ഫാ. റോബിന്‍റെ ഫ്ളാറ്റിലെത്തിയിരുന്ന ഉന്നതരും സംശയത്തിന്‍റെ നിഴലിൽ, പലരും മാന്യതയുടെ മുഖം മൂടി അണിഞ്ഞവർ

കണ്ണൂർ: പതിനാറുകാരിയായ പെൺകുട്ടിയെ ഗർഭിണിയാക്കിയ സംഭവത്തിൽ പോലീസ് അറസ്റ്റ് ചെയ്ത കത്തോലിക്ക വൈദികൻ ഫാ. റോബൻ വടക്കുംചേരിയുടെ സംഘത്തിൽ പ്രമുഖർ. കത്തോലിക്ക സഭയുടെയും മാധ്യമ രംഗത്തെയും പ്രമുഖർക്ക് ഫാ. റോബിൻ പെൺകുട്ടികളെ കാഴ്ച്ച വച്ചിട്ടുണ്ടെന്ന ഞെട്ടിക്കുന്ന വിവരം അന്വേഷണ സംഘത്തിനു ലഭിച്ചു.

എറണാകുളം മേനകയ്ക്ക് സമീപത്തെ ഫ്ളാറ്റിലും മേനകയിലെ പഞ്ചനക്ഷത്ര ഹോട്ടലിലുമായിരുന്നു അഛനെ വിഹാര കേന്ദ്രം. ഇവിടങ്ങളിൽ പല പെൺകുട്ടികളുമായി അഛൻ വരുന്നതും പോകുന്നതും പതിവായിരുന്നു. എന്നാൽ പെൺകുട്ടികളെ വശീകരിച്ച് അഛന്‍റെ വിശ്വസ്തരായ ചിലർക്ക് കാഴ്ച്ച വച്ചിട്ടുണ്ടെന്നാണ് ഇപ്പോൾ പുറത്തു വരുന്ന റിപ്പോർട്ടുകൾ.
ഇതിൽ ചില മാധ്യമ പ്രമുഖരും ഉൾപ്പെട്ടിട്ടുള്ളതായി റിപ്പോർട്ടുകളുണ്ട്. കത്തോലിക്ക സഭയിലെയും പൊതു രംഗത്തെയും പ്രമുഖരായ ചിലരുമായി അഛൻ അടുത്ത ബന്ധമാണ് സൂക്ഷിച്ചിരുന്നത്. അഛന്‍റെ വിവിധ ആവശ്യങ്ങൾക്കായും പണത്തിനായുമാണ് ഇവരെ ഉപയോഗിച്ചിരുന്നത്.

ഇവരെ പ്രീതിപ്പെടുത്താനാണ് പെൺകുട്ടികളെ കാഴ്ച്ച വച്ചതെന്നാണ് സൂചന. എറണാകുളം കേന്ദ്രീകരിച്ച് കത്തോലിക്ക സഭയിലെ ചില പ്രമുഖർ അഛന്‍റെ താമസ സ്ഥലത്തെ നിത്യ സന്ദർശകരായിരുന്നു. പലപ്പോഴും ഇവർ വരുമ്പോൾ ഫ്ളാറ്റിലേക്ക് പെൺകുട്ടികളെ വിളിച്ചു വരുത്തുന്നതും പതിവായിരുന്നു. വിദ്യാഭ്യാസത്തിന്‍റെ കാര്യങ്ങൾ സംസാരിക്കാനാണെന്നു പറഞ്ഞു പെൺകുട്ടികളെ വിളിച്ചു വരുത്തുകയാണത്രേ പതിവ്.
ദീപിക പത്രത്തിന്‍റെ ഉന്നത സ്ഥാനത്തുള്ള ഒരാളും ഇത്തരത്തിൽ അഛന്‍റെ ഫ്ളാറ്റിലെ സന്ദർശകനായിരുന്നു. അഛന്‍റെ ഇടപാടുകൾ അറിയാവുന്ന ഈ സംഘമാണ് എല്ലാത്തിനും സൗകര്യം ചെയ്തു കൊടുത്തിരുന്നതെന്നും പറയപ്പെടുന്നു.