സ്ത്രീകളുടെ ജനനേന്ദ്രീയത്തിൽ‍ വെടിയുതിർക്കണം: സൈന്യത്തിന് വിവാദ ആഹ്വാനവുമായി പ്രസിഡന്ററ്

ബെയ്ജിംഗ്: വിമത സ്ത്രീകളെ ആക്രമിക്കാന്‍ ആഹ്വാനവുമായി ഫിലിപ്പൈന്‍ സൈനികര്‍ക്ക് നിർദേശവുമായി ഫിലിപ്പൈന്‍സ് പ്രസിഡന്റ്. വിമത സ്ത്രീകളുടെ ജനനേന്ദ്രീയത്തിൽ‍ വെടിയുതിർക്കാനാണ് റോഡ്രിഗോ ഡ്യൂട്ടെര്‍ട്ടെ സൈനികർ‍ക്ക് നൽകിയിട്ടുള്ള നിർ‍ദേശം.

ഫെബ്രുവരി ഏഴിന് മുൻ കമ്യൂണിസ്റ്റ് വിമതരെ അഭിസംബോധന ചെയ്ത് സംസാരിക്കുമ്പോഴായിരുന്നു പ്രസിഡന്റിന്റെ പ്രസ്താവന. വിഘടനവാദികളായ സ്ത്രീകളെ ലക്ഷ്യം വെച്ച് ആക്രമണം നടത്താനാണ് പ്രസിഡന്റിന്റെ ആഹ്വാനം. നിരവധി സ്ത്രീവിരുദ്ധ പരാമര്‍ശങ്ങള്‍ക്ക് ശേഷമാണ് സ്ത്രീകളെ ജനനേന്ദ്രീയത്തിൽ വെടിയുതിർക്കാനുള്ള ആഹ്വാനവുമായി പ്രസിഡന്റ് രംഗത്തെത്തുന്നത്.

വിമതരായ സ്ത്രീകളെ കൊലപ്പെടുത്തില്ല. പകരം അവരുടെ ജനനേന്ദ്രീയത്തില്‍ വെടിയുതിർക്കൂ.. ഇതാണ് പുതിയതായി സൈന്യത്തിൽ ചേരുന്ന സൈനികര്‍ക്ക് മേയർ ഫിലിപ്പൈൻസ് കരസേനാംഗങ്ങൾക്ക് നൽകിയിട്ടുള്ള പുതിയ ഉത്തരവെന്നും ഡ്യൂട്ടെര്‍ട്ടെ പറയുന്നു. ജനനേന്ദ്രീയമില്ലെങ്കിൽ സ്ത്രീകൾ ഉപയോഗശൂന്യമാണെന്നും അദ്ദേഹം ചൂണ്ടിക്കാണിക്കുന്നു.

ഫിലിപ്പൈന്‍സ് പ്രസിഡന്റായി ഡ്യുർട്ടെര്‍ട്ടെ അധികാരത്തിലെത്തുന്നത് തന്നെ മയക്കുമരുന്ന് ഉപയോഗിക്കുന്നവരെയും മയക്കുമരുന്ന് ഡീലര്‍മാരെയും കൊന്നുകളയുമെന്ന വാഗാധാനത്തോടെയാണ്. ഇതിനകം തന്നെ ആയിരക്കണക്കിന് ഫിലിപ്പീനോകളാണ് വെടിയേറ്റ് മരിച്ചത്. പ്രസിഡന്റിന്റെ പല പ്രതികരണങ്ങളോടും സ്ത്രീകൾ വൈകാരികമായി പ്രതികരിക്കുന്നുവെന്നാണ് ഭരണകൂടം ചൂണ്ടിക്കാണിക്കുന്നത്. ഇത് ചിരിക്കാനുള്ള തമാശ മാത്രമാണെന്നും പ്രസി‍ഡന്റ് കൂട്ടിച്ചേർക്കുന്നു.

തട്ടിക്കൊണ്ടുവന്ന ആസ്ട്രേലിയൻ യുവതിയെ പീഡിപ്പിച്ച സംഭവത്തെ ചിരിച്ചു തള്ളിയ പ്രസിഡന്റ് പ്രശ്നക്കാരായ സ്ത്രീകളെ പീഡിപ്പിക്കാന്‍ സൈന്യത്തിനും നിർദേശം നൽകിയിരുന്നു. ഇത് ഏറേ വാർത്തകൾക്കും ഇടയാക്കിയിരുന്നു. തന്നെ പൊതു ഇടങ്ങളിൽ‍ ചോദ്യം ചെയ്യുന്ന വനിതാ രാഷ്രീയ നേതാക്കളോട് തോന്നിയിട്ടുള്ള ലൈംഗികകാർഷണത്തെക്കുറിച്ചും പ്രസിഡന്റ് നേരത്തെ പരസ്യ പ്രസ്താവന നടത്തിയിരുന്നു. സ്ത്രീകളെ നാണം നിശബ്ദരാക്കാനുള്ള തന്ത്രമാണ് ഡ്യുർട്ടെര്‍ട്ടെ പ്രയോഗിച്ചുവരുന്നത്. പ്രസിഡന്റിന്റെ സ്ത്രീവിരുദ്ധ പ്രസ്താവനകൾക്കെതിരെ രാജ്യത്തെ പല വനിതാ സംഘടനകളും രംഗത്തെത്തിയിരുന്നു.

Top