എനിക്ക് മല ചവിട്ടണം; ആഗ്രഹം പ്രകടിപ്പിച്ച് മാലയിട്ട് വ്രതം നോക്കുന്ന കണ്ണൂരിലേ കമ്യൂണിസ്റ്റ് പെൺകുട്ടി

കൊച്ചി: കണ്ണൂരിന്റെ കമ്യൂണിസ്റ്റ് മണ്ണിൽ നിന്നും സി.പി.എം അനുഭാവിയായ യുവതി വൃതം എടുത്തു തുടങ്ങി, കോടതി വിധി മാറിയില്ലേൽ മല ചവിട്ടിയിരിക്കും. ഇതിനായി സർക്കാർ സഹായിക്കും എന്നും കരുതുന്നു. അയ്യപ്പനേ കാണാൻ കല്ലും മുള്ളും താണ്ടി പോയിരിക്കും എന്നും പറയുന്നു. ഫേസ്ബുക്കിലും യുവതി പോസ്റ്റിട്ടു.. ഇപ്പോള്‍ മല ചവിട്ടാന്‍ തനിക്കും ആഗ്രഹം പ്രകടിപ്പിച്ചിരിക്കുകയാണ് കണ്ണൂര്‍ സ്വദേശിനിയായ യുവതി രംഗത്തെത്തിയിരിക്കുകയാണ്. താനൊരു വിശ്വാസിയും എല്ലാ മണ്ഡലകാലത്തും വ്രതം നോല്‍ക്കാറുണ്ടെന്നും യുവതി വ്യക്തമാക്കി. ഫേസ്ബുക്ക് പോസ്റ്റിലൂടെയായിരുന്നുരേഷ്മ നിഷാന്ത് എന്ന പെണ്‍കുട്ടി ആഗ്രഹം വെളിപ്പെടുത്തിയത്. കറുത്ത വസ്ത്രങ്ങളുടുത്ത്, മാലയിട്ട് ക്ഷേത്ര ദര്‍ശനം നടത്തുന്ന ചിത്രങ്ങളും അവര്‍ പോസ്റ്റിനൊപ്പം പങ്കുവച്ചിട്ടുണ്ട്.

ഫേസ്ബുക്ക് പോസ്റ്റിന്റെ പൂര്‍ണ രൂപം;

വര്‍ഷങ്ങളായി മാലയിടാതെ,മണ്ഡലവ്രതം അനുഷ്ഠിക്കുന്നുണ്ട്,
പോകാന്‍ കഴിയില്ലെന്ന ഉറപ്പോട് കൂടിത്തന്നെ.

പക്ഷേ,കോടതി വിധി അനുകൂലമായ നിലവിലെ സാഹചര്യത്തില്‍ അയ്യപ്പനെ കാണാന്‍ പോകണമെന്ന് അതിയായ ആഗ്രഹമുണ്ട്.
വിപ്ലവമായിട്ടല്ലെങ്കില്‍ കൂടിയും, ഇന്ന് ഒരു വിശ്വാസി അതിന് തയ്യാറാവുക എന്നത് നാളെ ലക്ഷക്കണക്കിന് വരുന്ന വിശ്വാസികള്‍ക്ക് ശബരിമല കയറാനുള്ള ഊര്‍ജമാവും എന്ന് തന്നെ കരുതുന്നു.

മുഴുവന്‍ ആചാര വിധികളോടും കൂടി തന്നെ,
മാലയിട്ട്,
41 ദിവസം വ്രതം അനുഷ്ഠിച്ച്,
മത്സ്യ മാംസാദികള്‍ വെടിഞ്ഞ്,
ഭര്‍തൃ സാമീപ്യത്തില്‍ നിന്നകന്ന് നിന്ന്,
അയ്യപ്പനെ ധ്യാനിച്ച്,
ഈശ്വര ചിന്തകള്‍ മാത്രം മനസില്‍ നിറച്ച്,
ഇരുമുടികെട്ടു നിറച്ച്…

ആര്‍ത്തവത്തെക്കുറിച്ചുള്ള ചോദ്യം പ്രതീക്ഷിക്കുന്നതു കൊണ്ടു തന്നെ,
വിയര്‍പ്പുപോലെ,
മലമൂത്ര വിസര്‍ജ്യം പോലെ
ശരീരത്തിന് ആവശ്യമില്ലാത്ത പുറം തള്ളല്‍ മാത്രമായി അത് കാണുന്നതു കൊണ്ടു തന്നെ പൂര്‍ണ ശുദ്ധിയോടു കൂടി തന്നെ വ്രതം പൂര്‍ത്തിയാക്കാന്‍ കഴിയുമെന്ന് ഞാന്‍ വിശ്വസിക്കുന്നു..

വിശ്വാസത്തില്‍ ആണ്‍ പെണ്‍ വേര്‍തിരിവുകളില്ല.
തുല്യനീതിക്ക് വേണ്ടിയുള്ള ഈ യാത്രയില്‍ കൂടെ നില്‍ക്കുമെന്ന് പ്രതീക്ഷിക്കുന്നു.
സര്‍ക്കാരിന്റെയും പൊതു സമൂഹത്തിന്റെയും എല്ലാ വിധ സഹായവും അഭ്യര്‍ത്ഥിക്കുന്നു.

Top