റോഡിന്റെ ദുരവസ്ഥയില്‍ പ്രതിഷേധം;നടുറോഡില്‍ അടിവസ്ത്രം അഴിച്ച ഡോക്ടര്‍ക്കെതിരെ കേസ്

തൃശ്ശൂര്‍: വേറിട്ട രീതിയില്‍ പ്രതിഷേധിച്ച് പണി വാങ്ങിയിരിക്കുകയാണ് ഒരു ഡോക്ടര്‍. റോഡിന്റെ ശോചനീയാസ്ഥയില്‍ ഒരു ഡോക്ടറുടെ പ്രതിഷേധം നടുറോഡില്‍ അടിവസ്ത്രമുരിഞ്ഞുകൊണ്ടായിരുന്നു.പ്രതിഷേധ ദൃശ്യങ്ങള്‍ സോഷ്യല്‍ മീഡിയയിലടക്കം വൈറലായതോടെ ഡോക്ടര്‍ക്കെതിരെ കേസുമെടുത്തു. തൃശൂര്‍ ചാവക്കാട് ആണ് സംഭവം. തൃശ്ശൂര്‍ മെഡിക്കല്‍ കോളേജ് ഓര്‍ത്തോ വിഭാഗം അസോസിയേറ്റ് പ്രൊ. ഡോ സിവി കൃഷ്ണകുമാറിനെതിരെയാണ് പൊലീസ് കേസെടുത്തത്.

അബ്ദുള്‍ ഖാദര്‍ എംഎല്‍എയുടെ പരാതിയിലാണ് നടപടി.അതേസമയം മെഡിക്കല്‍ കോളേജ് പ്രിന്‍സിപ്പല്‍ ഡോക്ടറില്‍ നിന്നും വിശദീകരണം തേടി. സംഭവത്തില്‍ വീഴ്ച പറ്റിയെന്ന് കാണിച്ച് ഡോക്ടര്‍ മാപ്പപേക്ഷ എഴുതി നല്‍കിയിട്ടുണ്ട്. തുടര്‍ന്ന് നടപടികള്‍ സ്വീകരിക്കേണ്ടത് ഡിഎംഇ ആണെന്ന് പ്രിന്‍സിപ്പല്‍ അറിയിച്ചു. ഡോക്ടറുടെ പരസ്യ പ്രതിഷേധം സോഷ്യല്‍ മീഡിയയില്‍ വ്യാപകമായി പ്രചരിക്കുന്നുണ്ട്.

Loading...