രാജ്യത്ത് കൊവിഡ് വാക്സിൻ വിതരണം ജനുവരിയോടെ,പ്രതീക്ഷയോടെ രാജ്യം

Covid-vaccine-doses....
Covid-vaccine-doses....

രാജ്യത്ത് കൊവിഡ് ബാധിതരുടെ എണ്ണം 91 ലക്ഷം കടന്നിരിക്കുകയാണ്. പ്രതിദിന രോഗബാധിതരുടെ എണ്ണം വർദ്ധിക്കുകയും കുറയുകയും ചെയ്യുന്ന സാഹചര്യവുമാണ് നിലവിലുള്ളത്. അതേസമയം തന്നെ വാക്സിനായുള്ള പരീക്ഷണങ്ങൾ മാസങ്ങളായി നടന്നുകൊണ്ടിരിക്കുകയാണ്. പ്രതീക്ഷയുള്ള വാർത്തകളാണ് പുറത്ത് വരുന്നത്. ജനുവരിയോടെയോ ഫെബ്രുവരിയോടെയോ തന്നെ രാജ്യത്ത് വാക്സിൻ പരീക്ഷണം ആരംഭിക്കുമെന്നാണ് റിപ്പോർട്ടുകൾ. അസ്ട്രാസനേക്കയുമായി ചേര്‍ന്ന് വികസിപ്പിക്കുന്ന കൊറോണ വാക്സിന്‍ 70 ശതമാനം ഫലപ്രാപ്തിയുണ്ടെന്ന് ലണ്ടനിലെ ഓക്സ്ഫഡ് സര്‍വ്വകലാശാല ഇന്നലെ അറിയിച്ചിരുന്നു. ഇതിന് പിന്നാലെയാണ് ജനുവരിയോടെ പുറത്തിറക്കാനാകുമെന്ന് കേന്ദ്ര സര്‍ക്കാര്‍ വൃത്തങ്ങള്‍ പറയുന്നത്.

അതേസമയം, പ്രധാനമന്ത്രി നരേന്ദ്ര മോദി വിളിച്ച മുഖ്യമന്ത്രിമാരുടെ യോഗം ഇന്ന് ചേരും. 8 സംസ്ഥാനങ്ങളിലെ മുഖ്യമന്ത്രിമാരുമായി ചേര്‍ന്നാണ് സ്ഥിതഗതികള്‍ വിലയിരുത്തുക. ഇന്ന് രാവിലെ 10 മണിയ്ക്കാണ് വീഡിയോ കോണ്‍ഫറന്‍സിലൂടെ യോഗം ചേരുക. യോഗത്തില്‍ കൊറോണ വാക്‌സിന്‍ വിതരണവുമായി ബന്ധപ്പെട്ട കാര്യങ്ങളും ചര്‍ച്ചചെയ്യും.വാക്‌സിന്‍ ലഭ്യമായാല്‍ ഉടന്‍ ആളുകളിലേക്ക് എത്തിക്കാനാണ് കേന്ദ്രസര്‍ക്കാര്‍ ലക്ഷ്യമിടുന്നത്. ഇതിനായി സ്വീകരിക്കേണ്ട നടപടികളെക്കുറിച്ചാകും പ്രധാനമന്ത്രി സംസ്ഥാനങ്ങളുമായി പ്രധാനമായും ചര്‍ച്ച ചെയ്യുക. നിലവില്‍ അഞ്ച് വാക്‌സിനുകളുടെ പരീക്ഷണങ്ങളാണ് രാജ്യത്ത് പുരോഗമിക്കുന്നത്. രാജ്യത്തെ കൊറോണ സ്ഥിതിഗതികളും പ്രധാനമന്ത്രി വിലയിരുത്തും.

Loading...