും ട്രോളാൻ തുടങ്ങി.

മാത്രമല്ല പാട്ട് പാടുമ്പോൾ മൈക്ക് അകന്നിരുന്നിട്ട് പ്രയാഗ ലാലിന്റെ കൈക്ക് തട്ടുന്നതും കാണാം. വേദികളിൽ ലാൽ പാടുമ്പോൾ പലപ്പോഴും മൈക്കും കൈയ്യും കൊണ്ട് മുഖം മറക്കാനോ സദസിൽ നിന്നും നേരിട്ടുള്ള കാഴ്ച്ച ഒഴിവാക്കാൻ ശ്രമിച്ചതും കാണാമായിരുന്നു എന്നും ഫേസ്ബുക്ക് പോസ്റ്റുകൾ. ഇതുമായി ബന്ധപ്പെട്ട് മലയാളി വിഷൻ പുറത്തിറക്കിയ വീഡയോ കാണാം. മുമ്പ് നടന്ന പരിപാടിയിലേ അബദ്ധവും, വീഡിയോയുടെ ഒടുവിൽ ഓസ്ട്രേലിയയിൽ നടന്ന അബദ്ധവും കാണാം.

മാത്രമല്ല പലയിടത്തും അരാധകരേ ഒന്നും ലാൽ അടുത്ത് അടുപ്പിച്ചില്ല. ഫോട്ടോ പോലും നോ..ആരും അടുത്ത് വരാതിരിക്കാനും ഒറിജിനൽ ആയി പാട്ടുപാടാത്തതിന്റെയും കാരണവും സോഷ്യൽ മീഡിയയിൽ ട്രോളുകൾ ഇറങ്ങുന്നു. വൈകിട്ടത്തേ പരിപാടിയാകാം കാരണം എന്നും ട്രോളുകൾ.ലാൽ ഇപ്പോഴും അങ്ങിനെയൊക്കെ മദ്യപിക്കാറുണ്ടോ എന്നും ചോദ്യ ശരങ്ങൾ. അതാണോ പല വേദികളിലും സിനിമാ സ്റ്റൈൽ ഒരു ഡാൻസ് പോലും ഇല്ലാതിരുന്നത്? കുട്ടികൾക്കൊപ്പം ഡാൻസ് ചെയ്തപ്പോഴും ശരീര വടിവുകൾ കൃത്യമായി മസിൽ പിടിച്ച് നിലനിർത്തിയത്?പരിപാടിയിൽ എല്ലായിടത്തും ലാൽ പൊതുവേ ശാന്തനും ആരാധകരിൽ നിന്നും മാറിയും നിന്നു എന്നും പറയുന്നു.എന്തായാലും പ്രവാസികളുടെ നിറ സാന്നിധ്യം ആയിരുന്നു ഓസ്ട്രേലിയൻ വേദികളിൽ. പാട്ട് റെക്കോഡ് ചെയ്ത് കേൾപ്പിച്ചതാണേലും.

Top