സുധാകരനെതിരായ പരാമർശം; എം വി ജയരാജനെതിരെ പരാതി നൽകി

സിപിഐഎം കണ്ണൂർ ജില്ലാ സെക്രട്ടറി എം വി ജയരാജനെതിരെ പരാതി. കെപിസിസി പ്രസിഡന്റ് കെ സുധാകരനെതിരായ പരാമർശത്തിലാണ് യൂത്ത് കോൺ​ഗ്രസ് പൊലീസിൽ പരാതി നൽകിയത്. എംവി ജയരാജന്റെ പ്രസ്താവന കലാപമുണ്ടാക്കണമെന്ന ദുഷ്ടലാക്കോടെയാണെന്നാണ് യൂത്ത് കോൺ​ഗ്രസ് ആരോപിക്കുന്നത്.പന്തീരാണ്ട്​ കാലം പട്ടിയുടെ വാല്​ കുഴലിലിട്ടാലും നേരെയാകില്ലെന്നും, ഇതുപോലെ​ കെ.പി.സി.സി പ്രസിഡൻറ്​ കെ. സുധാകരനെ എത്രകാലം കുഴലിലിട്ടാലും നേരെയാക്കാൻ കോൺഗ്രസിനാകില്ലെന്നുമായിരുന്നു എം.വി. ജയരാജന്റെ പരാമർശം.

മുഖ്യമന്ത്രി പിണറായി വിജയനെതിരായ സുധാകരൻറെ പരാമർശത്തിൽ കേസെടുത്തതിനെക്കുറിച്ച് ഒരു വാർത്താ മാധ്യമത്തിൽ പ്രതികരിക്കവെയായിരുന്നു എം വി ജയരാജന്റെ പ്രതികരണം. ധിക്കാരവും അധിക്ഷേപവുമാണ്​ കെ സുധാകരൻറെ മുഖമുദ്ര. താൻ കഴിഞ്ഞേയുള്ളു മറ്റാരും എന്നതാണ്​ സുധാകരൻറെ നിലപാടെന്നും ജയരാജൻ കുറ്റപ്പെടുത്തിയിരുന്നു. എൽ.ഡി.എഫിന്​ അനുകൂല സാഹചര്യമാണ്​ തൃക്കാക്കരയിൽ. വികസനവും ക്ഷേമവും ഒപ്പം മികച്ച സ്ഥാനാർത്ഥിയും എല്ലാം ചേരുന്നതാകും വിജയം. തദ്ദേശ തെരഞ്ഞെടുപ്പിൽ എൽ.ഡി.എഫിന്​ സീറ്റ്​ വർധിക്കുകയാണ്​ ചെയ്തതെന്നും എം.വി. ജയരാജൻ മാധ്യമപ്രവർത്തകരോട്​ പറഞ്ഞു.

Loading...