അര്‍ധരാത്രിയാകുന്നതോടെ വീടുകളിലെത്തി ജനലിലൂടെ ടോര്‍ച്ചടിക്കും, പൈപ്പ് തുറന്നിടും… വാതിലില്‍ മുട്ടും… ആശങ്കയോടെ നാട്ടുകാരും പോലീസും

കോഴിക്കോട്: ഒരു നാടിന്റെ ഉറക്കംകെടുത്തുന്ന സാമൂഹ്യവിരുദ്ധരെ പിടികൂടാന്‍ കഴിഞ്ഞ രണ്ട് മാസമായി ഉറക്കമിളച്ച് കാത്തിരിക്കുകയാണ് കോഴിക്കോട്ടെ ഒരു ഗ്രാമം. അര്‍ധരാത്രി വീടുകളില്‍ മുട്ടിവിളിച്ച് സാമൂഹ്യ വിരുദ്ധര്‍ ശല്യം ചെയ്യുന്നുവെന്നാണ് ഇവരുടെ പരാതി.

കഴിഞ്ഞ രണ്ട് മാസമായി മല്ലശ്ശേരിത്താഴം നിവാസികളുടെ രാത്രികാലം ഇങ്ങനെയാണ്.അര്‍ദ്ധരാത്രിയാവുന്‌പോള്‍ ഏതെങ്കിലുമൊരു വീടിന്റെ ജനലിലോ വാതിലിലോ സാമൂഹ്യവിരുദ്ധര്‍ മുട്ടിവിളിക്കും. വീട്ടുകാര്‍ എഴുന്നേറ്റ് തിരച്ചില്‍ തുടങ്ങുന്‌പോഴേക്കും മറ്റൊരു വീട്ടിലെത്തി ശല്യം ചെയ്യും.

രാത്രി മുഴുവന്‍ നാട്ടുകാര്‍ കാവലിരുന്നിട്ടും ഇവരെ പിടികൂടാനാവുന്നില്ല. ചില വീടുകളിലെത്തി ജനലിലൂടെ ടോര്‍ച്ചടിക്കുകയും മുറ്റത്തെ ടാപ്പ് തുറന്നിടുകയും ചെയ്യും. ചില ദിവസങ്ങളില്‍ പൊലീസും കാവലിരുന്നിട്ടും ഫലമുണ്ടായില്ല.

സാമൂഹ്യവിരുദ്ധരെ പിടികൂടാന്‍ സാധിക്കാതെ പൊലീസ് പോലും തലയില്‍ കൈവെയ്ക്കുന്‌പോള്‍ ഇനി എന്ത് ചെയ്യുമെന്ന ആശങ്കയിലാണ് നാട്ടുകാര്‍. പ്രദേശത്ത് എല്ലാ ദിവസവും പെട്രോളിങ് ശക്തമായി നടത്താനാണ് പൊലീസിന്റെ നീക്കം.

Top