തിരുവനന്തപുരം. വേനല്‍ ചൂട് ഉയര്‍ന്നതോടെ സംസ്ഥാനത്ത് വൈദ്യുതി ഉപയോഗം കുത്തനെ കൂടിയത് മൂലം അപ്രഖ്യാപിത ലോഡ് ഷെഡിംഗിന് സാധ്യത. വോള്‍ട്ടേജ് ക്ഷാമം അതിരൂക്ഷമായ സാഹചര്യത്തിലാണ് കെഎസ്ഇബിയുടെ നടപടി. അതേസമയം ബുധമനാഴ്ച വൈദ്യുതി ഉപയോഗം 102.99 ദശലക്ഷം യൂണിറ്റിലേക്ക് എത്തി.സംസ്ഥാനത്ത് പകല്‍ സമയം വൈദ്യുതി തടസ്സം ഉണ്ടാകുവാന്‍ സാധ്യതയുണ്ട്.
സംസ്ഥാനത്ത് വേനല്‍ ചൂട് കൂടിയതോടെ വലിയ തോതില്‍ വൈദ്യുതി ഉപയോഗം കൂടിയിരിക്കുകയാണ്. സംസ്ഥാനത്ത് കടുത്ത വോള്‍ട്ടേജ് ക്ഷാമവും വൈദ്യുതി ഉപഭോഗവും കാരണമാണ് കെഎസ്ഇബി അപ്രഖ്യാപിത ലോഡ് ഷെഡിംഗ് ഏര്‍്‌പെടുത്തുന്നത്. അതേസമയം വടക്കന്‍ കേരളത്തില്‍ പല ഭാഗത്തും അപ്രഖ്യാപിത ലോഡ് ഷെഡിംഗ് ഉണ്ടായിരുന്നു. സംസ്ഥാനത്ത് വൈദ്യുതിയുടെ ആവശ്യകത 5000 യൂണീറ്റ് എത്തുമെന്നാണ് വിലയിരുത്തുന്നത്.
നിലവില്‍ വൈദ്യുതി പ്രസരണ ലൈനുകള്‍ക്ക് 4,800 മെഗാവാട്ട് മാത്രമാണ് എത്തിക്കുവാന്‍ ശേഷിയുള്ളത്. നിലവില്‍ 70 ശതമാനം ട്രാന്‍സ്‌ഫോമറുകള്‍ അധികമായി ജോലി ചെയ്യേണ്ട അവസ്ഥയിലാണ്. കഴിഞ്ഞ വര്‍ഷം 89.65 ദശലക്ഷമായിരുന്നു വൈദ്യുതി ഉപയോഗം. വൈദ്യതി ഉപയോഗം കുറഞ്ഞില്ലെങ്കില്‍ നിയന്ത്രണം ഏര്‍പ്പെടുത്തേണ്ടിവരുമെന്നാണ് കെഎസ്ഇബി പറയുന്നത്.
