ബൈക്കില്‍ കയറാന്‍ വിസമ്മതിച്ചു ; പെണ്‍കുട്ടിയെ നടുറോഡില്‍ യുവാവ് കുത്തിക്കൊന്നു

ന്യൂഡല്‍ഹി: ബൈക്കില്‍ കയറാന്‍ ആവശ്യപ്പെട്ടപ്പോള്‍ വിസ്സമ്മതിച്ചതിന് നടുറോഡില്‍ യുവാവ് പെണ്‍കുട്ടിയെ കൊലപ്പെടുത്തി . ഗുജറാത്തിലെ അഹമ്മദാബാദിലാണ് സംഭവം. ബവ്ല സ്വദേശിനിയായ ദലിത് പെണ്‍കുട്ടി മിതല്‍ ജാദവ് (19) ആണ് നടുറോഡില്‍ ദാരുണമായി കൊല്ലപ്പെട്ടത്. കൊലപാതകത്തില്‍ കേതന്‍ വഖേലയെയും സുഹൃത്തുക്കളായ ശ്രാവണ്‍, ധന്‍രാജ് എന്നിവരെ അറ്സറ്റ് ചെയ്തു.

പെണ്‍കുട്ടിയുടെ വിവാഹം രണ്ട് ആഴ്ചയ്ക്ക് ശേഷം നടക്കാനിരിക്കെയാണ് കൊലപാതകം നടന്നത്. മാര്‍ക്കറ്റില്‍ സഹോദരിക്കൊപ്പം നടക്കുമ്‌ബോള്‍ കേതന്‍ ബൈക്കിലെത്തി പെണ്‍കുട്ടിയോട് കയറാന്‍ ആവശ്യപ്പെട്ടത്. വിസ്സമ്മതിച്ചതോടെ കൈവശമുണ്ടായിരുന്ന കത്തി എടുത്ത് ഇയാള്‍ കുത്തുകയായിരുന്നു. തുടര്‍ന്ന് കേതന്‍ സുഹൃത്തുക്കള്‍ക്കൊപ്പം ബൈക്കില്‍ രക്ഷപ്പെട്ടു. മകളെ ആക്രമിക്കുന്നത് മാര്‍ക്കറ്റിലുണ്ടായിരുന്ന ചിലര്‍ മൊബൈലില്‍ ചിത്രീകരിക്കുകയും ഒരാള്‍ പോലും രക്ഷപെടുത്താന്‍ ശ്രമിച്ചില്ലെന്നും പെണ്‍കുട്ടിയുടെ പിതാവ് പരാതിയില്‍ പറയുന്നു .