social Media

കന്യാസ്ത്രീയെ പീഡിപ്പിച്ച സംഭവവും നടി ആക്രമിക്കപ്പെട്ട സംഭവവും തമ്മില്‍ സാദൃശ്യങ്ങള്‍…..സിനിമയില്‍ എന്നതു പോലെ, സഭയിലും അവര്‍ എണ്ണത്തില്‍ കുറവാണെന്ന് കെ.ആർ മീര

കന്യാസ്ത്രീയെ ലൈംഗികമായി പീഡിപ്പിച്ച സംഭവവും നടി ആക്രമിക്കപ്പെട്ട സംഭവവും തമ്മില്‍ സാദൃശ്യങ്ങള്‍ ഏറെയാണെന്ന് സാഹിത്യകാരി കെ.ആര്‍ മീര. നടി ആക്രമിക്കപ്പെട്ടപ്പോള്‍ എങ്ങനെയാണോ മലയാള സിനിമാ സംഘടന പ്രതികരിച്ചത് അതേപ്പോലെയാണ് കന്യാസ്ത്രീവിഷയത്തില്‍ സഭയും പ്രതികരിക്കുന്നതെന്നാണ് കെ ആര്‍ മീര ഫെയ്‌സ്ബുക്കില്‍ കുറിച്ചത്.

ഫെയ്‌സ്ബുക്ക് പോസ്റ്റിന്റെ പൂര്‍ണ്ണരൂപം

സിനിമാതാരങ്ങള്‍ക്കു പണവും പ്രശസ്തിയും ആരാധക വൃന്ദവുമുണ്ട്.കന്യാസ്ത്രീകള്‍ക്കു വിധിച്ചിട്ടുള്ളത് മിണ്ടടക്കവും ആശയടക്കവുമാണ്. നിത്യമായ അടിമപ്പണി, ജോലിക്കു കൂലിയില്ലാത്ത അവസ്ഥ, മഠത്തില്‍നിന്നു വിടുതല്‍ നേടിയാല്‍ കുടുംബത്തില്‍ പോലും സ്വീകരണം കിട്ടാത്ത സ്ഥിതി, പിന്നെ, നിരാലംബ വാര്‍ധക്യം.

എങ്കിലും, സമരം ചെയ്യുന്ന കന്യാസ്ത്രീകള്‍ക്ക് ഒരു സംഘടന ഉണ്ടായാല്‍ അതിനെയും ഡബ്ല്യു. സി. സി. എന്നു തന്നെ വിളിക്കാം.

വിമന്‍ കളക്ടീവ് ഇന്‍ കാത്തലിക് ചര്‍ച്ച്.

സിനിമാനടി ആക്രമിക്കപ്പെട്ട സംഭവവും കന്യാസ്ത്രീ ആക്രമിക്കപ്പെട്ട കേസും തമ്മില്‍ സാദൃശ്യങ്ങള്‍ അത്രയേറെയാണ്.

വ്യക്തിപരമായ നഷ്ടങ്ങള്‍ അവഗണിച്ച് തങ്ങളിലൊരുവള്‍ക്കു നീതി കിട്ടുന്നതുവരെ സമരം തുടരാന്‍ സഹപ്രവര്‍ത്തകരായ സ്ത്രീകള്‍ പ്രകടിപ്പിക്കുന്ന നിശ്ചയദാര്‍ഢ്യമാണ് അവയില്‍ പ്രധാനം.

സിനിമയില്‍ എന്നതു പോലെ, സഭയിലും അവര്‍ എണ്ണത്തില്‍ കുറവാണ്. എതിര്‍പക്ഷത്തിന്റെ ആള്‍ബലമോ ധനബലമോ അധികാരബലമോ അവര്‍ക്കില്ല. പക്ഷേ, അവരും പുതിയൊരു ചരിത്രം സൃഷ്ടിക്കുന്നു.

സ്ത്രീകളോടുള്ള സമീപനത്തില്‍ മലയാള സിനിമാ താരങ്ങളുടെ സംഘടനയും കത്തോലിക്കാ സഭയും തമ്മിലുള്ള സാദൃശ്യങ്ങളും നിസ്സാരമല്ല.

നടി ആക്രമിക്കപ്പെട്ടപ്പോള്‍ എവ്വിധമാണോ സിനിമാതാര സംഘടന പ്രതികരിച്ചത്, അങ്ങനെ തന്നെയാണു കന്യാസ്ത്രീകളുടെ പരാതിയോട് സഭയുടെയും വിശ്വാസികളില്‍ ഒരു വിഭാഗത്തിന്റെയും പ്രതികരണം.

