Kerala Top Stories

നെയ്യാറ്റിന്‍കരയില്‍ അമ്മയും മകളും ആത്മഹത്യ ചെയ്ത സംഭവം, അറസ്റ്റിലായ പ്രതികള്‍ ഇനി പുറംലോകം കാണില്ല, പ്രതികള്‍ക്ക് കൂടുതല്‍ കുരുക്ക്, മന്ത്രവാദിയെയും അറസ്റ്റ് ചെയ്‌തേക്കും

തിരുവനന്തപുരം: നെയ്യാറ്റിന്‍കരയില്‍ അമ്മയും മകളും മണ്ണെണ്ണയൊഴിച്ച് തീകൊളുത്തി ആത്മഹത്യ ചെയ്ത സംഭവത്തില്‍ അറസ്റ്റിലായത് ഭര്‍ത്താവും ബന്ധുക്കളുമാണ്. പ്രതികള്‍ക്ക് മേല്‍ കുരുക്ക് മുറുകുകയാണ്. മരിച്ച വീട്ടമ്മയുടെ ഭര്‍ത്താവ് ചന്ദ്രന്‍, ഭര്‍തൃമാതാവ് കൃഷ്ണമ്മ, ബന്ധുക്കളായ ശാന്തി, കാശി എന്നിവരെ ആത്മഹത്യ പ്രേരണ കുറ്റം ചുമത്തിയാണ് അറസ്റ്റ് ചെയ്തത്. എന്നാല്‍ ഇവര്‍ക്ക് മേല്‍ കൂടുതല്‍ വകുപ്പുകള്‍ ചുമത്താന്‍ പോലീസ് തീരുമാനിച്ചു. മന്ത്രവാദിക്കും സംഭവത്തില്‍ പങ്കുണ്ടോയെന്നും പോലീസ് അന്വേഷിക്കും.

ഇന്നലെ ഭര്‍ത്താവ് ചന്ദ്രന്‍ അടക്കം നാലുപേരെയും കോടതി റിമാന്‍ഡ് ചെയ്തിരുന്നു. 14 ദിവസത്തേക്കാണ് നെയ്യാറ്റിന്‍കര ജില്ലാ സെഷന്‍സ് കോടതി ഇവരെ റിമാന്‍ഡ് ചെയ്തത്. പ്രതികളെ വീണ്ടും ചോദ്യം ചെയ്യുന്നതിനായി പോലീസ് ഇന്ന് കസ്റ്റഡി അപേക്ഷ നല്‍കും. കൂടുതല്‍ ചോദ്യം ചെയ്യാനുണ്ടെന്ന് കാണിച്ചാകും പൊലീസ് കസ്റ്റഡി അപേക്ഷ നല്‍കുക.

സ്ത്രീധന പീഡനം, മന്ത്രവാദം, കുടുംബ പ്രശ്‌നങ്ങള്‍ എന്നിവ നെയ്യാറ്റിന്‍കരയിലെ വീട്ടമ്മയുടേയും മകളുടേയും ആത്മഹത്യയ്ക്ക് കാരണമായെന്ന് വിശദമാക്കുന്ന വീട്ടമ്മയുടെ ആത്മഹത്യക്കുറിപ്പ് ഇന്നലെ പൊലീസ് കണ്ടെടുത്തിരുന്നു. കുറിപ്പ് എഴുതിയതിന് പുറമേ ചുമരിലും മരണത്തിന് ഉത്തരവാദി ചന്ദ്രനും കൃഷ്ണമ്മയും ശാന്തയും കാശിയുമാണെന്ന് എഴുതി വച്ചാണ് ലേഖയും മകള്‍ വൈഷ്ണവിയും ആത്മഹത്യ ചെയ്തത്.

