Crime Kerala Top Stories

തട്ടിപ്പുകാരി പൂമ്പാറ്റ സിനി വീണ്ടും പിടിയില്‍

തൃശൂര്‍: കൊലപാതകവും സ്വര്‍ണത്തട്ടിപ്പുമുള്‍പ്പെടെ നിരവധി കേസുകളില്‍ പ്രതിയായ കുപ്രസിദ്ധ തട്ടിപ്പുകാരി സിനി ലാലു എന്ന പൂമ്പാറ്റ സിനി വീണ്ടും അറസ്‌റ്റില്‍. ലോണ്‍ അടയ്‌ക്കാതിരിക്കാനുള്ള മാര്‍ഗമുണ്ടാക്കിത്തരാമെന്നുപറഞ്ഞ്‌ കബളിപ്പിച്ച്‌ വീട്ടമ്മയുടെ 12 പവന്‍ സ്വര്‍ണാഭരണം തട്ടിയ കേസിലാണ്‌ എറണാകുളം കുമ്പളങ്ങി സ്വദേശിനിയും അടൂര്‍ നീലിക്കാട്‌ വീട്ടില്‍ ലാലുവിന്റെ ഭാര്യയുമായ സിനിയെന്ന(38) പൂമ്പാറ്റ സിനിയെ രഹസ്യ വിവരത്തിന്റെ അടിസ്‌ഥാനത്തില്‍ ഇന്നലെ തൃശൂര്‍ പാലിയേക്കരയിലെ വാടകവീട്ടില്‍നിന്ന്‌ വനിതാ പോലീസിന്റെ നേതൃത്വത്തില്‍ പിടികൂടിയത്‌. നിരവധി സ്‌റ്റേഷനുകളില്‍ കൊലപാതകമുള്‍പ്പെടെ മുപ്പതോളം കേസുകള്‍ ഇവര്‍ക്കെതിരേയുണ്ട്‌. കൊലപാതകക്കേസിലും പണംതട്ടിയ കേസിലും പിടിയിലായ സിനി ആറുമാസം മുമ്പാണു ജാമ്യത്തിലിറങ്ങിയത്‌.

2012 ലാണ്‌ തൃശൂര്‍ മുളങ്കുന്നത്തുകാവ്‌ സ്വദേശിനി റോസിയുടെ 12 പവന്‍ സ്വര്‍ണാഭരണങ്ങള്‍ സിനി തട്ടിയെടുത്തത്‌. ട്രെയിന്‍ യാത്രയ്‌ക്കിടെ റോസിയുമായി പരിചയപ്പെട്ട്‌ ബന്ധം സ്‌ഥാപിച്ച ശേഷമായിരുന്നു സിനിയുടെ തട്ടിപ്പ്‌. സര്‍വീസ്‌ സഹകരണബാങ്കില്‍നിന്ന്‌ റോസി ലോണ്‍ എടുത്തിരുന്നു. ഈ ലോണ്‍ അടയ്‌ക്കാതിരിക്കാന്‍ വഴിയുണ്ടെന്നു പറഞ്ഞുപറ്റിച്ച്‌ സ്വര്‍ണം മുഴുവന്‍ വാങ്ങിച്ചെടുത്തു. സ്വര്‍ണം തിരികെ കിട്ടാത്തതിനെ തുടര്‍ന്ന്‌ റോസി വനിതാ പോലീസില്‍ പരാതി നല്‍കിയിരുന്നു.

