ലോകം ആദരിക്കുന്ന മഹാനായ എ.ആർ റഹ്മാനേ കേരളം കൂകി വിളിച്ച് അപമാനിച്ചു,

ക്ഷമിക്കില്ല ഈ ഭൂലോക മാഫിയകളോട് കലയും കലാലോകവും കാലമുള്ളിടത്തോളം. മഹാനായ എ ആർ റഹ്മാൻ എന്ന മാസ്മരിക പ്രതിഭയെ അവഹേളിച്ചതിന് കാലം ഈ കുളംകുത്തികൾക്ക് എന്ത് ശിക്ഷയാകും നൽകുക. എ ആർ റഹ്മാൻ അസ്വസ്ഥനായി. ക്ഷുഭിതനായി. ചാനൽ മുതലാളിമാരും മെഡിക്കൽ ട്രസ്റ്റ് മുതലാളിമാരും മറ്റ് സംഘാടകരും അടങ്ങിയ ഭൂമി മാഫിയ മുഴുവൻ കമഴ്ന്ന് കാലേൽ വീണിട്ടും എ ആർ റഹ്മാൻ കനിഞ്ഞില്ല. അങ്ങനെ മാറ്റിവച്ച പരിപാടിക്ക് എത്രയും പെട്ടെന്ന് മറ്റൊരു തീയതി നേടിയെടുക്കാനുള്ള സംഘാടകരുടെ പണിയും പാളി.

ഭൂമികയ്യേറ്റ വിവാദവും മഴയും കുളമാക്കിയ ഇരുമ്പനത്തെ വേദിയിലേക്ക് എ ആർ റഹ്മാനെ എത്തിച്ച് തൽക്കാലം തടിയൂരാനുള്ള സംഘാടകരുടെ ശ്രമം സാധിച്ചത് തന്നെ ഏറെ പണിപ്പെടലിന് ശേഷം. വേദിയിൽ വച്ച് മാറ്റിവച്ച പരിപാടിയുടെ അടുത്ത തീയതി എ ആർ റഹ്മാനെ കൊണ്ട് പ്രഖ്യാപിക്കാനുള്ള സംഘാടകരുടെ നീക്കവും പോളിഞ്ഞടുങ്ങി. തോട്ടടുത്ത ദിവസം ഞായറാഴ്ച എല്ലാം കൊണ്ടും നല്ല ദിവസമെന്നും ഒരു ദിവസം കൊച്ചിയിൽ തങ്ങി ഞായറാഴ്ച എ.ആർ റഹ്മാനെ കൊണ്ട് പരിപാടി അവതരിപ്പിക്കാനുള്ള നീക്കവും വിജയിച്ചില്ല. വേദിയിൽ വച്ച് എ ആർ റഹ്മാൻ കാണികളെ അഭിസംബോധന ചെയ്ത് അടുത്ത തീയതി പ്രഖ്യാപിച്ചാൽ തടി കേടാകാതെ സൂക്ഷിക്കാം എന്ന ഭൂമാഫിയകളായ സംഘാടകരുടെ ആഗ്രഹവും എ ആർ റഹ്മാൻ ചവച്ചുതള്ളി. വൻ വിലയ്ക്ക് ടിക്കറ്റെടുത്തവർ അസൗകര്യങ്ങളുടെ തിരമാല കണ്ട് അക്ഷമരായപ്പോൾ വേദിയിലെത്തിയ എ ആർ റഹ്മാനെയും ശ്രീകണ്ഠൻ നായരേയും കുകി വിളിച്ചാണ് പ്രതിഷേധം അറിയിച്ചത് . കാണികളുടെ പൾസ് തിരിച്ചറിഞ്ഞ എ ആർ റഹ്മാൻ സംഘാടകരുടെ താളത്തിനൊത്ത് തുള്ളിയില്ല. editorial: എസ് വി പ്രദീപ്, എക്സിക്യൂട്ടീവ് എഡിറ്റർ, കർമ്മ ന്യൂസ്

