International News Top Stories

ദുബായ് ബസപകടത്തിൽ നാലാം മാസം വിധി, ഡ്രൈവര്‍ക്ക് 7 വര്‍ഷം തടവ്, ആശ്രിതര്‍ക്ക് 37 ലക്ഷം വീതം നഷ്ടപരിഹാരം

ദുബായ്: കഴിഞ്ഞ ചെറിയ പെരുന്നാളിന് ദുബായിലുണ്ടായ മലയാളികളടക്കം 17 പേര്‍ വാഹനാപകടത്തില്‍ മരിച്ച കേസില്‍ ഡ്രൈവര്‍ക്ക് ശിക്ഷ വിധിച്ചു. ഒമാനി പൗരനായ ഡ്രൈവര്‍ക്ക് ഏഴ് വര്‍ഷം ജയില്‍ ശിക്ഷയാണ് കോടതി വിധിച്ചത്.

“Lucifer”

ഒമാനില്‍ നിന്ന് വരികയായിരുന്ന ബസ് ജൂണ്‍ ആറിനാണ് ശൈഖ് മുഹമ്മദ് ബിന്‍ സായിദ് റോഡില്‍ വെച്ച് അപകടത്തില്‍പ്പെട്ടത്. 30യാത്രക്കാരാണ് ബസിലുണ്ടായിരുന്നത്. അപകടത്തില്‍ മരിച്ച 17 പേരില്‍ എട്ടു മലയാളികള്‍ ഉള്‍പ്പെടെ 12 ഇന്ത്യക്കാരാണ് ഉണ്ടായിരുന്നത്. 15 പേര്‍ സംഭവസ്ഥലത്തും രണ്ടുപേര്‍ പിന്നീട് ആശുപത്രിയിലുമാണ് മരിച്ചത്.

കൊല്ലപ്പെട്ടവരുടെ ആശ്രിതര്‍ക്ക് രണ്ട് ലക്ഷം ദിര്‍ഹം വീതം (ഏകദേശം 37 ലക്ഷത്തിലധികം ഇന്ത്യന്‍ രൂപ) ബ്ലഡ് മണി നല്‍കണമെന്നും ശിക്ഷ അനുഭവിച്ച ശേഷം ഡ്രൈവറെ യുഎഇയില്‍ നിന്ന് നാടുകടത്തണമെന്നും കോടതി വിധിയിലുണ്ട്.

അപകടം നടന്ന് ഒരു മാസം പിന്നിടുന്നതിനിടെയാണ് കേസില്‍ കോടതിയുടെ വിധി വരുന്നത്.

റോഡില്‍ ഉയരം കൂടിയ വാഹനങ്ങള്‍ കടന്നു പോകാതിരിക്കാന്‍ മാനദണ്ഡങ്ങള്‍ പാലിക്കാതെ സ്ഥാപിച്ച അടയാള ബോര്‍ഡാണ് അപകട കാരണമെന്ന് ഡ്രൈവറുടെ അഭിഭാഷകന്‍ അല്‍ തമീമി കോടതിയോട് പറഞ്ഞിരുന്നു.

അടയാള ബോര്‍ഡുകള്‍ വെക്കുന്നതിനുള്ള ജി.സി.സി നിയമങ്ങള്‍ അധികൃതര്‍ തെറ്റിച്ചതായി ഡ്രൈവറുടെ അഭിഭാഷകന്‍ കോടതിയെ അറിയിച്ചു. റോഡിലെ വേഗപരിധി 60 കിലോമീറ്ററാണെങ്കില്‍ ബോര്‍ഡ് 60 മീറ്റര്‍ അകലെ സ്ഥാപിച്ചിരിക്കണമെന്നാണ് ജി.സി.സി ചട്ടമെന്ന് അഭിഭാഷകന്‍ പറഞ്ഞു. എന്നാല്‍ അപകടം നടന്ന സ്ഥലത്ത് ഈ ദൂരം 12 മീറ്റര്‍ മാത്രമായിരുന്നുവെന്ന് അഭിഭാഷകന്‍ പറഞ്ഞു.