അന്ന്‌ സിനിയെ അറസ്‌റ്റു ചെയ്‌തെങ്കിലും ജാമ്യമെടുത്ത്‌ മുങ്ങി. ട്രെയിന്‍യാത്രയ്‌ക്കിടെ സര്‍ക്കാര്‍ ഉദ്യോഗസ്‌ഥയെ ഭീഷണിപ്പെടുത്തി പത്തുപവന്റെ ആഭരണങ്ങള്‍ ഊരിവാങ്ങിയ കേസിലും സിനി പ്രതിയാണ്‌. സ്വര്‍ണ ബിസിനസില്‍ പങ്കാളികളാക്കാമെന്ന്‌ വാഗ്‌ദാനം നല്‍കി സ്‌ത്രീകളെ പറ്റിച്ച്‌ ലക്ഷങ്ങള്‍ തട്ടിയെടുത്തെന്ന കേസില്‍ കഴിഞ്ഞവര്‍ഷം നവംബര്‍ 20ന്‌ ഷാഡോ പോലീസ്‌ പിടികൂടിയിരുന്നു. വനിതാ പോലീസ്‌ എസ്‌.ഐ. ഉമാദേവി, സിവില്‍ പോലീസ്‌ ഓഫീസര്‍മാരായ മിനി, ലാല എന്നിവര്‍ ചേര്‍ന്നാണ്‌ സിനിയെ അറസ്‌റ്റു ചെയ്‌തത്‌.

Related posts

ടോയ്‌ലറ്റ് ഉപയോഗിക്കുന്നതിലെ തർക്കം, മലയാളി കുടുംബത്തേ വിമാനത്തിൽനിന്നും ഇറക്കിവിട്ടു.

subeditor

‘പാഠം ഒന്ന്, പശു പാല്‍ തരും, ചാണകവും മൂത്രവും തരും, പക്ഷേ വോട്ട് തരില്ല’ : പരിഹാസവുമായി എം എം മണി

subeditor10

മന്ത്രി ജയലക്ഷ്മിയുടെ പേഴ്സണൽ സ്റ്റാഫ് പോലീസുകാരനെ തല്ലി ചതച്ചു.

subeditor

സൗമ്യയെ കാലില്‍ തൂക്കി കിണറ്റിലെറിഞ്ഞ് കൊന്നത് ഭര്‍ത്താവ് തന്നെ ; ബിനുവിന്റെ അറസ്റ്റോടെ ഇനി തെളിയാനുള്ളത് സരോജിനിയുടെ തലക്കടിച്ച് കൊന്നത് ആരെന്ന് മാത്രം ; മകളുടെ മരണം ചുരുളഴിക്കുന്നത് അമ്മയുടെ കൊലപാതകം

ഗുർദാസ്പൂരിൽ രണ്ടുപേരെ സൈനിക വേഷത്തിൽ കണ്ടുവെന്ന് പ്രദേശവാസികൾ

subeditor

ജാർഖണ്ഡിൽ കൽക്കരി ഖനി ഇടിഞ്ഞു, 50 ഓളം പേർ കുടുങ്ങി കിടക്കുന്നു

subeditor

തൊട്ടാൽ കൈപൊള്ളും കോഴിയിറച്ചിയുടെ വില

subeditor6

എസ് എഫ് ഐ നേതാവായ വിദ്യാര്‍ത്ഥിനി കോപ്പിയടിച്ചു; ഒതുക്കി തീര്‍ക്കാന്‍ സിപിഎം നേതാകക്കളുടെ ശ്രമം; വിവാദം

subeditor10

എന്നിട്ടും അവനേ രക്ഷിക്കാനായില്ലല്ലോ? നവ്യ വിതുമ്പി

subeditor

മുത്തലാഖ് ചൊല്ലിയതിന് പുറമെ ഫത്‌വയും; ഇസ്ലാം നിയമത്തിനെതിരെ പ്രവര്‍ത്തിച്ച പെണ്‍കുട്ടിക്ക് മരണം സംഭവിച്ചാല്‍ പോലും ആരും തിരിഞ്ഞുനോക്കരുതെന്ന് നിര്‍ദ്ദേശം

പാലിനുവേണ്ടി നിര്‍ത്താതെ കരഞ്ഞ പിഞ്ചുകുഞ്ഞിനെ അമ്മ കഴുത്തറത്തു കൊന്നു

കവിതയുടെ ലക്ഷ്യം സന്നിധാനത്തു നിന്ന് റിപ്പോര്‍ട്ടിങ്; ഒപ്പമുള്ള കൊച്ചിക്കാരി കിസ് ഓഫ് ലൗ സമരനായിക, ലക്ഷ്യം അയ്യപ്പ ദര്‍ശനം

subeditor5