നടന്‍മാരില്‍ ഏതാണ്ട് എല്ലാവരും, പ്രത്യേകിച്ചും സൂപ്പര്‍ താരങ്ങള്‍, കനത്ത മൗനം പാലിക്കുകയും നടിമാരില്‍ ചിലര്‍ കുറ്റാരോപിതനായ നടനു വേണ്ടി രംഗത്തുവരികയും ചെയ്തതു പോലെ കന്യാസ്ത്രീയുടെ പരാതി സഭയും കേട്ടില്ലെന്നു നടിക്കുന്നു, അച്ചന്‍മാരും മറ്റു ബിഷപ്പുമാരും മൗനം പാലിക്കുന്നു, ചില കന്യാസ്ത്രീകള്‍ ബിഷപ്പിനെ അനുകൂലിച്ചു രംഗത്തു വരുന്നു.

കുറ്റാരോപിതനായ നടന്റെ പ്രതികരണവുമായി ബിഷപ്പിന്റെ പ്രതികരണത്തിനും സാദൃശ്യമുണ്ടാകുന്നു.

കഴിഞ്ഞില്ല കുറ്റാരോപിതനായ നടനു വേണ്ടി രംഗത്തിറങ്ങിയ ആളുകള്‍ തന്നെയാണു ബിഷപ്പിനു വേണ്ടിയും രംഗത്തുള്ളത്. കുറ്റം തെളിയുന്നതുവരെ സംശയിക്കരുത്, കുറ്റപ്പെടുത്തരുത് എന്ന വാദം തന്നെ അവര്‍ ബിഷപ്പിനു വേണ്ടിയും ഉയര്‍ത്തുന്നു. ആക്രമിക്കപ്പെട്ട സ്ത്രീക്കു നീതി കിട്ടണം എന്ന ആവശ്യത്തെ കുറ്റാരോപിതനെ ക്രൂശിക്കലായി വ്യാഖ്യാനിക്കപ്പെടുന്നു. ലൈംഗികാതിക്രമത്തെ അതിജീവിച്ച സ്ത്രീയെ നിശ്ശബ്ദയാക്കാന്‍ അര്‍ധസത്യങ്ങളും അസത്യങ്ങളും പ്രചരിപ്പിക്കപ്പെടുന്നു.

നടി ആക്രമിക്കപ്പെട്ടപ്പോള്‍, പീഡനം നേരിട്ട സ്ത്രീക്കു രണ്ടു ദിവസത്തേക്ക് എഴുന്നേറ്റു നടക്കാന്‍ സാധിക്കുമോ എന്ന സംശയം ഉന്നയിച്ച പുരുഷന്‍മാരെ ഓര്‍മ്മയില്ലേ? രണ്ടു ദിവസത്തിനു മുമ്പ് എഴുന്നേറ്റു നടന്നിട്ടുണ്ടെങ്കില്‍ പീഡനം നടന്നിട്ടില്ല എന്നായിരുന്നു ആ ചോദ്യത്തിന്റെ ധ്വനി. പക വീട്ടാന്‍ ഗൂഢാലോചന നടത്തി നഗരമദ്ധ്യത്തില്‍ വച്ച് തട്ടിക്കൊണ്ടുപോയി വാഹനത്തില്‍ വച്ച് ആക്രമിച്ചതിനെ മാത്രമല്ല, അതിക്രമത്തെ അതിജീവിച്ചവളെ പിന്തുണയ്ക്കാന്‍ സമൂഹത്തിനും സംഘടനയ്ക്കുമുള്ള ബാധ്യതയെക്കൂടി മായ്ച്ചു കളയുന്നതായിരുന്നു ആ ചോദ്യം.

കന്യാസ്ത്രീയുടെ കേസിലും അവര്‍ ഇതുപോലെ ഒരു ചോദ്യം ഉയര്‍ത്തുന്നു പതിമൂന്നു തവണ പീഡിപ്പിക്കപ്പെട്ടുവെങ്കിലും പന്ത്രണ്ടു തവണ എന്തു കൊണ്ടു പരാതിപ്പെട്ടില്ല ? പന്ത്രണ്ടു തവണ പരാതിപ്പെട്ടിട്ടില്ലെങ്കില്‍ ഇനിയും പരാതിപ്പെടാന്‍ അവകാശമില്ല എന്നാണ് ആ ചോദ്യത്തിന്റെ ധ്വനി. അതെ, നാലു വര്‍ഷമായി നീതിക്കു വേണ്ടി സഭയ്ക്കുള്ളില്‍ ഓരോ വാതില്‍ക്കലും മുട്ടി വിളിച്ച ഒരു സ്ത്രീ അനുഭവിച്ച നരകയാതനയെ മാത്രമല്ല, സ്വന്തം സഭയുടെ മാനം കാക്കാന്‍ ബിഷപ്പിനുള്ള ബാധ്യതയെക്കൂടി സമര്‍ത്ഥമായി മായ്ച്ചു കളയുന്ന ചോദ്യം.

