പിമ്പുമാര്‍ ഇന്റെര്‍നെറ്റില്‍; പണത്തിനുവേണ്ടി എന്തും ചെയ്യാന്‍ തയ്യാറായി മലയാളി പെണ്‍കുട്ടികളും

കോട്ടയം: ഒരുരാത്രിയോ, അല്‍പ്പസമയത്തേക്കുള്ള കാമകേളിക്കോ ഒരു മലയാളി പെണ്‍കുട്ടിയെ ആവശ്യമുണ്ടെന്നു തോന്നിയാല്‍ പ്രത്യേകിച്ച് എങ്ങും പരതേണ്ടുന്ന കാര്യമില്ല നിങ്ങള്‍ ഉപയോഗിക്കുന്ന കംപ്യൂട്ടറോ, ഇന്റെര്‍നെറ്റ് കണക്ഷനുള്ള ഫോണോ ധാരാളം. ഇനി അതുമല്ലെങ്കില്‍ വെറുതെ ഫേസ്ബുക്കിലോ പൊതുമാധ്യമങ്ങളിലോ ഇരുന്നാല്‍ മതി അവര്‍ ഇങ്ങോട്ട് നേരിട്ട് വന്നുകൊള്ളും. ഇന്ന് ഇന്റെര്‍നെറ്റില്‍ കേരള പെണ്‍കുട്ടികള്‍ എന്നോ കേരള ഗേള്‍സ് എന്നോ ടൈപ്പ് ചെയ്ത് സേര്‍ച്ച് ചെയ്താല്‍ നമുക്ക് വിശ്വസിക്കാന്‍ കഴിയാത്തവിധമാണ് പെണ്‍കുട്ടികള്‍ നിറഞ്ഞു നില്‍ക്കുന്നത്. അതില്‍ കൊള്ളാവുന്ന കുടുംബത്തില്‍ പിറന്നവര്‍ തൊട്ട് അഷ്ടിക്ക് വകയില്ലാത്ത നിര്‍ദ്ധനര്‍ വരെ കാണും.

കേരളത്തില്‍ ഓണ്‍ലൈന്‍ പെണ്‍വാണിഭ സംഘം സജീവമാകുന്നു വെന്നാണ് പുതിയ റിപ്പോര്‍ട്ടുകള്‍. മുമ്പ് കൊച്ചിയയിരുന്നു ഇവരുടെ കേന്ദ്രമെങ്കില്‍ ഇപ്പോള്‍ കോട്ടയവും കോഴിക്കോടും ഇത്തരം സംഘം സജീവമാണ്. സൗജന്യമായി പരസ്യങ്ങള്‍ ഇടാവുന്ന സൈറ്റുകളിലെ അഡല്‍റ്റ് സര്‍വീസ് ഇന്‍ കൊച്ചി എന്ന കാറ്റഗറിയിലാണ് പെണ്‍വാണിഭസംഘത്തിന്റെ വിളയാട്ടം. എസ്‌കോര്‍ട്ട്, കോള്‍ ഗേള്‍ എന്നിങ്ങനെ വിവിധ വിഭാഗങ്ങളിലായാണ് പെണ്‍കുട്ടികളുടെ ചിത്രങ്ങളടക്കമുള്ള വിശദമായ വിവരങ്ങള്‍ സംഘം ചേര്‍ത്തിരിക്കുന്നത്. ഓരോ ജില്ല തിരിച്ച് പ്രത്യേകം സെര്‍ച്ച് ചെയ്യാനുള്ള ഓപ്ഷനുകളും സൈറ്റുകളില്‍ നല്‍കിയിട്ടുണ്ട്. ചില സൈറ്റുകളില്‍ ഏജന്റുമാരുടെ ഫോണ്‍ നമ്പരുകള്‍ മാത്രമാണ് നല്കിയിരിക്കുന്നത്.

Loading...

ഇത്തരത്തില്‍ സൈറ്റില്‍ കൊടുത്തിരിക്കുന്ന ഒരു മൊബൈല്‍ഫോണ്‍ നമ്പറില്‍ ആവശ്യക്കാരനെന്ന വ്യാജേന വിളിച്ചു. കോട്ടയത്തു നിന്നാണ് വിളിക്കുന്നതെന്ന് പറഞ്ഞപ്പോള്‍ എറണാകുളം പാലാരിവട്ടത്ത് എത്താന്‍ നിര്‍േേദ്ദശം ലഭിച്ചു. പാലാരിവട്ടത്ത് എത്തിയിട്ട് ഫോണ്‍ ചെയ്താല്‍ മതിയെന്നായിരുന്നു ഏജന്റിന്റെ നിര്‍ദ്ദേശം. എങ്ങനെയാണ് റേറ്റ് എന്നു ചോദിച്ചപ്പോള്‍ എത്ര സമയമെന്നായി മറുചോദ്യം. ഒരു ദിവസമെന്ന് പറഞ്ഞപ്പോള്‍ 25,000 രൂപയാകുമെന്ന് മറുപടി. കൂടുതല്‍ സംസാരിക്കാന്‍ കൂട്ടാക്കാതെ ഏജന്റ് ഫോണ്‍ കട്ടുചെയ്തു. പിന്നീട് സൈറ്റിലുണ്ടായിരുന്ന മറ്റൊരു നമ്പരില്‍ വിളിച്ചു. ആദ്യം ബിസി ട്യൂണ്‍ കേട്ട ഫോണ്‍ പിന്നീട് ബെല്ലടിച്ചെങ്കിലും എടുത്തില്ല.

