സെക്സ് സൈറ്റുകൾക്ക് പൂട്ടുവീണു. സെക്സും, പോണും തിരിച്ചു തരൂ- സോഷ്യൽ മീഡിയയിൽ ബഹളം.

ദില്ലി: എല്ലാവിധ സെക്സ് വീഡിയോ, സെക്സ്ഫോട്ടോ സൈറ്റുകൾക്കും ഇന്ത്യയിൽ പൂട്ടുവീണു. അപ്രതീക്ഷിതമായി ഒരു കൂട്ടം ഇന്റർനെറ്റ് ഉപഭോക്താക്കളെ നിരാശരാക്കിയ കേന്ദ്ര സർക്കാരിനെതിരെ സോഷ്യൽ മീഡിയയിൽ പ്രതിഷേധം. സെക്സും സൈറ്റുകളും
തിരിച്ചുകിട്ടാൻ പ്രധാനമന്ത്രി നേരിട്ട് ഇടപെടണമെന്നും രാജ്യത്തേ യുവതീ യുവാക്കളുടെ വികാരം മനസിലാക്കണമെന്നും ഷോഷ്യൽ മീഡിയയിൽ പറയുന്നു. അശ്ലീല സൈറ്റുകള്‍ നിരോധിക്കണമെന്ന ഹര്‍ജി സുപ്രീംകോടതിയുടെ പരിഗണനയില്‍ ഇരിക്കവെയാണ് മുന്നറിയിപ്പൊന്നും കൂടാതെ ഇത്തരത്തിലൊരു നിരോധനം വന്നത്. സ്വകാര്യമായി അശ്ലീല സൈറ്റുകള്‍ കാണുന്നത് നിരോധിക്കുന്നത് ആര്‍ട്ടിക്കിള്‍ 21 ന്റെ ലംഘനമാണെന്നാണ് ഈ ഹര്‍ജി പരിഗണിക്കവെ ചീഫ് ജസ്റ്റിസ് എച്ച്.എല്‍ ദത്തു അഭിപ്രായപ്പെട്ടിരുന്നു.

fb post

അശ്ലീലസൈറ്റുകള്‍ ബ്ലോക്ക് ചെയ്യുന്നത് പ്രായോഗികമല്ലെന്നായിരുന്നു അന്ന് കോടതിയില്‍ സര്‍ക്കാര്‍ നിലപാട്. ഇത്തരത്തിലുള്ള അശ്ലീല വെബ്‌സൈറ്റുകള്‍ ഇന്ത്യയുടെ സാംസ്‌ക്കാരിക പൈതൃകത്തിന് എതിരാണന്നും അതിനാല്‍ അവ നിരോധിക്കണമെന്നുമാണ് ബി.ജെ.പിയുടെ ഐ.ടി സെല്‍ മേധാവി അരവിന്ദ് ഗുപ്ത പ്രതികരണം.എം.ടി.എന്‍.എല്‍, ബി.എസ്.എന്‍.എല്‍, എ.സി.ടി, വൊഡാഫോണ്‍ എന്നീ ഇന്റര്‍നെറ്റ് സേവനദാതാക്കളാണ് അശ്ലീല സൈറ്റുകള്‍ നല്‍കാതായത്. എന്നാല്‍ എയര്‍ടെല്‍, ടാറ്റാ ഫോട്ടോണ്‍ തുടങ്ങിയവയില്‍ വിലക്കില്ല.

ഏതാണ്ട് നാല് കോടി അശ്ലീല സൈറ്റുകള്‍ ഇന്ത്യയില്‍ ലഭ്യമാണെന്നാണ് ഇന്ത്യന്‍ കമ്പ്യൂട്ടര്‍ എമര്‍ജന്‍സി റെസ്‌പോണ്‍സ് ടീമിന്റെ കണക്ക്. ഇവയില്‍ ഭൂരിപക്ഷവും ലോകത്തിന്റെ മറ്റ് ഭാഗങ്ങളില്‍ നിന്ന് പ്രവര്‍ത്തിക്കുന്നവയാണ്. അതുകൊണ്ട് തന്നെ നിരോധനമോ, അവ ബ്ലോക്ക് ചെയ്യുന്നതോ എളുപ്പമല്ല. സ്വച്ഛ് ഭാരത് പദ്ധതിക്ക് പിന്നാലെ സ്വച്ഛ് ഇന്റര്‍നെറ്റ് പദ്ധതിക്കൊരുങ്ങുകയാണ് മോദി സര്‍ക്കാര്‍ എന്ന് റിപ്പോര്‍ട്ടുണ്ടായിരുന്നു. ബി.ജെ.പി ഈ നിക്കത്തെ ശക്തമായി പിന്തുണയ്ക്കുന്നുണ്ട്. ഇന്ത്യയുടെ മഹത്തായ സാംസ്‌കാരിക പാരമ്പര്യത്തിനെതിരാണ് ഇത്തരം അശ്ലീലസൈറ്റുകളെന്ന് വാര്‍ത്താവിനിമയ ഐ.ടി. മന്ത്രി രവിശങ്കര്‍ പ്രസാദ് നേരത്തെ വ്യക്തമാക്കിയിരുന്നു. അശ്ലീല വെബ്‌സൈറ്റുകള്‍ ഇന്ത്യയിലെ ഉപയോക്താക്കള്‍ക്ക് നല്‍കരുതെന്ന് ഇന്റര്‍നെറ്റ് സേവന ദാതാക്കളോട് ആവശ്യപ്പെടുമെന്ന് അദ്ദേഹം വ്യക്തമാക്കിയിരുന്നു. ഒട്ടേറെ സൈറ്റുകള്‍ കൂട്ടത്തോടെ ബ് ളോക്ക് ചെയ്യുന്നത് വഴി ഇന്റര്‍നെറ്റ് വേഗം കുറയുന്നത് തടയാന്‍ ശേഷി വര്‍ധിപ്പിക്കാനും സേവനദാതാക്കളോട് ആവശ്യപ്പെട്ടിരുന്നു.