ഡിവൈഎസ്പി ഹരികുമാറിനെ സംസ്ഥാനം കടത്തിയതിനു പിന്നിൽപൊലീസ് സേനയിലെ ഉന്നതർ, തെളിവു നശിപ്പിക്കാനും നിർദേശം നൽകി

തിരുവനന്തപുരം: യുവാവിന്‍റെ കൊലപാതകത്തിൽ പ്രതിയായ ഡിവൈഎപ്സി ഹരികുമാറിനെ രക്ഷപെടാൻ സഹായിച്ചത് പൊലീസ് ഡിപ്പാർട്ട്മെന്‍റിലെ ഉന്നതർ. സംഭവം നടന്ന രാത്രി തന്നെ സനൽ കേരളം വിട്ടിരുന്നെ സൂചനകളും പുറത്തു വന്നു. കൊടങ്ങാവിളയിൽ അഞ്ചിന് രാത്രിയാണ് സംഭവം. കാവുവിള സ്വദേശി സനൽകുമാര്‍ (32) ആണ് കൊല്ലപ്പെട്ടത്. റോഡിലെ തർക്കത്തെ തുടർന്ന് സനലിനെ കാറിന് മുന്നിലേക്ക് പിടിച്ച് തള്ളി ഡിവൈഎസ്പി കൊലപ്പെടുത്തിയത്. സംഭവത്തില്‍ ഡിവൈഎസ്പി ഹരികുമാറിനെതിരെ കൊലക്കുറ്റത്തിന് കേസെടുത്തിരുന്നു. എന്നാല്‍ ഹരികുമാര്‍ ഒളിവില്‍ പോവുകയായിരുന്നു. സംഭവം നടന്ന രാത്രിയിൽ തന്നെ ഹരികുമാർ പൊലീസ് ഉന്നതരെ വിവരം ധരിപ്പിച്ചിരുന്നു. ഇതോടെ ഇവർ തന്ന ഹരികുമാറിനോട് ഒളിവിൽ പോകാൻ നിർദേശിക്കുകയായിരുന്നു. സംഭവ സ്ഥലത്തെ തെളിവുകൾ നശിപ്പിക്കാൻ കൂട്ടു നിന്നതും പൊലീസ് ഉന്നതരുടെ നേതൃത്വത്ത‌ിലുള്ള സംഘമാണെന്ന സൂചനകളാണ് പുറത്തു വരുന്നത്. ഇലക്ട്രീഷ്യനായിരുന്നു സനൽ. ഭാര്യയും രണ്ടു മക്കളുമുണ്ട്. കൊടങ്ങാവിളയിലെ സുഹൃത്തിന്‍റെ വീട്ടിലെത്തിയ ഡിവൈഎസ്പി തന്‍റെ വാഹനത്തിന് തടസമായി കാർ പാർക്ക് ചെയ്തതിൽ പ്രകോപിതനായി സനലിനെ മർദ്ദിക്കുകയായിരുന്നു.

വാഹനം മാറ്റിയിട്ട സനലിനെ പിന്നാലെയെത്തിയ ഡിവൈഎസ്പി റോഡിലേക്ക് തള്ളിയിട്ടെന്ന് ദൃക്സാക്ഷികൾ ആരോപിക്കുന്നു. എതിരെ വന്ന വാഹനം സനലിനെ ഇടിച്ച് തെറിപ്പിക്കുകയായിരുന്നു.സനലിനെ ആശുപത്രിയിലെത്തിക്കാൻ നിൽക്കാതെ ഡിവൈഎസ്പി സ്ഥലത്ത് നിന്ന് രക്ഷപ്പെട്ടു. ജീവനുണ്ടായിരുന്ന സനലിനെ ആംബുലൻസിൽ പൊലീസ് നെയ്യാറ്റിൻകര സ്റ്റേഷനിലേക്കാണ് ആദ്യം കൊണ്ട് പോയതെന്നും നാട്ടുകാർ പറയുന്നു. ഇതോടെ ഡിവൈഎസ്പിക്കെതിരെ നടപടി ആവശ്യപ്പെട്ട് കൊണ്ട് നാട്ടുകാർ രാത്രി റോഡ് ഉപരോധിച്ചിരുന്നു. സമീപത്തെ കടയിലെ സിസിടിവിയിൽ നടന്നതെല്ലാം പതിഞ്ഞിട്ടുണ്ട്.

Top