അസമിൽ അജ്ഞാത വൈറസ്​ ബാധിച്ച്‌​ 1900 പന്നികള്‍ ചത്തു; പന്നി വില്‍പ്പന നിരോധിച്ചു

ഗുവാഹത്തി: അസമിൽ  1,900 പന്നികള്‍ അജ്ഞാത വൈറസ് ബാധിച്ച്‌ ചത്തു. തുടർന്ന് അസം സര്‍ക്കാര്‍ ​ പന്നി വില്‍പ്പന നിരോധിച്ചു. ധേമാജി, ദിബ്രുഗഢ്​, ലാഖിംപുര്‍, ശിവസാഗര്‍, ജോര്‍ഹത്​ എന്നീ ജില്ലകളിലാണ്​ വൈറസ്​ ബാധ റിപ്പോര്‍ട്ട്​ ചെയ്​തത്​. കൊറോണ വൈറസ് ഭീതിക്കിടെ പന്നികൾക്കിടയിലെ അജ്ഞതാ വൈറസ് സർക്കാരിന് കടുത്ത ആശങ്കയാണ് സൃഷ്ടിച്ചിരിക്കുന്നത്. സംസ്ഥാനത്തെ ആറ് ജില്ലകളിലായാണ്​ പന്നികള്‍ ചത്തൊടുങ്ങിയത്​. അജ്ഞാത വൈറസ് പടരുന്നത് പരിശോധിക്കാന്‍ ജില്ലകളെ ഹോട്ട്സാപോട്ടുകളായി പ്രഖ്യാപിച്ചിച്ചു.

അസം മുഖ്യമന്ത്രി സര്‍ബാനന്ദ സൊനൊവാല്‍ സംഭവവുമായി ബന്ധപ്പെട്ട്​ വിദഗ്​ധരുമായി കൂടിക്കാഴ്​ച നടത്തി നടപടികള്‍ സ്വീകരിക്കാന്‍ നിര്‍ദേശിച്ചിരുന്നു. തുടർന്ന് വൈറസ് റിപ്പോർട്ട് ചെയ്തതോടെ സംസ്ഥാനത്തെ അറവുശാലകള്‍ അടച്ചുപൂട്ടി. പന്നി ഫാമുകളുമായി സമ്പര്‍ക്കം പുലര്‍ത്തുന്ന ആളുകളെ നിരീക്ഷിക്കുകയാണെന്നും അസം കൃഷി മന്ത്രി അതുൽ ബോറ പറഞ്ഞു. അസമില്‍ പന്നിപ്പനി സീസണാണ്, മൃഗങ്ങള്‍ക്ക് പ്രതിരോധ കുത്തിവയ്പ് നല്‍കിയിട്ടുണ്ട്​. രോഗം പടരാതിരിക്കാന്‍ ആവശ്യമായ നടപടികള്‍ സ്വീകരിക്കുന്നുണ്ടെന്നും അദ്ദേഹം കൂട്ടിച്ചേര്‍ത്തു.

Loading...

അതേസമയം പന്നികള്‍ കൂട്ടമായി ചത്തൊടുങ്ങിയ റിപ്പോര്‍ട്ടുകള്‍ ലഭിച്ചതോടെ ഓരോ ജില്ലകളിലേക്കും ഡോക്ടര്‍മാരുടെ ടീമുകളെ അയച്ചിരുന്നുവെന്ന് ‌ അസം കൃഷി മന്ത്രി അതുല്‍ ബോറ പറയുന്നു. ചത്ത പന്നികളില്‍ നിന്ന് ശേഖരിച്ച സാമ്പിളുകള്‍ ഭോപ്പാലിലെ നാഷനല്‍ ഇന്‍സ്റ്റിറ്റ്യൂട്ട്​ ഓഫ്​ ഹൈ സെക്യൂരിറ്റി അനിമല്‍ ഡിസീസ്​ ലാബിലേക്കാണ്​ അയച്ചിരിക്കുന്നത്. റിപ്പോര്‍ട്ടിനായി കാത്തിരിക്കുകയാണ്​. നിലവില്‍ പന്നിയിറച്ചി വാങ്ങുന്നതും വില്‍ക്കുന്നതും സംസ്ഥാന സര്‍ക്കാര്‍ നിരോധിച്ചിരിക്കുകയാണ്​. വൈറസ്​ ബാധ റിപ്പോര്‍ട്ട്​ ചെയ്യപ്പെട്ട ഇടങ്ങളെല്ലാം നിയന്ത്രണ മേഖലയായി പ്രഖ്യാപിച്ചിരിക്കുകയാണ്​.