കണ്ണൂര്‍: വിവാഹം ആലോചന തുടങ്ങിയതിന് ശേഷം അഞ്ച് ആലോചനകള്‍ മുടങ്ങിയ യുവാവ് അയല്‍വാസിയുടെ കട ജെസിബി ഉപയോഗിച്ച് തകര്‍ത്തു കളഞ്ഞു. കണ്ണൂരിലാണ് സിനിമ സ്‌റ്റൈലില്‍ അയല്‍വാസിയുടെ കട തകര്‍ത്തത്.കണ്ണൂർ പുളിങ്ങോം കുമ്പൻ കുന്നിലെ പുളിയാറു മറ്റത്തിൽ സോജിയുടെ കടയാണ് തകർത്തത്. തൻ്റെ അഞ്ച് വിവാഹ ആലോചനകൾ മുടക്കി എന്ന് ആരോപിച്ചായിരുന്നു ആൽബിൻ എന്ന യുവാവിൻ്റെ കട തകർത്തുള്ള പ്രതികാരം.അയ്യപ്പനും കോശിയും സിനിമയിലെ മുണ്ടൂർ മാടൻ സ്റ്റയിലിളായിരുന്നു യുവാവിൻ്റെ പ്രതികാരം.
വിവാഹ ആലോചന തുടങ്ങിയിട്ട് ഏറെ നാളായി. ഒന്നും ശരിയാകുന്നില്ല.അടുത്തിടെ വന്ന അഞ്ച് വിവാഹ ആലോചനകൾ മുടങ്ങിയതിൻ്റെ കാരണം സമീപ വാസിയായ സോജിയാണ്.വിവാഹം മുടക്കിയതിന് പ്രതികാരമായാണ് ജോസിയുടെ കട മണ്ണ് മാന്തിയന്ത്രം ഉപയോഗിച്ച് തകർത്തത്.പ്ലാക്കുഴിൽ ആൽബിൻ എന്ന യുവാവ് ചെറുപുഴ പോലീസിന് നൽകിയ മൊഴിയാണിത്.തിങ്കളാഴ്ച രാവിലെ 9 മണിയോടെയായിരുന്നു കട തകർത്തത്.ആൽബിനുമായി ഒരു പ്രശനവും ഇല്ലെന്നും എന്തിൻ്റെ പേരിലാണ് കട തകർത്തതെന്ന് അറിയില്ലെന്നും കട ഉടമ സജി പറഞ്ഞു.കട ഉടമ സജിയുടെ പരാതിയിൽ അൽബിനെ ചെറുപുഴ പോലീസ് കസ്റ്റഡിയിൽ എടുത്തു.കട പൊളിച്ചത് അറിഞ്ഞ് നിരവധി പേർ സ്ഥലത്ത് തടിച്ചു കൂടി.
