രാജാമാതാ ശിവകാമിയിൽ നിന്നും പോൺ താരത്തിലേക്ക്; രമ്യകൃഷ്ണന്‍റെ അതിശയിപ്പിക്കുന്ന മാറ്റം

ചെന്നൈ: രാജാമാതാ ശിവകാമിയായി ബാഹുബലിയിൽ വേഷമിട്ട രമ്യ കൃഷ്ണൻ പോൺ താരമായെത്തുന്നു. പുതിയ ചിത്രം സൂപ്പർ ഡീലക്സിലാണ് രമ്യ കൃഷ്ണൻ പോൺ താരമാകുന്നത്. ചിത്രത്തിന്‍റെ ട്രെയിലർ കഴിഞ്ഞ ദിവസം പുറത്തു വിട്ടിരുന്നു. വിജയ് സേതുപതി, ഫഹദ് ഫാസില്‍, മിസ്‌കിന്‍ എന്നിവര്‍ പ്രധാന വേഷങ്ങള്‍ കൈകാര്യം ചെയ്യുന്ന ചിത്രം മാര്‍ച്ച് 29ന് പുറത്തിറങ്ങും.

സൂപ്പര്‍ ഡീലക്‌സിനുള്ളിലെ മല്ലു അണ്‍കട്ട് എന്ന സിനിമാ ഭാഗത്തിലാണ് രമ്യ പോണ്‍ സ്റ്റാറായി വേഷമിടുന്നത്. കരിയറിലെ ഏറ്റവും വെല്ലുവിളി നിറഞ്ഞ വേഷം എന്നാണ് രമ്യ തന്‍റെ കഥാപാത്രത്തെ വിശേഷിപ്പിക്കുന്നത്.

തന്‍റെ കഥാപാത്രങ്ങളില്‍ തീരെ വിട്ടുവീഴ്ചക്ക് തയ്യാറാവാത്ത സംവിധായകനാണ് കുമാരരാജയെന്ന് സെറ്റില്‍ എത്തും മുന്‍പേ രമ്യ മനസ്സിലാക്കിയിരുന്നു. എന്തിനേറെ പറയണം, ഒരു സീനിനു വേണ്ടി രണ്ടു ദിവസം കൊണ്ട് 37 ടേക്ക് എടുക്കേണ്ടി വന്നു രമ്യക്ക്. ഇത് കണ്ട് കൂടെ ഉണ്ടായിരുന്ന അസ്സിസ്റ്റന്‍റുമാര്‍ വരെ അമ്പരന്നു പോയിരുന്നു. 100 മുതല്‍ 150 ടേക്കുകള്‍ വരെ എടുത്താണ് ചിത്രം പൂര്‍ത്തീകരിച്ചതെന്ന് ചിത്രത്തിന്‍റെ തിരക്കഥാകൃത്തുക്കളും വ്യക്തമാക്കുന്നു.