പാലക്കാട്, കാസർകോട് ജില്ലകളിൽനിന്നും 16പേർ ഐ.എസിൽ ചേർന്നു

കൊച്ചി: പാലക്കാട് കാസർകോട് ജില്ലകളിൽനിന്നും 16 ഓളം ചെറുപ്പാക്കാർ ഐ.എസ് ഭീകര സംഘടനയിൽ ചേർന്നതായി റിപോർട്ട്. സിറിയയിലും, അഫ്ഗാനിലുമുള്ള ഐ.എസിന്റെ ക്യാമ്പുകളിൽ ഇവർ ഇപ്പോൾ കഴിയുകയാണ്‌. ഇവരുടെ കുടുംബത്തിന്‌ സാമ്പത്തിക സഹായവും, മറ്റ് സൗകര്യങ്ങളും ഐ.എസ് ബാഗ്ദാനം ചെയ്താണ്‌ റിക്രൂട്ട് നടത്തിയതത്രേ. ഇവരില്‍ അഞ്ചുപേര്‍ ഭാര്യക്കും കുട്ടികൾക്കും ഒപ്പം കുടുംബസമേതമാണ് ക്യാമ്പിലെത്തിയിട്ടുള്ളതെന്നാണ് വിവരം. ഇവരില്‍ നിന്നും ബന്ധുക്കള്‍ക്ക് ലഭിച്ച വാട്ട്‌സ് ആപ്പ് സന്ദേശത്തില്‍ നിന്നാണ് ഇസ്‌ലാമിക് സ്റ്റേറ്റുമായി ബന്ധപ്പെട്ടെന്ന നിഗമനത്തില്‍ എത്തിയത്.
ഇവരുടെ കേരളത്തിലേ വീടുകളിൽ പോലീസ് തിരച്ചി നടത്തി.തെറ്റുതിരുത്തി അവര്‍ തിരിച്ചു വന്നില്ലെങ്കില്‍ അവരുടെ മയ്യത്തു പോലും കാണേണ്ടെന്ന് ബന്ധുക്കള്‍ അറിയിച്ചു.തീര്‍ത്ഥാടനത്തിനെന്ന വ്യാജേനയാണ് വീട് വിട്ടിറങ്ങിയതെന്ന് ബന്ധുക്കള്‍ പറയുന്നു. തൃക്കരിപ്പൂര്‍ എടച്ചാക്കൈയിലെ ഡോ ഹിജാസും കുടുംബവും ഉടുംമ്പുന്തലയിലെ എന്‍ജിനിയറായ അബ്ദുള്‍ റഷീദും കുടുംബവും തൃക്കരിപ്പൂരിലെ മര്‍ഹാന്‍, മര്‍ഷാദ്, പാലക്കാട് ജില്ലയില്‍ നിന്നും ഇസ, യനിയ ഇവരുടെ ഭാര്യമാരുമാണ് കാണാതായ സംഘത്തില്‍പ്പെടുന്നത്. നാടുവിട്ടവരില്‍നിന്ന് വീട്ടുകാര്‍ക്ക് ലഭിച്ച ഒടുവിലത്തെ ഫോണിന്റെ ടവര്‍ ലൊക്കേഷന്‍ അഫ്ഗാനിസ്താന്‍ തന്നെയാണ്. കേന്ദ്ര- സംസ്ഥാന ഇന്റലിജന്‍സ് വിഭാഗങ്ങള്‍ അന്വേഷണം ഊര്‍ജ്ജിതമാക്കിയിട്ടുണ്ട്. സിറിയ, ഇറാഖ് എന്നീ രാജ്യങ്ങളിലേക്ക് ഇവര്‍ കടന്നതായാണ് സംശയിക്കുന്നത്.