ലിഫ്റ്റ് സ്ഥാപിക്കാനെടുത്ത കുഴിയില്‍ വീണ് നാല് വയസുകാരന്‍ മരിച്ചു

ലിഫ്റ്റ് നിര്‍മ്മിക്കാനെടുത്ത കുഴിയിലെ വെള്ളക്കെട്ടില്‍ വീണ നാലരവയസുകാരന് ദാരുണാന്ത്യം. കണ്ണൂര്‍ സെന്റ് മൈക്കിള്‍സ് ആംഗ്ലോ ഇന്ത്യന്‍ സ്‌കൂള്‍ ഹയര്‍ സെക്കന്‍ഡറി വിഭാഗം അദ്ധ്യാപകനായ കുപ്പം സ്വദേശി പി.വി. രഘുനാഥിന്റെയും കണ്ണൂര്‍ യൂണിവേഴ്‌സിറ്റി ജേര്‍ണലിസം വിഭാഗം അസിസ്റ്റന്റ് സെക്‌ഷന്‍ ഓഫീസര്‍ തളിപ്പറമ്ബ് രാജരാജേശ്വര ക്ഷേത്രത്തിന് സമീപം സ്‌മിതയുടെയും മകന്‍ ദര്‍ശാണ് മരിച്ചത്. ഇന്നലെ ഉച്ചയ്‌ക്ക് കണ്ണൂര്‍ യൂണിവേഴ്‌സിറ്റിയുടെ മങ്ങാട്ടുംപറമ്ബിലെ കാമ്ബസിലായിരുന്നു അപകടം.

സ്കൂള്‍ അവധിയായതിനാല്‍ സ്മിത ദര്‍ശിനേയും കൂട്ടിയാണ് ഓഫീസിലെത്തിയത്. പുറത്ത് കളിക്കാന്‍ പോയ കുട്ടി അബദ്ധത്തില്‍ കുഴിയില്‍ വീണതാകാമെന്നാണ് കരുതുന്നത്. ഉച്ചകഴിഞ്ഞ് രണ്ടോടെയാണ് കമിഴ്ന്നു കിടക്കുന്ന നിലയില്‍ കുട്ടിയെ കണ്ടെത്തിയത്. ഉടന്‍ ലൂര്‍ദ്ദ് ആശുപത്രിയിലെത്തിച്ചെങ്കിലും മരിച്ചു.

Loading...

കണ്ണൂര്‍ സെന്റ് മൈക്കിള്‍സ് ആംഗ്ലോ ഇന്ത്യന്‍ സ്‌കൂള്‍ യു.കെ.ജി വിദ്യാര്‍ത്ഥിയാണ്. സഹോദരി കണ്ണൂര്‍ ഉര്‍സുലൈന്‍ സ്‌കൂള്‍ അഞ്ചാം ക്ലാസ് വിദ്യാര്‍ത്ഥിനി ദിയ. കണ്ണപുരം പൊലീസ് ഇന്‍ക്വസ്റ്റ് നടത്തിയ മൃതദേഹം കണ്ണൂര്‍ ഗവ. മെഡിക്കല്‍ കോളേജ് മോര്‍ച്ചറിയില്‍.