കിടക്ക പങ്കിടാൻ വിസമ്മതിച്ച ഭാര്യയെ ഭർത്താവ് കൊന്നു, സ്വയം മറ്റൊരു കടുങ്കൈയ്യും ചെയ്തു

ലൈംഗികബന്ധത്തിന് വിസമ്മതിച്ച ഭാര്യയെ ഭർത്താവ് കൊന്നു. പിന്നാലെ സ്വയം ലൈംഗികാവയവങ്ങളും ഛേദിച്ചു. ഗുരുതര പരുക്കുകളോടെ ഇയാൾ ഇപ്പോൾ ചികിത്സയിലാണ്. ഉത്തർപ്രദേശിലാണ് നാടിനെ നടുക്കിയ സംഭവം ഉണ്ടായത്.

24കാരനായ അൻവറുൽ ഹസനാണ് കൊടും ക്രൂരതയ്ക്ക് പിന്നിൽ. സിദ്ധാർഥനഗറിലെ പൊഖാർ ഗ്രാമത്തിലാണ് ദമ്പതികൾ താമസിച്ചിരുന്നത്. സംഭവം നടക്കുമ്പോൾ ഹസനും ഭാര്യയും വീട്ടിൽ ഒറ്റക്കായിരുന്നു. ഇരുപത് വയസ്സുള്ള ഭാര്യയെ ഒരുവർഷം മുൻപാണ് ഹസൻ വിവാഹം കഴിച്ചത്.

ഗുജറാത്തിലെ സൂററ്റിലാണ് ഹസൻ ജോലി ചെയ്തിരുന്നത്. രണ്ടുദിവസം മുന്‍പ് മാത്രമാണ് ഹസൻ വീട്ടിലെത്തിയത്. ശനിയാഴ്ച പുലർച്ചെ അയൽവാസികളാണ് പൊലീസിനെ വിവരമറിയിച്ചത്.

ലൈംഗികബന്ധത്തിന് വിസ്സമതിച്ചതാണ് കൊലപാതകത്തിന് കാരണമെന്ന് ഹസൻ പൊലീസിനോട് പറഞ്ഞു. സ്ത്രീധനത്തിന്റെ പേരിൽ മകളെ വിവാഹം കഴിച്ചതുമുതൽ പീഡിപ്പിക്കുകയായിരുന്നുവെന്ന് കൊല്ലപ്പെട്ട യുവതിയുടെ കുടുംബം ആരോപിച്ചു. പിതാവിന്റെ പരാതിയിൽ ഹസനെതിരെ കേസെടുത്തിട്ടുണ്ട്.