കോട്ടയം. ആരാധനാലയത്തിന്റെ ശൗചാലയത്തില്‍ കയറ്റി പ്രായപൂര്‍ത്തിയാകാത്ത വിദ്യാര്‍ഥിനിയെ പീഡിപ്പിച്ച യുവാവിനെ നാട്ടുകാര്‍ പിടികൂടി പോലീസില്‍ ഏല്‍പ്പിച്ചു. സംഭവത്തില്‍ വെള്ളൂര്‍ വടകര ഭാഗത്ത് പുത്തന്‍പുരയില്‍ വീട്ടില്‍ അന്‍സലിനെ (18) കടുത്തുരുത്തി പോലീസ് അറസ്റ്റ് ചെയ്തു. മുമ്പ് സോഷ്യല്‍മീഡിയയിലൂടെ വിദ്യാര്‍ഥിനിയുമായി പരിചയത്തിലായ അന്‍സല്‍ നിരവധി തവണ പെണ്‍കുട്ടിയെ പീഡിപ്പിച്ചതായിട്ടാണ് വിവരം.
കഴിഞ്ഞ ദിവസം കടുത്തുരുത്തിയിലെ ആരാധനാലയത്തില്‍ എത്തിയ പെണ്‍കുട്ടിയ ഇയാള്‍ ശൗചാലയത്തില്‍ കയറ്റി പീഡിപ്പിക്കുകയായിരുന്നു. തന്നെ ബലാത്സംഗം ചെയ്തതായി പെണ്‍കുട്ടി പോലീസിന് മൊഴി നല്‍കി. ഇതിന്റെ അടിസ്ഥാനത്തില്‍ പോക്‌സോ കേസ് പ്രതിക്കെതിരെ പോലീസ് എടുത്തു. കോടതിയില്‍ ഹാജരാക്കിയ പ്രതിയെ 14 ദിവസത്തേക്ക് റിമാന്‍ഡ് ചെയ്തു.
Loading...
