സാന്‍ഫ്രാന്‍സിസ്‌കോ: ജോലിക്കായി ഓഫീസില്‍ പോകണമെങ്കില്‍ രാവിലെ എന്തൊരു ഒരുക്കമാണ് നടത്തേണ്ടത്. തുണികള്‍ തേക്കണം, അവ അണിയണം. ഇതിനെല്ലാം എന്ത് സമയമാണ് ആവശ്യമായി വരിക. കൂടാതെ വസ്ത്രങ്ങള്‍ ട്രൈക്ലീന്‍ ചെയ്യുന്നതിന്റെയും അലക്കുന്നതിന്റെയും ചെലവുകള്‍ വേറെയും. എന്നാല്‍ ഇതിന്റെ ഒന്നും ആവശ്യമില്ലാതെയും ഓഫീസ് പ്രവര്‍ത്തികള്‍ വിജയകരമായി ചെയ്യാന്‍ സാധിക്കുമെന്നാണ് സാന്‍ഫാന്‍സിസ്‌കോയിലുള്ള ഒരു സ്ഥാപനത്തിന്റെ അവകാശവാദം.
കമ്പനിയുടെ ഉത്പാദനക്ഷമത വര്‍ധിപ്പിക്കാന്‍ ദി ബോള്‍ഡ് ഇറ്റാലിക്‌സ് ഓണ്‍ലൈന്‍ മാഗസിന്‍ സ്ഥാപനം കണ്ടെത്തിയ വഴി വിചിത്രമായിരുന്നു. തുറന്ന ഓഫീസ് സംവിധാനത്തിലൂടെ ഉദ്യോഗസ്ഥര്‍ തമ്മിലുള്ള ആശയവിനിമയം മെച്ചപ്പെടുമെന്നും, സുതാര്യതയും സര്‍ഗാത്മകതയും വളര്‍ത്തുന്നതിന് അവരുടെ പരീക്ഷണം എത്തിനിന്നത് വസ്ത്രങ്ങള്‍ ഉപേക്ഷിക്കുന്നതിലായിരുന്നു.
ദി ബോള്‍ഡ് ഇറ്റാലിക്‌സ് മാഗസിനിലെ പുരുഷ വനിതാ ജീവനക്കാരെല്ലാം ഒരുമാസം ജോലിചെയ്തത് പൂര്‍ണ്ണ നഗ്‌നരായായി ഓഫീസില്‍ എത്തിയാണ്. ഇത്തരത്തില്‍ സ്ഥാപനത്തിന്റെ ഉല്‍പാദനക്ഷമതയും വര്‍ധിക്കുമെന്നാണ് ബോള്‍ഡ് ഇറ്റാലിക്‌സ് തങ്ങളുടെ വെബ്‌സൈറ്റിലൂടെ പറയുന്നത്. ഇങ്ങനെയുള്ള തുറന്ന ഓഫീസ് സമ്പ്രദായത്തിന് നിങ്ങള്‍ എതിരാണെങ്കില്‍ നിങ്ങള്‍ മാറ്റങ്ങളെ എതിര്‍ക്കുന്ന ആളാണ് എന്നും ഇവര്‍ പറയുന്നു.
പലരും തങ്ങളുടെ വീടുകളില്‍ നിന്നും ആശ്വാസത്തോടെയും ദീര്‍ഘനേരമിരുന്നും ജോലി ചെയ്യുന്നു. പിറ്റേദിവസം ഏറെ ആശ്വാസത്തോടെയാണ് അവര്‍ ഓഫീസിലേക്ക് പോകുന്നത്. ഇത്തരത്തില്‍ ആളുകളെ വീട്ടില്‍ നിന്നും സന്തോഷത്തോടെയും ഏറെ കാര്യക്ഷമമായും ജോലിചെയ്യാന്‍ പ്രേരിപ്പിക്കുന്നത് അവിടെ ലഭിക്കുന്ന സ്വസ്ഥതയും അതിലൂടെ ലഭിക്കുന്ന സന്തോഷവും ശ്രദ്ധയുമാണെന്ന വസ്തുത തങ്ങളുടെ ഓഫീസില്‍ പ്രാവര്‍ത്തികമാക്കുകയായിരുന്നു അവര്‍. അതുകൊണ്ട് ഓഫീസില്‍ ജോലിചെയ്യുന്നതിനുള്ള തടസങ്ങളെയെല്ലാം മാറ്റി നിര്‍ത്തി എല്ലാം തുറന്ന അന്തരീക്ഷത്തിലാക്കി നഗ്‌നരായി എത്തി.
അതേസമയം നഗ്‌നരായി ജോലിചെയ്യുന്നതിന്റെ അത്ഭുതങ്ങള്‍ ആദ്യമായി കണ്ടെത്തുന്നത് തങ്ങളല്ലെന്നും ദി ബോള്‍ഡ് ഇറ്റാലിക്‌സ് പറയുന്നു. ഡേവിഡ് ടെയ്‌ലര്‍ എന്ന ബിസിനസ് സൈക്കോളജിസ്റ്റ് ഓഫീസിന്റെ മാനസിക സമ്മര്‍ദം വര്‍ദ്ധിപ്പിക്കുന്ന വസ്ത്ര സങ്കല്‍പ്പങ്ങളെ തകര്‍ത്തുകൊണ്ട് ആത്മ വീര്യം തിരികെ കൊണ്ടുവരുന്നതിന് നഗ്‌ന വെള്ളിയാഴ്ച്ചകളെ പ്രോത്സാഹിപ്പിച്ചിരുന്നു. ഇങ്ങനെയാണ് മാര്‍ച്ച് മാസം മുഴുവനും തങ്ങള്‍ ഓഫീസില്‍ നഗ്‌നരായി ജോലി ചെയ്യാന്‍ തീരുമാനിക്കുകയായിരുന്നു.
ഈ പരീക്ഷണം ഇത്തിരി കടന്ന കയ്യാണെന്ന് ഞങ്ങള്‍ക്കറിയാമായിരുന്നു. ഒരാഴ്ച്ച ഇതൊന്നു പരീക്ഷിക്കുകയായിരുന്നു. ഞങ്ങള്‍ക്കിടയില്‍ തന്നെ എതിര്‍പ്പുകളുള്ളവരുണ്ടായിരുന്നു. അങ്ങനെ ഞങ്ങള്‍ നഗ്‌നരായി കഴിഞ്ഞ ഒരു മാസം കടന്നു പോയി.
ഞങ്ങള്‍ ഇത് തുടരുമോ? വസ്ത്രങ്ങളിലേക്കുള്ള തിരിച്ചുപോക്ക് ഏറെ പ്രയാസകരമായി തോന്നുന്നു. എന്നാല്‍ നിരാശരായ ജീവനക്കാരുള്ള ഒരു ഓഫീസിനെയെങ്കിലും പ്രോത്സാഹിപ്പിക്കാന്‍ തങ്ങള്‍ക്കായെന്നാണ് കരുതുന്നത്. തങ്ങളുടെ അനുഭവക്കുറിപ്പ് പങ്കുവെച്ച ജസീക്ക സായയും സെറ ഹാര്‍ട്ട്മാനും പറയുന്നു. കൂടാതെ ഇത് മറ്റ് കമ്പനികളും പരീക്ഷണാടിസ്ഥാനത്തിലെങ്കിലും പ്രാവര്‍ത്തികമാക്കി നോക്കണമെന്നും അവര്‍ അഭ്യര്‍ഥിച്ചു.
