തിരുവനന്തപുരം. കെപിസിസി അധ്യക്ഷ സ്ഥാനത്ത് കെ സുധാകരന്‍ രണ്ടാമതും എത്തുന്നത് തടയാന് കോണ്‍ഗ്രസില്‍ പടയൊരുക്കം നടക്കുന്നതിനിടെ രാജി സന്നദ്ധത അറിയിച്ച് കെ സുധാകരന്‍. പ്രതിപക്ഷ നേതാവില്‍ നിന്ന് അടക്കം സഹകരണം ലഭിക്കുന്നില്ലെന്ന് കാട്ടി കെ സുധാകരന്‍ രാഹുല്‍ ഗാന്ധിക്ക് കത്ത് നല്‍കി. ആരോഗ്യ പ്രശ്‌നങ്ങള്‍ ചൂണ്ടിക്കാട്ടിയാണ് സ്ഥാനം ഒഴിയാന്‍ തയ്യാറാകുന്നതെന്നാണ് വിവരം. കഴിഞ്ഞ ദിവമാണ് ഇത് സംബന്ധിച്ച കത്ത് നല്‍കിയത്. കെപിസിസിയും പ്രതിപക്ഷ നേതാവും ഒന്നിച്ചു പോകുന്നില്ലെന്നും അദ്ദേഹം പറയുന്നു. അതേസമയം കത്തില്‍ ഹൈക്കമാന്‍ഡ് തീരുമാനം എടുത്തിട്ടില്ല.
അതേസമയം കെപിസിസി അധ്യക്ഷന്‍ കെ സുധാകരനെകതിരെ കോണ്‍ഗ്രസില്‍ പടയൊരുക്കം. ആര്‍എസ്എസ് അനുകൂല പ്രസ്താവനകള്‍ നടത്തിതാണ് ശക്തമായ പ്രതിഷേധത്തിന് കാരണം. സുധാകരനെതിരെ ഗ്രൂപ്പ് ഭേദമന്യേയാണ് കോണ്‍ഗ്രസ് നേതാക്കള്‍ സംഘടിക്കുന്നത്. കെപിസിസി അധ്യക്ഷ സ്ഥാനത്തേക്കുള്ള സുധാകരന്റെ രണ്ടാമൂഴം തടയുകയാണ് ലക്ഷ്യം. തുടര്‍ച്ചയായി കോണ്‍ഗ്രസിനെ കുഴപ്പത്തിലാക്കുന്ന സുധാകരന്റെ നടപടി ഹൈക്കമാന്‍ഡ് പരിശോധിക്കണമെന്നും ഒരു വിഭാഗം നേതാക്കള്‍ ആവശ്യപ്പെടുന്നു.
സംഘടനാ കോണ്‍ഗ്രസിലായിരുന്ന കാലത്ത് ആര്‍എസ്എസ് ശാഖകള്‍ക്കു സംരക്ഷണം നല്‍കിയിട്ടുണ്ടെന്നതുള്‍പ്പെടെ, കെപിസിസി അധ്യക്ഷന്‍ കെ സുധാകരന്‍ തുടരെ നടത്തുന്ന വിവാദ പരാമര്‍ശങ്ങളില്‍ എഐസിസി നേതൃത്വം വിശദീകരണം തേടി. എഐസിസി ജനറല്‍ സെക്രട്ടറി താരിഖ് അന്‍വര്‍ ഇതേക്കുറിച്ചു സുധാകരനുമായി ഫോണില്‍ സംസാരിച്ചതായി വ്യക്തമാക്കി.
സംഭവിച്ചതു നാക്കുപിഴയാണെന്നും ഇക്കാര്യത്തില്‍ അദ്ദേഹം ഖേദം അറിയിച്ചിട്ടുണ്ടെന്നും താരിഖ് അന്‍വര്‍ പറഞ്ഞു. സുധാകരനു പുറമേ, പാര്‍ട്ടി സംസ്ഥാന നേതൃത്വത്തിലെ മറ്റു നേതാക്കളോടും താരിഖ് സംസാരിച്ചു. വിഷയത്തില്‍ സുധാകരന്‍ ഖേദം പ്രകടിപ്പിച്ചുകഴിഞ്ഞു. ആര്‍ക്കും നാക്കുപിഴയുണ്ടാകാം. ഭാവിയില്‍ ഇത്തരം പ്രസ്താവനകള്‍ ഉണ്ടാകില്ലെന്നു സുധാകരന്‍ ഉറപ്പു നല്‍കിയിട്ടുണ്ട്.
