തൃശൂര്‍: മനുഷ്യ ജീവൻ അപകടത്തിലാക്കുന്ന വെടിക്കെട്ടുകൾക്ക് പകരം പാവറട്ടി പള്ളിയിൽ ഡിജിറ്റൽ വെടികെട്ട് നടത്തി. കരിമരുന്നും തീയും പുകയുമായി മനുഷ്യർ ജീവൻ വയ്ച്ച് കളിക്കേണ്ട. ശബ്ദത്തിനും വര്‍ണ്ണത്തിനും ഒട്ടും കുറവു വരുത്താതെയുള്ള വെടിക്കെട്ടായിരുന്നു പാവറട്ടി സെന്റ് ജോസഫ് പള്ളിയിലെ എട്ടാം തിരുനാളോടനിനോടനുബന്ധിച്ച് ഞായറാഴ്ച അരങ്ങേറിയത്.സംസ്ഥാനത്ത് ആദ്യമായാണ് ഇത്തരത്തിലൊരു വെടിക്കെട്ട് സംഘടിപ്പിക്കുന്നത്. പരവൂര്‍ ദുരന്തപശ്ചാത്തലത്തിലാണ് ഡിജിറ്റല്‍ സാങ്കേതിക വിദ്യ ഉപയോഗിച്ചുള്ള വെടിക്കെട്ട് അവതരിപ്പിക്കാന്‍ സംഘാടകര്‍ തീരുമാനിച്ചത്. കമ്മിറ്റിയുടെ ഒന്നടങ്കമുള്ള തീരുമാനത്തെ തുടര്‍ന്നാണ് ഡിജിറ്റല്‍ വെടിക്കെട്ട് സാധ്യമായതെന്നും സംഘാടകര്‍ പറഞ്ഞു. ഇതിന് വേണ്ടി പ്രത്യേക ഫണ്ട് രൂപീകരിച്ചുവെന്നും സംഘാടരുടെ പ്രതിനിധി വ്യക്തമാക്കി. വിദേശരാജ്യങ്ങളിലും മറ്റും ഉപയോഗിച്ചു വരുന്ന സാങ്കേതിക വിദ്യ ഉപയോഗിച്ചുള്ള വെടിക്കെട്ട് കാഴ്ചക്കാര്‍ക്ക് പുത്തന്‍ അനുഭവമായിരുന്നു.തൃശൂര്‍ അത്താണി സ്വദേശി ഫ്രാന്‍സിസാണ് വെടിക്കെട്ട് ഒരുക്കിയത്.