രണ്ടു സംഭവങ്ങളിലും നിന്ന് പഠിക്കാനുള്ള പാഠം ഒന്നു തന്നെയാണ് :

ലൈംഗിക അതിക്രമങ്ങളെ അതിജീവിച്ചവരും അവകാശങ്ങളെ കുറിച്ചു ബോധ്യമുള്ളവരുമായ സ്ത്രീകളെ അവര്‍ കന്യാസ്ത്രീകളായാലും സിനിമാതാരങ്ങളായാലും വീട്ടമ്മമാരായാലും മലയാളികളില്‍ ആണ്‍പെണ്‍ ഭേദമെന്യെ ബഹുഭൂരിപക്ഷവും കഠിനമായി വെറുക്കുന്നു.

ചിലര്‍ക്ക്, അത് അറിവുകേടിന്റെയും അധികാരനഷ്ടത്തിന്റെയും അസഹ്യത മൂലമുള്ള വെറുപ്പാണ്.

മറ്റു ചിലര്‍ക്ക് അത് നിക്ഷിപ്തതാല്‍പര്യ സംരക്ഷണാര്‍ത്ഥമുള്ള വെറുപ്പാണ്.

സിനിമയിലായാലും സഭയിലായാലും സ്ത്രീ സമരം ചെയ്യുന്നത് ആ വെറുപ്പിനോടാണ്.

ഒരു വ്യത്യാസമേയുള്ളൂ ഈ രണ്ടു കേസുകളും തമ്മില്‍

ആദ്യ കേസില്‍ പോലീസ് അതിജീവിച്ചവളോടൊപ്പം നിന്നു.

രണ്ടാമത്തെ കേസില്‍, അതിക്രമിയോടൊപ്പം നില്‍ക്കുന്നു.

ആദ്യ കേസില്‍ ഗവണ്‍മെന്റ് അദ്ഭുതപ്പെടുത്തിയിരുന്നു.

രണ്ടാമത്തെ കേസില്‍ ഗവണ്‍മെന്റ് നിരാശപ്പെടുത്തുന്നു.

ഒരേ സമയം അതിക്രമിയോടും അതിക്രമത്തിന്റെ മാനസികാഘാതത്തോടും വാദിയെ പ്രതിയാക്കുന്ന സഭയോടും കണ്ണടച്ച് ഇരുട്ടാക്കുന്ന സര്‍ക്കാരിനോടും സമരം ചെയ്യേണ്ടി വരുന്നതാണു കര്‍ത്താവിന്റെ മണവാട്ടിമാരുടെ ദുര്‍വിധി.
സഭയിലെ വിമന്‍ കളക്ടീവിനെ കര്‍ത്താവു രക്ഷിക്കട്ടെ.

Related posts

കിടക്ക പങ്കിടാന്‍ വിളിക്കുന്നവരേ കണ്ടം വഴി ഓടിക്കോ..! ഈ ചിരിക്കുന്ന മുഖത്തിനു പിറകില്‍ വാളെടുക്കാന്‍ ധൈര്യം ഉള്ള ഒരു മനസ്സും ഉണ്ട്; സാധിക വേണുഗോപാല്‍

എന്റെ നാട്ടുകാർക്ക്‌ അത്ഭുതവും സങ്കടവും ദ്വേഷ്യവും കൊണ്ട് മിണ്ടാട്ടം മുട്ടിപ്പോയ വാർത്തയായിരുന്നുവത് ;ബംഗാളിയെ സ്വന്തമാക്കാന്‍ സ്വന്തം ഭര്‍ത്താവിനെ കൊന്നു തള്ളിയ സ്വന്തം നാട്ടുകാരിയെ കുറിച്ച് ജയചന്ദ്രന്‍ മൊകേരി

മഞ്ഞില്‍ ഒരു ‘മൊണാലിസ’; ഇന്റര്‍നെറ്റിനെ നിശ്ചലമാക്കിയ വീഡിയോ

സോഷ്യല്‍മീഡിയയില്‍ തന്നെ അസഭ്യം പറഞ്ഞ യുവാവിന് പാര്‍വതിയുടെ മറുപടി

subeditor12

‘കവിത കോപ്പിയടിച്ചതിനെ ന്യായീകരിക്കാന്‍ വന്ന സാഹിത്യ അക്കാദമി ജീവികളൊന്നും നാട്ടില്‍ രണ്ടു നരബലി നടന്നിട്ടും ഒന്നും ഉരിയാടാത്തതെന്താണ്?’

subeditor10

പെൺ സുന്നത്തിനെതിരെ പ്രതിഷേധിക്കുന്നവർ പ്രായപൂർത്തിയാകാത്ത ആൺ കുട്ടികൾക്ക് നേരെയുള്ള ക്രൂരത കണ്ണടക്കുന്നത് എന്ത് ?

