ഉം​പു​ന്‍ ചുഴലിക്കാറ്റ്: സൗരവ് ഗാംഗുലിയുടെ വീടിനും നാശനഷ്ടം

കൊൽക്കത്ത: ക​ന​ത്ത നാ​ശം വി​ത​ച്ച ഉം​പു​ന്‍ ചുഴലിക്കാറ്റിൽ ബിസിസിഐ പ്രസിഡന്റ് സൗരവ് ഗാംഗുലിയുടെ വീടിനും നാശനഷ്ടം. വീടിനു മുന്നിലെ ഒരു മാവ് കാറ്റടിച്ച് രണ്ടാം നിലയിലേക്ക് ചാഞ്ഞ് വീഴുകയായിരുന്നു. പിന്നീട് ഈ മരം നേരയാക്കുന്ന ചിത്രം ഗാംഗുലി തൻ്റെ ട്വിറ്റർ ഹാൻഡിലിൽ പോസ്റ്റ് ചെയ്തു. ചുഴലിക്കാറ്റ് കനത്ത നാശനഷ്ടമാണ് പശ്ചിമ ബംഗാളിൽ ഉണ്ടായത്.

അതേസമയം ഉം​പു​ന്‍ ചു​ഴ​ലി​ക്കാ​റ്റ് ക​ന​ത്ത നാ​ശം വി​ത​ച്ച പ​ശ്ചി​മ ബം​ഗാ​ളി​നു ധ​ന​സ​ഹാ​യം പ്ര​ഖ്യാ​പി​ച്ച്‌ പ്ര​ധാ​ന​മ​ന്ത്രി ന​രേ​ന്ദ്ര​മോ​ദി. ഈ ​പ്ര​തി​സ​ന്ധി​യി​ല്‍ ബം​ഗാ​ള്‍ ജ​ന​ത​ക്കൊ​പ്പ​മെ​ന്നും പ്ര​ധാ​ന​മ​ന്ത്രി പ​റ​ഞ്ഞു. അ​ടി​യ​ന്ത​ര ധ​ന​സ​ഹാ​യ​മാ​യി ബം​ഗാളിന് 1000 കോ​ടി ന​ല്‍​കും. മു​ഖ്യ​മ​ന്ത്രി മ​മ​ത ബാ​ന​ര്‍​ജി​ക്കൊ​പ്പം പ്ര​ധാ​ന​മ​ന്ത്രി ദു​ര​ന്ത​മേ​ഖ​ല​ക​ളി​ല്‍ ആ​കാ​ശ​നി​രീ​ക്ഷ​ണം ന​ട​ത്തി. ബം​ഗാ​ളി​നു ശേ​ഷം ഒ​ഡീ​ഷ​യും പ്ര​ധാ​ന​മ​ന്ത്രി​യും സ​ന്ദ​ര്‍​ശി​ക്കും. അ​തേ​സ​മ​യം, പ്ര​ധാ​ന​മ​ന്ത്രി​യു​ടെ ബം​ഗാ​ള്‍ സ​ന്ദ​ര്‍​ശ​നം തു​ട​രു​ക​യാ​ണ്.

Loading...

ഉം​പു​ന്‍ ചു​ഴ​ലി​ക്കാ​റ്റി​ല്‍ ബം​ഗാ​ളി​ല്‍ 72 പേ​രാ​ണ് മ​രി​ച്ച​ത്. ഒ​ഡീ​ഷ​യു​ടെ വ​ട​ക്കും ബം​ഗാ​ളി​ന്‍റെ തെ​ക്കും ഉം​പു​ന്‍ താ​ണ്ഡ​വ​മാ​ടി. ബം​ഗാ​ള്‍ നേ​രി​ട്ട ഏ​റ്റ​വും വ​ലി​യ ദു​ര​ന്ത​മെ​ന്നാ​ണ് മു​ഖ്യ​മ​ന്ത്രി മ​മ​ത ബാ​ന​ര്‍​ജി പ​റ​ഞ്ഞു. നാ​ശ​ന​ഷ്ട​ങ്ങ​ളു​ടെ ക​ണ​ക്കെ​ടു​പ്പ് പൂ​ര്‍​ത്തി​യാ​യി​ട്ടി​ല്ല. ഹെ​ലി​കോ​പ്റ്റ​റി​ല്‍ ദു​ര​ന്ത മേ​ഖ​ല​ക​ള്‍ സ​ന്ദ​ര്‍​ശി​ക്കു​ന്ന മോ​ദി​യെ മു​ഖ്യ​മ​ന്ത്രി​യും ഗ​വ​ര്‍​ണ​റും അ​നു​ഗ​മിച്ചു. ഇ​തി​നു ശേ​ഷം ഉം​പു​ന്‍ ദു​ര​ന്തം വി​ത​ച്ച ഒ​ഡീ​ഷ​യി​ലെ മേ​ഖ​ല​ക​ള്‍ സ​ന്ദ​ര്‍​ശി​ക്കാ​നാ​യി പ്ര​ധാ​ന​മ​ന്ത്രി മ​ട​ങ്ങും. നേ​ര​ത്തെ പ്ര​ധാ​ന​മ​ന്ത്രി ബം​ഗാ​ള്‍ സ​ന്ദ​ര്‍​ശി​ക്ക​ണ​മെ​ന്ന് മ​മ​ത ബാ​ന​ര്‍​ജി ആ​വ​ശ്യ​പ്പെ​ട്ടി​രു​ന്നു. ബം​ഗാ​ളി​നൊ​പ്പം രാ​ജ്യം മു​ഴു​വ​നു​ണ്ടെ​ന്നും ദു​രി​ത​ബാ​ധി​ത​രെ സ​ഹാ​യി​ക്കു​മെ​ന്നും മോ​ദി ട്വീ​റ്റ് ചെ​യ്തി​രു​ന്നു.