90 ശതമാനത്തോളം രോഗപ്രതിരോധ ശേഷി ഉറപ്പാക്കുന്ന മൊഡേണ വാക്സിൻ ഇന്ത്യയിലേക്ക്. രാജ്യത്ത് 18 വയസിന് മുകളിലുള്ളവർക്ക് അടിയന്തര ആവശ്യത്തിന് മൊഡേണ വാക്സിൻ ഉപയോഗിക്കുന്നതിന് മരുന്ന് നിർമാണ കമ്പനിയായ സിപ്ല ഡ്രഗ് കൺട്രോളർ ജനറൽ ഓഫ് ഇന്ത്യ (ഡിസിജിഐ) യുടെ അനുമതി തേടി. ഇന്നുതന്നെ ഡിസിജിഐ ഇതിന് അനുമതി നൽകിയേക്കുമെന്നാണ് സൂചന.
തിങ്കളാഴ്ചയാണ് മൊഡേണ വാക്സിൻ ഇറക്കുമതി ചെയ്യാനുള്ള അനുമതി സിപ്ല കമ്പനി തേടിയതെന്ന് അധികൃതർ അറയിച്ചു. ഫൈസർ വാക്സിനൊപ്പം മൊഡേണയുടെ വാക്സിനും ആഗോളതലത്തിൽ വലിയ സ്വീകാര്യത ലഭിച്ച കോവിഡ് വാക്സിനാണ്. യുഎസിൽ 12 കോടിയോളം പേർക്കും ഫൈസർ, മൊഡേണ വാക്സിനുകളാണ് വിതരണം ചെയ്തത്. നിലവിൽ കാര്യമായ സുരക്ഷാ പ്രശ്നങ്ങളൊന്നും റിപ്പോർട്ട് ചെയ്യപ്പെട്ടിട്ടില്ല.
Loading...
