ഗയ: കഴിഞ്ഞ കുറെ കാലമായി ഭിക്ഷക്കാര് അനുഭവിക്കുന്ന ഭിക്ഷാടന പ്രതിസന്ധിക്ക് പരിഹാരം എന്ന നിലയില്‍ ബീഹാറിലെ ഗയയില്‍ ഒരുകൂട്ടം യാചകര്‍ ചേര്‍ന്ന് സ്വന്തം ബാങ്ക് തുറന്നു.
ഭിക്ഷ കിട്ടാതെ സാമ്പത്തിക പ്രതിസന്ധി ഉണ്ടാകുന്ന ഘട്ടത്തില്‍ അംഗങ്ങള്ക്ക് വായ്പ നല്‍കുകയാണ് ബാങ്കിന്റെ മുഖ്യ ലക്ഷ്യം. ഗയയിലെ പ്രശ്‌സ്തമായ മംഗളാഗുരി ക്ഷേത്ര പരിസരത്ത് ഭിക്ഷ എടുക്കുന്ന 40 യാചക ചേര്ന്നാണ് മംഗളാ എന്ന പേരില് ബാങ്ക് ആരംഭിച്ചത്. ബി.പി.എല്‍ കാര്‍ഡോ ആധാര്‍ കാര്‍ഡോ ഇല്ലാത്തവരാണ് അംഗങ്ങളിലധികവും.എല്ലാ ചൊവ്വാഴ്ചയും ഓരോ യാചകനും 20 രൂപ വീതം ബാങ്കിലേക്ക് അടയ്ക്കണം
യാചകനായ രാജ് കുമാര്‍ മഞ്ജിയാണ് ബാങ്ക് മാനേജര്‍. മഞ്ജിയുടെ ഭാര്യ നാഗിനാ ദേവി ട്രഷററും. സ്റ്റേറ്റ് സൊസൈറ്റി ഫോര്‍ അള്‍ട്ര പുവര്‍ ആന്‍ഡ് സോഷ്യല്‍ വെല്‍ഫയര്‍ വകുപ്പിന്റെ പ്രോത്സാഹനത്തെത്തുടര്‍ന്നാണ് ഇങ്ങനെ ഒരു പ്രസ്ഥാനം തുടങ്ങിയത്.എല്ലാ അംഗങ്ങളില്‍ നിന്നും കൃത്യമായി ഡപ്പോസിറ്റ് ശേഖരിക്കാന്‍ ഏജന്റിനേയും ബാങ്ക് നിയമിച്ചിട്ടുണ്ട്. വായ്പയ്ക്ക് രണ്ടു മുതല്‍ അഞ്ച് ശതമാനം വരെയാണ് പലിശ ഈടാക്കുന്നത്. ബാങ്ക് വന്നതു മൂലം ഭിക്ഷ എടുത്തുകിട്ടുന്ന തുക അല്‍പ്പമെങ്കിലും സമ്പാദ്യമാക്കാന്‍ കഴിയുന്നുവെന്ന സന്തോഷത്തിലാണ് ഗയയിലെ ഭിക്ഷക്കാര്.
