നന്നായി ഉറങ്ങി, ആരോ​ഗ്യസ്ഥിതി മെച്ചപ്പെട്ടു, സുഖമായിരിക്കുന്നുവെന്ന് ബാബു

പാലക്കാട്: താൻ നന്നായി ഉറങ്ങിയെന്നും തനിക്ക് ആരോ​ഗ്യപ്രശ്നങ്ങൾ ഒന്നും തന്നെയിപ്പോൾ ഇല്ലെന്നും ആശുപത്രിയിൽ കഴിയുന്ന ബാബു. താൻ നന്നായി ഉറങ്ങി. ഇപ്പോൾ തനിക്ക് ആരോ​ഗ്യ പ്രശ്നം ഒന്നുമില്ലെന്നും സുഖമായിരിക്കുന്നുവെന്നും ബാബു വ്യക്തമാക്കി. ആശുപത്രിയിൽ ഒരു ബുദ്ധിമുട്ടും ഇല്ല. വീട്ടിൽ നിന്ന് കൊണ്ടുവന്ന ഭക്ഷണം കഴിച്ചെന്നും ബാബു. ചികിൽസയിൽ കഴിയുന്ന ബാബു ആശുപത്രി അധികൃതർ സംസാരിക്കുന്ന ദൃശ്യങ്ങളിലാണ് ബാബു സംസാരിക്കുന്നത്.

ചെറാട് കുമ്പാച്ചി മലയുടെ മുകളിലേക്ക് കയറവെ കല്ലിൽ കാല് തട്ടിയാണ് അപടകം ഉണ്ടായതെന്ന് ആശുപത്രിയിൽ കാണാനെത്തിയ ഉമ്മയോട് ബാബു പറഞ്ഞിരുന്നു. കൂടുതൽ അപകടം ഉണ്ടാകാതിരിക്കാൻ പിടിച്ചുനിന്നു. പാതിവഴിക്ക് കൂട്ടുകാർ മല കയറ്റം നിർത്തിയെങ്കിലും താൻ ഒറ്റയ്ക്ക് മല കയറുകയായിരുന്നുവെന്നും ബാബു ഉമ്മയോട് പറഞ്ഞിരുന്നു. പാലക്കാട് ചെറാട് കുമ്പാച്ചി മലയിലെ പാറയിടുക്കിൽ കുടുങ്ങിയ ബാബുവിനെ 43 മണിക്കൂറുകൾക്ക് ശേഷം സൈന്യമാണ് ഇന്നലെ ഉച്ചയോടെ രക്ഷപ്പെടുത്തിയത്.തുടർന്ന് ഹെലികോപ്ടറിൽ കഞ്ചിക്കോട് ഹെലിപാ‍ഡിലെത്തിച്ച ബാബുവിനെ ജില്ലാ ആശുപത്രിയിൽ പ്രവേശിപ്പിക്കുകയായിരുന്നുകേരളം ഇതുവരെ കാണാത്ത രക്ഷാദൗത്യമാണ് ബാബുവിനെ രക്ഷിക്കാൻ നടത്തിയത്.

Loading...