ചെഗുവേരയ്ക്ക് ജന്മദിനാശംസകള്‍ നേര്‍ന്ന് പൃഥ്വിരാജ്, തെറിവിളിയുമായി ആരാധകര്‍

തിരുവനന്തപുരം: ലോകമെങ്ങും ആരാധകരുള്ള വിപ്ലവ പോരാളിയാണ് ചെഗുവേര. കേരളത്തിലെ ആരാധകര്‍ എണ്ണിയാല്‍ ഒടുങ്ങില്ല. ക്യൂബന്‍ വിപ്ലവ പോരാളിയുടെ ജന്മ ദിനത്തില്‍ ആശംസ അറിയിച്ച് രംഗത്തെത്തിയിരിക്കുന്നത് നടന്‍ പൃഥ്വിരാജാണ്. പക്ഷേ ഇതോടെ വന്‍ തെറിവിളിയാണ് പൃഥ്വിക്കെതിരെ ഉണ്ടായത്.

ഫേസ്ബുക്കിലൂടെ ചെഗുവേരയ്ക്ക് ജന്മദിനാശംസ നേര്‍ന്ന പൃഥ്വിയ്‌ക്കെതിരെ ഒരുസംഘം ആള്‍ക്കാരാണ് തെറിവളിയുമായി രംഗത്തെത്തിയിരിക്കുന്നത്. ആശംസകള്‍ നേര്‍ന്ന് പോസ്റ്റിന് താഴെ മോശം വാക്കുകള്‍ ഉപയോഗിച്ചുള്ള കമന്റുകളുമായാണ് ഇവര്‍ രംഗത്തെത്തിയിരിക്കുന്നത്.

മിസ്റ്റര്‍ പൃഥ്വിരാജ് ഞാന്‍ താങ്കളുടെ പേജ് അണ്‍ലൈക്ക് ചെയ്യുന്നു എന്ന് തുടങ്ങുന്ന കമന്റുകള്‍ ഞങ്ങളുടെ വീര സവര്‍ക്കരുടെ ജന്മദിനത്തില്‍ ആശംസ പോയിട്ട് അങ്ങേര്‍ക്ക് പട്ടിയുടെ വില പോലും കൊടുക്കാത്ത താങ്കള്‍ ഈ കമ്മിക്കു ആശംസകള്‍ ആര്‍പ്പിച്ചത് ഒട്ടും ഉചിതമായില്ലെന്നും പറയുന്നുണ്ട്.