മുസ്ലിം ലീഗ് സ്ഥാപകന്റെ നേതാവിന്റെ കൊച്ചുമകന്‍ ബി.ജെ.പിയിലേക്ക്

മലപ്പുറം: മുസ്ലിം ലീഗിന്റെ സ്ഥാപക നേതാക്കളില്‍ ഒരാളായ സയിദ് ബാഖഫി തങ്ങളുടെ കൊച്ചുമകന്‍ ബി.ജെ.പിയില്‍ ചേരാനൊരുങ്ങുന്നു. ഇത് സംബന്ധിച്ച് തങ്ങളുടെ കൊച്ചുമകന്‍ സയിദ് താഹ ബാഖഫി തങ്ങള്‍ ബി.ജെ.പി നേതാവ് എം.ടി രമേശുമായി കോഴിക്കോട് വച്ച് കൂടിക്കാഴ്ച നടത്തി. താന്‍ ബി.ജെ.പിയുടെ ഭാഗമാകുന്നതിന് എന്താണ് തടസ്സമെന്ന് ചോദിച്ച താഹ തങ്ങള്‍ ന്യൂനപക്ഷങ്ങളെ ന്യൂനപക്ഷങ്ങളെ സഹായിക്കാനായി ബി.ജെ.പിക്ക് എന്തൊക്കെ ചെയ്യാനാകും എന്ന് പരിശോധിക്കുമെന്നും അതൊക്കെ താന്‍ നടപ്പിലാക്കും എന്നും അഭിപ്രായപ്പെട്ടു.

ബി.ജെ.പി ഒരിക്കലും പള്ളിയില്‍ പോകേണ്ട എന്ന് മുസ്ലീങ്ങളോട് പറഞ്ഞിട്ടില്ലെന്നും താന്‍ തന്റെ വ്രതം കൃത്യമായി തുടരുമെന്നും താഹ തങ്ങള്‍ പറയുന്നു. തങ്ങളുടെ കുടുംബവും തങ്ങളുടെ തീരുമാനത്തോട് യോജിക്കുന്നതായി താഹ പറയുന്നു. ബി.ജെ.പിയുടെ കേരളത്തിലെ മെമ്ബര്‍ഷിപ്പ് ക്യാംപയിന്‍ നീക്കങ്ങള്‍ ഊര്‍ജിതമായിരിക്കുന്ന സമയത്താണ് ഈ വാര്‍ത്ത പുറത്തുവരുന്നത്. മെമ്ബര്‍ഷിപ്പ് ക്യാംപയിന്‍ അവസാനിക്കും മുന്‍പ് ന്യൂനപക്ഷത്തില്‍ നിന്നും കൂടുതല്‍ നേതാക്കള്‍ ബി.ജെ.പിയുടെ ഭാഗമാകുമെന്നും എം.ടി രമേശ് ഉറപ്പ് പറയുന്നു.

എല്ലായിടത്തും നിന്നും എത്തുന്ന എല്ലാവരെയും ഉള്‍കൊള്ളിക്കുന്ന പ്രവര്‍ത്തനമാണ് ബി.ജെ.പിയുടേത്.ഇന്ത്യയുടെ എല്ലാ പ്രവര്‍ത്തകരും ജനവിഭാഗങ്ങളും ബി.ജെ.പിയോട് ഒപ്പം ഉണ്ടാകണം. കേരളത്തിന്റെ പ്രത്യേക സാഹചര്യം അനുസരിച്ച് എല്ലാ വിഭാഗങ്ങളിലേക്കും കടന്ന് ചെല്ലാന്‍ ബി.ജെ.പി ശ്രമിക്കും. എം.ടി രമേശ് പറയുന്നു. സി.പി.എമ്മിന്റെയും കോണ്‍ഗ്രസിന്റെയും ഭാഗമായിരുന്ന എ.പി അബ്ദുള്ളക്കുട്ടിയെ ബി.ജെ.പിയില്‍ ചേര്‍ത്തത് ഈ പദ്ധതിയുടെ ഭാഗമായിട്ടായിരുന്നു എന്നാണ് ലഭിക്കുന്ന വിവരം.