തിരുവനന്തപുരം: കേരളം മാതൃകയാണ് ലോകത്തിന് മുന്നില്‍. പലപ്പോഴും പല ഘട്ടത്തിലും അത് തെളിയിച്ചിട്ടുമുണ്ട്. പ്രതിസന്ധി ഘട്ടങ്ങളിലെല്ലാം തന്നെ മലയാളികള്‍ കൈകോര്‍ത്തിട്ടുണ്ട്. നാടിനെ കൈപിടിച്ചുയര്‍ത്താന്‍. പ്രളയ സമയത്തും കൊവിഡ് കാലത്തും ഏതൊരു ദുരന്ത കാലത്തും നമ്മള്‍ ആ കരുതലിനും ഒരുമയ്ക്കും സാക്ഷ്യം വഹിച്ചിട്ടുണ്ട്. ഇപ്പോഴിതാ ഒരു ആഹ്വാനവും ഇല്ലാതെ ജനങ്ങള്‍ ആരംഭിച്ച വാക്‌സിന്‍ ചലഞ്ച് ഇപ്പോള്‍ കേരളം ഒന്നാകെ ഏറ്റെടുത്തിരിക്കുകയാണ്.
മുഖ്യമന്ത്രിയുടെ ദുരിതാശ്വാസ നിധിയിലേക്ക് ഇതുവരെ ലഭിച്ചത് 3കോടി 33ലക്ഷം രൂപയാണ്.ഇന്ന് മാത്രം 62.46 ലക്ഷം രൂപ ലഭിച്ചു.ദുരിതാശ്വാസ നിധിയിലേക്ക് വെബ്‌പോര്‍ട്ടലിലൂടെ മാത്രം ലഭിച്ച് തുകയുടെ കണക്കാണിത്.കേന്ദ്രസര്‍ക്കാരിന്റെ വാക്‌സിന്‍ നയത്തിനെതിരെ ശക്തമായ താക്കീത് നല്‍കികൊണ്ടാണ് ജനങ്ങള്‍ വാക്‌സിന്‍ ചലഞ്ച് ഏറ്റെടുത്തത്.കേരളത്തിന്റെ ജനകീയ പ്രതിരോധമായി ചലഞ്ച് മാറിയിരിക്കുകയാണ്. ലോകത്തിന്റെ നാനാഭാഗത്തു നിന്നും മുഖ്യമന്ത്രിയുടെ സി എം ഡി ആര്‍ എഫ് ഫണ്ടിലേക്ക് സഹായമെത്തുന്നുണ്ട്.ഇന്ന് രാവിലെ പതിനൊന്ന് മണിവരെ മൂന്ന് കോടി 33ലക്ഷം രൂപ ലഭിച്ചു.ഇന്ന് മാത്രം 62.46ലക്ഷം രൂപ ലഭിച്ചു.ദുരിതാശ്വാസ നിധിയിലേക്ക് വെബ്‌പോര്‍ട്ടലിലൂടെ മാത്രം ലഭിച്ച് തുകയുടെ കണക്കാണിത്.ഗൂഗിള്‍ പേ,ചെക്ക് ബാങ്കില്‍ നേരിട്ട് ലഭിക്കുന്നത്,ഓണ്‍ലൈന്‍ ട്രാന്‍സ്ഫര്‍ തുടങ്ങിയവയുടെ കണക്ക് വേറെയുമുണ്ട്.
ജനങ്ങളുടെ പ്രതിഷേധം വാക്‌സിന്‍ ചലഞ്ചിലൂടെ ശക്തമായതോടെ സംസ്ഥാനങ്ങള്‍ക്ക് കോവിഡ് വാക്‌സിന്‍ സൗജന്യമായി നല്‍കുമെന്ന് കേന്ദ്രം തീരുമാനിച്ചിരിക്കയാണ്.എങ്കില്‍ പോലും ഓരോ നിമിഷം കഴിയുംതോറും ചലഞ്ചിലുടെ സഹായം പ്രവഹിക്കുകയാണ്.സര്‍ക്കാരിന്റെ ആഹ്വാനമില്ലാതെ സ്വോഷ്യല്‍ മീഡിയയിലൂടെയാണ് ജനങ്ങള്‍ വാക്‌സിന്‍ ചലഞ്ച് ഏറ്റെടുത്തത്.ഈ മാസം 21മുതലാണ് സോഷ്യല്‍ മീഡിയയില്‍ പ്രചരണം ആരംഭിച്ചതും സി എം ഡി ആര്‍ എഫിലേക്ക് ഫണ്ട് ലഭിച്ച് തുടങ്ങിയതും