നിയമം തെറ്റിച്ച് കൊണ്ട് ബോര്‍ഡ് വെച്ചതില്‍ ദുബായ് റോഡ്‌സ് ആന്‍ഡ് ട്രാന്‍സ്‌പോര്‍ട്ട് അതോറിറ്റിയെ കൊണ്ട് സംഭവം അന്വേഷിക്കണമെന്നും അഭിഭാഷകന്‍ കോടതിയോട് ആവശ്യപ്പെട്ടു.

ബസ് 94 കിലോമീറ്റര്‍ വേഗതയിലായിരുന്നുവെന്ന് തെളിയിക്കാന്‍ പ്രോസിക്യൂഷന് സാധിച്ചിട്ടില്ലെന്നും അഭിഭാഷകന്‍ കോടതിയെ അറിയിച്ചു.

അതേസമയം ഉയര നിയന്ത്രണം സംബന്ധിച്ച് 342 മീറ്റര്‍ അകലെ തന്നെ ആദ്യ ബോര്‍ഡ് സ്ഥാപിച്ചിരുന്നുവെന്നും ഇതിന് പുറമെ തൂണിനടുത്ത് മറ്റൊരു ബോര്‍ഡ് കൂടി ഉണ്ടായിരുന്നുവെന്നും ദുബായ് ആര്‍.ടി.എ കോടതിയെ അറിയിച്ചു.

ജൂലൈ 25ന് മുമ്പ് അപ്പീല്‍ പോകാനുള്ള സമയം കോടതി അനുവദിച്ചിട്ടുണ്ട്.

Related posts

മസൂദ് അസര്‍ പാകിസ്ഥാനില്‍ത്തന്നെ , രോഗിയും അവശനുമെന്ന് പാക് വിദേശകാര്യമന്ത്രി

ഇരുപത്തിമൂന്നുകാരിയെ പതിനൊന്നുപേരുടെ സംഘം കൂട്ടമാനഭംഗത്തിനിരയാക്കി; സംഭവം സ്ത്രീയുടെ സൃഷ്ടിയെന്ന് പോലീസ്

subeditor

പോൺസ്റ്റാർ മിയ ഖലീഫ മലയാള സിനിമയിൽ അഭിനയിക്കാനെത്തുന്നു

subeditor

നടൻ ദിലീപും നടി കാവ്യ മാധവനും ഇന്ന് വിവാഹിതരാകുന്നു.

subeditor

തൃശൂരില്‍ നഗരമധ്യത്തില്‍ മാനഭംഗ ശ്രമം, രക്ഷിക്കാനെത്തിയവരെ അക്രമി കുത്തി വീഴ്ത്തി

subeditor10

സര്‍ക്കാര്‍ നിയന്ത്രണത്തിലുള്ള ഹോസ്റ്റലിലെ ജീവനക്കാരുടെ ക്രൂരതകള്‍ പുറത്ത്

ഛത്തീസ്ഗഡിൽ മലയാളി സിആർപിഎഫ് ജവാൻ വെടിയേറ്റു മരിച്ചു

ദേവീ വിഗ്രം മോഷ്ടിക്കാന്‍ ശ്രമിച്ച പെരുങ്കള്ളന്‍ ന്യൂയോര്‍ക്കില്‍ പിടിയില്‍

subeditor

വീടിനുള്ളില്‍ മരിച്ചു കിടന്ന സ്ത്രീയുടെ മൃതദേഹം തെരുവ് നായ്ക്കള്‍ കടിച്ചു കീറി

മഞ്ജു അമേരിക്കന്‍ യാത്ര മാറ്റിവച്ചത് പൊലീസ് പറഞ്ഞിട്ടല്ല ; ആ കാരണം ഇതാണ്‌

വണ്ടര്‍ലാ അമ്യൂസ്മെന്റ് പാര്‍ക്കില്‍ റൈഡിന്റെ നിയന്ത്രണം തെറ്റി അപകടം… നിരവധിപ്പേർക്ക് പരിക്ക്, വീഡിയോ…

subeditor10

കൃഷ്ണദാസിന് ജിഷ്ണുവിന്റെ മരണത്തിൽ നേരിട്ട് പങ്കുള്ളതിന് തെളിവില്ലെന്ന് സുപ്രീംകോടതി