ബിഹാറില്‍ മുഖ്യമന്ത്രിയായി നിതീഷ് കുമാറും ഉപമുഖ്യമന്ത്രിയായി തേജസ്വിയും സത്യപ്രതിജ്ഞ ചെയ്തു

പട്‌ന. മഹാസഖ്യം പ്രഖ്യാപിച്ച് ബിജെപിയുമായിള്ള സഖ്യം ഉപേക്ഷിച്ച നിതീഷ് കുമാര്‍ ബീഹാര്‍ മുഖ്യമന്ത്രിയായി സത്യപ്രതിജ്ഞ ചെയ്തു. ആര്‍ജെഡി നേതാവ് തേജസ്വി യാദവ് ഉപമുഖ്യമന്ത്രിയായും സത്യപ്രതിജ്ഞ ചെയ്തു. ഇത് എട്ടാം തവണയാണ് നിതീഷ് കുമാര്‍ ബീഹാര്‍ മുഖ്യമന്ത്രിയായി സത്യപ്രതിജ്ഞ ചെയ്യുന്നത്.

ജെഡിയു, ആര്‍ജെഡി, കോണ്‍ഗ്രസ്, ഇടതു പാര്‍ട്ടികള്‍ എന്നിവരുടെ നേതൃത്വത്തിലാണ് മഹാസഖ്യം രൂപം കൊണ്ടത്. മറ്റ് മന്ത്രിമാര്‍ ആരും ഇന്ന് സത്യപ്രതിജ്ഞ ചെയ്തില്ല. സത്യപ്രതിജ്ഞയ്ക്ക് മുന്നോടിയായി നിതിഷ് കുമാര്‍ ആര്‍ജെഡി നേതാവ് ലാലു പ്രസാദ് യാദവിനെ ഫോണില്‍ വിളിച്ചി.

Loading...

പട്‌നയിലെ രാജ്ഭവനിലായിരുന്നു സത്യപ്രതിജ്ഞ. ഇന്നലെ രാവിലെ ജെഡിയു യോഗത്തില്‍ പങ്കെടുത്ത ശേഷം മുഖ്യമന്ത്രി സ്ഥാനം രാജിവച്ച നിതീഷ് കുമാര്‍, വൈകിട്ട് തേജസ്വ യാദവിനൊപ്പം ഗവര്‍ണറെ കണ്ട് സര്‍ക്കാര്‍ ഉണ്ടാക്കുവാന്‍ കത്ത് നല്‍കിയിരുന്നു.

അതേസമയം ജെഡിയു ജനവിധിയെ വഞ്ചിച്ചുവെന്ന് ആരോപിച്ച് ബിജെപി പാട്‌നയില്‍ പ്രതിഷേധം നടത്തി. ബിഹാറിലെ ജനങ്ങള്‍ നിതീഷ് കുമാറിനോട്് പൊറുക്കില്ലെന്ന് ബിജെപി സംസ്ഥാന അധ്യക്ഷന്‍ ഡോ. സഞ്ജയ് ജയ്‌സ്വാള്‍ പറഞ്ഞു.