കോതമംഗലം: ആന്റണി ജോണ്‍ എം.എല്‍.എ.യുടെ കാറിന്റെ പിന്‍ചക്രം ഓട്ടത്തിനിടെ ഊരിത്തെറിച്ചു. സംഭവസമയം കാറില്‍ ഡ്രൈവര്‍ ഒഴിച്ച് മറ്റാരും ഉണ്ടായിരുന്നില്ല. നിയമസഭാ സമ്മേളനം കഴിഞ്ഞ് എം.എല്‍.എ. വെള്ളിയാഴ്ച വൈകീട്ട് വീട്ടില്‍ തിരിച്ചെത്തി കാര്‍ മൂവാറ്റുപുഴയിലെ സര്‍വീസ് സെന്ററിലേക്ക് കൊണ്ടുപോകുമ്പോഴാണ് സംഭവം.
മുത്തംകുഴിക്ക് സമീപമാണ് കാറിന്റെ ചക്രം ഊരിത്തെറിച്ചത്. കാറിന്റെ ഇടതുവശത്തെ ചക്രമാണ് ഊരിത്തെറിച്ചത്. പത്തുമീറ്ററോളം ടയര്‍ ഇല്ലാതെയാണ് കാര്‍ ഓടിയത്. വാഹനത്തിന് വേഗം കുറവായതിനാലാണ് അപകടതീവ്രത കുറഞ്ഞത്.
Loading...
രണ്ട് ദിവസം മുന്‍പ് സര്‍വീസ് സെന്ററില്‍നിന്ന് പണികള്‍ കഴിഞ്ഞ് കൊണ്ടുവന്ന വാഹനത്തിലാണ് ഇത്തരമൊരു അപകടം ഉണ്ടായത്. കാർ മിതമായ വേഗതയിൽ ആയതിനാലാണ് കൂടുതൽ അനിഷ്ടസംഭവങ്ങൾ ഉണ്ടാകാതെ രക്ഷപ്പെട്ടത്.