സംഘാടകർക്ക് നഷ്ടപരിഹാരം നൽകിയാലും വേണ്ടില്ല നിയമലംഘനവും വിവാദവും കൊണ്ട് കുളമായ ഇരുമ്പനം പരിപാടി ക്യാൻസൽ ചെയ്യാം എന്നാണ് എ ആർ റഹ്മാൻ തൻറെ അടുപ്പക്കാരെ അറിയിച്ചത്. അത്രയ്ക്ക് അമർഷവും നിരാശയും അദ്ദേഹം പ്രകടിപ്പിച്ചതായാണ് വിവരം. ഭൂമികയ്യേറ്റവുമായി ബന്ധപ്പെട്ട ഹൈക്കോടതി നോട്ടീസ് വിവരങ്ങൾ ശ്രദ്ധയിൽപ്പെട്ടതോടെയാണ് തൻറെ ഷോയുടെ പേരിൽ കേരളത്തിൽ നടക്കുന്ന വിവാദങ്ങളെകുറിച്ച് എ ആർ റഹ്മാൻ മനസ്സിലാക്കുന്നത്. ഭൂമികയ്യേറ്റവുമായി ബന്ധപ്പെട്ട വിവാദങ്ങളിൽ തൻറെ പേര് വലിച്ചിഴക്കപ്പെട്ടത്തിൽ ഏറെ ദുഖിതനായി എ ആർ റഹ്മാൻ.

പ്രകൃതി കലിതുള്ളി കുളമാക്കിയ വേദിയുടെ വിശദാംശങ്ങൾ തൻറെ ടീമിൽ നിന്നറിഞ്ഞ എ ആർ റഹ്മാൻ ആദ്യം മുതൽ ഏറെ ക്ഷുഭിതനായിരുന്നു. തൻറെ കലാജീവിതത്തിലൊരിക്കലും ഇത്തരം ദുർഗതി പൂണ്ട വേദിയിൽ എ ആർ റഹ്മാന് സംഗീത ഷോ അവതരിപ്പിക്കേണ്ടി വന്നിട്ടില്ല. രാജ്യത്തിനകത്തും പുറത്തും നൂറുകണക്കിന് മെഗാ സൂപ്പർ മെഗാ ഷോകൾ അവതരിപ്പിച്ചിട്ടുള്ള എ ആർ റഹ്മാനെ ചളിക്കുണ്ട് നിറഞ്ഞ ചതുപ്പുനിലത്തിൽ പരിപാടി അവതരിപ്പിക്കാനെത്തിച്ചതിലെ അനൗചിത്യം അദ്ദേഹത്തിൻ്റെ ക്യാമ്പ് വിശദമായി പരിശോധിക്കുന്നുണ്ട്. അദ്ദേഹത്തിൻ്റെ മനസ്സറിഞ്ഞ സെക്രട്ടറി തല ടീം ഇക്കാര്യത്തിലെ അതൃപ്തി സംഘാടകരോട് വെട്ടിത്തുറന്നു പറഞ്ഞു. മുട്ടോളം ചെളിക്കുണ്ടായ വേദി. കസേരയിൽ കാണികൾക്ക് ഇരിക്കാനാകില്ല ഇരുന്നാൽ കസേരയുടെ പകുതിയും ചെളിക്കുണ്ടിൽ പുതയും. ഏറെ നടന്ന് മാത്രം കാണികൾക്ക് എത്താൻ പറ്റുന്ന വേദി. ഏതുതരത്തിൽ നോക്കിയാലും എ ആർ റഹ്മാൻ ഷോയ്ക്ക് ഒട്ടും ഉചിതമല്ലാത്ത വേദി. ഈ വേദിക്കായി സംഘാടകരോട് സഹകരിച്ച പ്രാഥമിക ടീം അംഗങ്ങളേയും എ ആർ റഹ്മാൻ കണക്കിന് ശകാരിച്ചതായാണ് വിവരം.

കാലു പിടിച്ചും കരഞ്ഞും ഇരുമ്പനത്തെ വേദിയിലോ മറ്റേതെങ്കിലും വേദിയിലോ എ ആർ റഹ്മാനെ എത്തിച്ച് പരിപാടി അവതരിപ്പിക്കപ്പെട്ടേക്കാം. അത് പ്രൊഫഷണൽ കൊടുക്കൽ വാങ്ങലാകും. പക്ഷേ എ ആർ റഹ്മാൻ എന്ന അതുല്യ പ്രതിഭയെ മലയാളത്തിൻറെ മണ്ണിൽ ചതുപ്പും പാടവും പുറമ്പോക്കും അട്ടിമറിക്കുന്നതിൽ ഉപകരണമാക്കിയതിൻറെ പാപത്തിന് അപമാനത്തിന് നികൃഷ്ടതയ്ക്ക്, സംഗീതത്തെ മാഫിയയ്ക്ക് മറയാക്കിയതിൻറെ കാടത്തത്തിന് കാണികളുടെ കൂക്കുവിളി ചുട്ട മറുപടി നൽകുന്നുണ്ടാകും.

Top