ബ്രസീലിയ: ഇന്ത്യയില്‍നിന്നും രണ്ട് കോടി കോവിഡ് വാക്സിനുകള്‍ വാങ്ങാനൊരുങ്ങി ബ്രസീല്‍. ബ്രസീല്‍ ആരോഗ്യമന്ത്രി ഇന്ത്യ ഭാരത് ബയോടെകുമായി ഇതുസംബന്ധിച്ച കരാര്‍ ഒപ്പുവച്ചു.
മാര്‍ച്ച്‌, മേയ് മാസങ്ങളോടെ രണ്ട് കോടി കോവാക്സിന്‍ കൈമാറാനാണ് കരാര്‍ ഒപ്പുവച്ചിരിക്കുന്നത്. വകഭേദം വന്ന കോവിഡിനെ നേരിടുന്നതിന് വേഗത്തില്‍ കൂടുതല്‍ വാക്സിന്‍ വാങ്ങാനാണ് ബ്രസീല്‍ തയാറെടുക്കുന്നത്.
വ്യാഴാഴ്ച ബ്രസീലില്‍ 1,541 പുതിയ കോവിഡ് മരണങ്ങളാണ് റിപ്പോര്‍ട്ട് ചെയ്തിരിക്കുന്നത്. ഇത് രാജ്യത്ത് കോവിഡ് റിപ്പോര്‍ട്ട് ചെയ്തതിനുശേഷം ഉണ്ടായ ഏറ്റവും ഉയര്‍ന്ന രണ്ടാമത്തെ മരണസംഖ്യയാണ്. ഇതുവരെ 2,51,498 പേരാണ് ബ്രസീലില്‍ കോവിഡ് ബാധിച്ച്‌ മരിച്ചത്.