മോഹന്‍ലാല്‍, നിങ്ങള്‍ എന്തൊരു വിരൂപനായിരുന്നു ആ ചിത്രത്തില്‍; നിങ്ങള്‍ പിന്നെ എങ്ങനെയാണ് ഇത്ര സുന്ദരനായതെന്ന് ലാലിനോട് സംഗീത ലക്ഷ്മണ

തെരുവില്‍ ആരോരുമില്ലാതെ അലയുന്നവര്‍ക്ക് ഒരു നേരത്തെ ഭക്ഷണവുമായെത്തുന്ന അശ്വതിയെന്ന പെണ്‍കുട്ടിയെ അറിയാതെ പോകരുത്

സഹായ വാഗ്ദാനം നല്‍കി ഉപദ്രവിക്കരുതേ… അപേക്ഷയുമായി പപ്പടമുത്തശ്ശി

വീണ്ടും കാണാം എന്ന് പറഞ്ഞ് ബസ്സിറങ്ങിയപ്പോൾ ആ ചെറുപ്പകാരനെ ഓർത്ത് അഭിമാനം തോന്നി…കെഎസ്ആര്‍ടിസി കണ്ടക്ടറെക്കുറിച്ചുള്ള കുറിപ്പ് വൈറലാകുന്നു

subeditor12

‘മദ്രസയില്‍ പോയും മതപ്രഭാഷണങ്ങള്‍ കേട്ടും കടഞ്ഞെടുത്ത ആങ്ങളമാര്‍ക്ക് ഇത് സഹിക്കാവുന്നതിലപ്പുറമാണ്’; ‘തെറിയഭിഷേകം നടത്തി സായൂജ്യമടയുകയല്ലാതെ ഒരു മറുപടിയും നല്‍കാന്‍ ഈ ആണുങ്ങള്‍ക്കാവില്ല’

subeditor10

മൈക്കാണെന്ന് കരുതി മമത ബാനര്‍ജി എടുത്തത് ടോര്‍ച്ച്; പിന്നെ സംഭവിച്ചത്‌

subeditor12

ആ രക്തം നമ്മുടെ കൈകളിലാണ് ;ഒന്നിച്ചു ചേര്‍ന്ന് ശബ്ദമുയര്‍ത്താം: ശ്രീജിത്തിനായി അരുണ്‍ ഗോപിയും

അല്ലയോ മുല സ്‌നേഹികളേ, നിങ്ങള്‍ എപ്പോഴാണ് എന്റെ മുലകള്‍ കണ്ടത്? എന്റെ മുലകള്‍ ഇടിഞ്ഞ് തൂങ്ങിയതെന്ന് നിങ്ങള്‍ പ്രഖ്യാപിച്ചത് എന്ത് ലക്ഷണ ശാസ്ത്ര പ്രകാരമാണ്?, വീണ്ടും ജോമോള്‍

subeditor10

കെവിനെപ്പറ്റിയും നീനുവിനെപ്പറ്റിയും എഴുതാനിരിക്കുമ്പോൾ വിറപടരും; പ്രേമം പിടിക്കപ്പെട്ടപ്പോൾ അനുഭവിച്ച ഒറ്റപ്പെടൽ ഓർമ്മ വരും-ദീപാ നിശാന്ത് എഴുതുന്നു

subeditor12

പ്രതികരിക്കൂ; ഇല്ലെങ്കില്‍ നിങ്ങളേയും നിശബ്ദരാക്കും; രൂക്ഷപ്രതികരണവുമായി ഗീതുമോഹന്‍ദാസ്

തുടക്കക്കാരന്‍ എന്ന നിലയില്‍ അവാര്‍ഡ് സ്വീകരിക്കാന്‍ നിര്‍ബന്ധിതനായി; മാപ്പപേക്ഷിച്ച് നിഖില്‍ എസ് പ്രവീണ്‍

subeditor12

എന്നെ സഹായിക്കൂ, ഈ മനുഷ്യന്‍ എന്നെ പീഡിപ്പിച്ച് കൊല്ലും’; ഭര്‍ത്താവിന്റെ പീഡനം സഹിക്കാന്‍ കഴിയാതെ പൊലീസ് സഹായം അഭ്യര്‍ഥിച്ച് യുവതിയുടെ വീഡിയോ

pravasishabdam online sub editor