ന്യൂജൻ ബൈക്കുകളിൽ പാഞ്ഞ മൂന്ന് പ്ലസ് വൺ വിദ്യാർത്ഥികൾക്ക് ദാരുണ മരണം; ബൈക്ക് ലോറിയിൽ ഇടിച്ച് മരിച്ചത് അടൂർ സ്വദേശികൾ

അടൂർ : എംസിറോഡിൽ അടൂർ കിളിവയലിന് സമീപം ബൈക്കും തമിഴ്‌നാട് രജിസ്ട്രേഷനിലുള്ള ലോറിയും കൂട്ടിയിടിച്ച് ഇന്ന് പുലർച്ചെ ഒന്നിന് മരിച്ചത് മൂന്നു പ്ലസ് വൺ വിദ്യാർത്ഥികൾ.

ബൈക്കിൽ യാത്രചെയ്തിരുന്ന നെടുമൺ ഹയർസെക്കൻഡറി സ്‌കൂളിലെ വിദ്യാർത്ഥികളായ കൈതപ്പറമ്പ് ലക്ഷ്മി ഭവനിൽ സജിയുടെ മകൻ വിശാദ് (16), ഏനാത്ത് പള്ളിവാതുക്കൽ തടത്തിൽ വിനോദിന്റെ മകൻ വിമൽ(16), നെടുമൺ മാങ്കൂട്ടം ചരുവിളപുത്തൻവീട്ടിൽ ജോർജിന്റെ മകൻ ചാൾസ് (16) എന്നിവരാണ് മരിച്ചത്.

എംസി റോഡിൽ നടക്കാവ് ജംഗ്ഷനിലായിരുന്നു അപകടം. മൂവരും ബൈക്കിൽ നടക്കാവ് ജങ്ഷനിൽ എത്തി തട്ടുദോശ കഴിച്ച് മടങ്ങുമ്പോൾ എതിരെ വന്ന ലോറി ഇടിച്ചായിരുന്നു അപകടം. മൂവരുടേയും മൃതദേഹം അടൂർ ജനറൽ ആശുപത്രിയിൽ സൂക്ഷിച്ചിരിക്കുകയാണ്.