മരണത്തിന് ഉത്തരവാദി ഭര്‍ത്താവും ബന്ധുക്കളുമാണെന്ന് ചുമരില്‍ ഒട്ടിച്ചുവച്ച രണ്ടു പേജുള്ള ആത്മഹത്യാക്കുറിപ്പിലും വിശദമാക്കുന്നുണ്ട്. ജപ്തി നടപടികളായിട്ടും ഭര്‍ത്താവ് ഒന്നും ചെയ്തില്ല. പകരം ജപ്തി നോട്ടീസ് വീടിനടുത്തുള്ള ആല്‍ത്തറയില്‍ കൊണ്ടു വച്ച് പൂജിക്കുകയാണ് ചെയ്തത്. സ്ത്രീധനത്തിന്റെ പേരില്‍ നിരന്തരം പീഡിപ്പിച്ചുവെന്നും ആത്മഹത്യാക്കുറിപ്പില്‍ ആരോപിക്കുന്നു.

സ്ത്രീധനത്തിന്റെ പേരില്‍ കൃഷ്ണമ്മ വിഷം തന്ന് കൊലപ്പെടുത്താന്‍ നോക്കിയെന്നും ആത്മഹത്യാ കുറിപ്പില്‍ പറയുന്നു. നാട്ടുകാരോട് തന്നെയും മകളെയും കുറിച്ച് തെറ്റായ പ്രചാരണം നടത്തിയെന്നും ആത്മഹത്യാ കുറിപ്പ് വിശദമാക്കുന്നു. ഭാര്യ എന്ന സ്ഥാനം ഒരിക്കല്‍ പോലും നല്‍കിയില്ലെന്നും ലേഖയുടെ ആത്മഹത്യാക്കുറിപ്പില്‍ പറയുന്നു.

Related posts

കഴക്കൂട്ടത്തു പച്ചക്കറികട ഉടമയെയും തൊഴിലാളികളെയും വെട്ടിപരുക്കേല്‍പ്പിച്ചകേസില്‍ രണ്ടുപേര്‍ പിടിയില്‍

നെടുമ്പാശ്ശേരി വിമാനത്താവളത്തിലെ പുതിയ ടെര്‍മിനല്‍ 18 മുതല്‍ പ്രവര്‍ത്തനസജ്ജമാകും

subeditor

ദിലീപിന്റെ റിമാന്‍ഡ് കാലാവധി ഇന്ന് തീരും; കോടതിയില്‍ ‘ഹാജരാക്കുക’ സ്‌കൈപ്പിലൂടെ

കോപ്പിയടിച്ച ഐജി പിടിയില്‍

subeditor

നിറപറ മായം : ഒന്നിനു പുറകെ ഒന്നായി പരാതികൾ

subeditor

പൊലീസ് ഡ്രൈവര്‍ക്ക് മര്‍ദ്ദനം: അന്വേഷണം ക്രൈംബ്രാഞ്ചിന്; പൊലീസുകാരുടെ പരാതികള്‍ കേള്‍ക്കാന്‍ പ്രത്യേക സെല്‍

ഭീകരവാദത്തിനെതിരെ കൈകോർത്ത് അമേരിക്കയും അഫ്ഗാനും

ഐഎസിന്‌ കേരളത്തിൽ വനിതാ വിംഗ്..? ; റിക്രൂട്ട് ചെയ്യുന്നത് കണ്ണൂരിലെ ഉമ്മയും മകളും

വിമാനം കായലിൽ വീണു, യാത്രക്കാർ നീന്തി കര കയറി

subeditor

മുന്‍ മുഖ്യമന്ത്രി ഉമ്മന്‍ചാണ്ടി ഉള്‍പ്പെടെയുള്ള നേതാക്കന്മാര്‍ക്കെതിരെയുള്ള ഞെട്ടിപ്പിക്കുന്ന ആരോപണങ്ങളുടെ പകര്‍പ്പ് പുറത്ത്

subeditor

ഗജേന്ദ്രസിങ്ങിന്റെ ആത്മഹത്യ ആസൂത്രിതമെന്ന് സംശയം

subeditor

കഥയുടെ സുല്‍ത്താന്‍ മറഞ്ഞിട്ട് 21 സംവത്സരം

subeditor