ഓണ്‍ലൈന്‍ വഴി പെണ്‍കുട്ടികളെ ആവശ്യമുള്ള സ്ഥലത്ത് എത്തിക്കാനായി ബുക്ക് ചെയ്യാവുന്ന സൈറ്റുകളും ഇന്ത്യയില്‍ പ്രവര്‍ത്തിക്കുന്നുണ്ട്. സീരിയല്‍-സിനിമ താരങ്ങള്‍, റാംപ് മോഡല്‍, സ്‌കൂള്‍- കോളജ് വിദ്യാര്‍ഥികള്‍, വര്‍ക്കിംഗ് വിമന്‍, വീട്ടമ്മമാര്‍, എയര്‍ ഹോസ്റ്റസ്, ടിവി അവതാരകര്‍ തുടങ്ങി വലിയ ഒരു നിര തന്നെ ഏജന്റുമാര്‍ സൈറ്റുകളില്‍ പ്രസിദ്ധപ്പെടുത്തിയിട്ടുണ്ട്. ഇതില്‍ത്തന്നെ ബി.ടെക് പെണ്‍കുട്ടികള്‍, എംബിഎ വിദ്യാര്‍ഥികള്‍ എന്നിങ്ങനെ വിവിധ കാറ്റഗറികളും സൈറ്റുകളില്‍ ഉണ്ട്. നൂറു ശതമാനം യഥാര്‍ഥമെന്ന തലക്കെട്ടോടെയാണ് പരസ്യങ്ങള്‍ നല്‍കിയിരിക്കുന്നത്.

സൈറ്റുകളില്‍ ലഭിക്കുന്ന നമ്പരുകളില്‍ വിളിച്ചാല്‍ പെണ്‍കുട്ടികളെ വീട്ടിലോ ഹോട്ടലുകളിലോ ഗസ്റ്റ് ഹൗസുകളിലോ ഫാം ഹൗസുകളിലോ എത്തിച്ചു കൊടുക്കുമെന്നും പരസ്യങ്ങളില്‍ പറയുന്നു. വാട്‌സ് ആപ് നമ്പറുകളും, സ്വകാര്യ നമ്പരുകളും നല്‍കുന്ന സൈറ്റുകള്‍ ഉണ്ടെങ്കിലും ഇവയില്‍ രജിസ്റ്റര്‍ ചെയ്താല്‍ മാത്രമെ ഇത്തരം സൗകര്യങ്ങള്‍ ‘ഇടപാടുകാര്‍ക്ക്’ ലഭിക്കൂ. ഒരു മണിക്കുറിന് 6000 രൂപമുതല്‍ 15,000 വരെയും രണ്ടു മണിക്കൂറിന് 10,000 രൂപ മുതല്‍ 20,000 വരെയും ഒരു രാത്രിക്ക് 15,000 രൂപ മുതല്‍ 25,000 രൂപവരെയുമാണ് വിവിധ സൈറ്റുകളില്‍ സംഘം പെണ്‍കുട്ടികള്‍ക്ക് വിലയിട്ടിരിക്കുന്നത്. റൂമുകള്‍ ആവശ്യമെങ്കില്‍ വീണ്ടും റേറ്റ് കൂടും.

വാട്‌സ് ആപ് ചാറ്റ്, ഫോണ്‍ സൗഹൃദം, വെബ് കാം ചാറ്റ് എന്നിവയ്ക്ക് താത്പര്യമുള്ളവര്‍ക്ക് അതിനുള്ള നമ്പരുകളും സൈറ്റുകളില്‍ നല്‍കിയിട്ടുണ്ട്. കൂടുതല്‍ പ്രൊഫൈലുകളും എസ്‌കോര്‍ട്ട് ആവശ്യമുള്ളവര്‍ ബന്ധപ്പെടുക എന്ന രീതിയിലാണ് നല്‍കിയിരിക്കുന്നത്. എന്നാല്‍ പരസ്യം വിശദമായി നോക്കിയാല്‍ കാണാം പെണ്‍വാണിഭ സംഘത്തിന്റെ മറ്റ് “’ഓഫറുകള്‍’. തങ്ങളുടെ സേവനം നൂറുശതമാനം സംതൃപ്തി നല്‍കുന്നതാണെന്നാണ് ഏജന്‍സികളുടെ വാഗ്ദാനം. പല സൈറ്റുകളും നിയന്ത്രിക്കുന്നത് വിദേശ രാജ്യങ്ങളിലായതിനാല്‍ പോലീസിന് നടപടിയെടുക്കാനും ബുദ്ധിമുട്ടുണ്ട്. ഫേസ്ബുക്ക് കേന്ദ്രീകരിച്ചും പെണ്‍വാണിഭ സംഘങ്ങള്‍ ഗ്രൂപ്പുകള്‍ ഉണ്ടാക്കുന്നുണ്ട്. നമ്പരുകള്‍ കമന്റു ചെയ്യുവെന്ന് പറഞ്ഞ് തുടങ്ങുന്ന ഗ്രൂപ്പുകള്‍ പെണ്‍വാണിഭ സംഘത്തിന്റെ തുടക്കം മാത്രമാണ്.