ദിലീപേട്ടന്റെ ലക്കി ആര്‍ട്ടിസ്റ്റാണ് ഞാനെന്ന് എന്റെ ഭര്‍ത്താവ് എപ്പോഴും പറയാറുണ്ട്: സജിത ബേട്ടി

സിനിമ-സീരിയല്‍ രംഗത്ത് സജീവമായി നിറഞ്ഞു നില്‍ക്കുമ്പോഴാണ് സജിത ബേട്ടി അപ്രതീക്ഷിതമായി അഭിനയത്തില്‍ നിന്ന് പിന്‍വാങ്ങിയത്. 2012 ല്‍ വിവാഹം കഴിഞ്ഞ സജിത അഞ്ചുമാസം ഗര്‍ഭിണി ആയിരുന്നപ്പോഴും അഭിനയ രംഗത്ത് തന്നെ നിറഞ്ഞുനിന്നിരുന്നു താരം.

ഏകദേശം രണ്ടുവര്‍ഷം മാത്രമേ ആയിട്ടുള്ളൂ സജിത അഭിനയത്തില്‍ നിന്നും ഇടവേള എടുത്തിട്ട്. ഇപ്പോഴിതാ അഭിനയത്തില്‍ നിന്ന് ഇടവേള എടുത്തതിന്റെ കാരണം വെളിപ്പെടുത്തുകയാണ് സജിത. ഞാന്‍ അങ്ങിനെ ഇടവേള എടുത്തു എന്നൊന്നും പറയാന്‍ പറ്റില്ല.

Loading...

എന്റെ ഷമാസ് ഇക്ക എന്ന് എന്നോട് അഭിനയം നിര്‍ത്താന്‍ പറയുന്നുവോ അത് വരെയും ഞാന്‍ അഭിനയിക്കും. ഇത് വരെയും അദ്ദേഹം എന്റെ ഒപ്പം നിന്നിട്ടുള്ളത് അല്ലാതെ ഒന്നിനും നോ എന്ന് പറഞ്ഞിട്ടില്ല. അദ്ദേഹം തന്നെയാണ് എന്റെ എല്ലാ ഭാഗ്യങ്ങള്‍ക്കും കാരണം സജിത പറഞ്ഞു.

ദിലീപേട്ടന്റെ ലക്കി ആര്‍ട്ടിസ്റ്റാണ് ഞാന്‍ എന്ന് അദ്ദേഹം എപ്പോഴും പറയാറുണ്ട്. ചെറിയ ചെറിയ വേഷങ്ങള്‍ ആണെങ്കില്‍ തന്നെയും അദ്ദേഹത്തിന്റെ ഒപ്പമുള്ള ചിത്രങ്ങള്‍ എപ്പോഴും ഹിറ്റായിട്ടുണ്ട്

മുന്‍പ് സജിതാ ബേട്ടി എങ്ങനെ ആയിരുന്നുവോ അതേപോലെ തന്നെ ആയിരിക്കും ഇനിയും അതിന് മാറ്റങ്ങള്‍ ഒന്നും ഉണ്ടാകില്ല. ഉണ്ടാകാന്‍ ഷമാസ് ഇക്ക സമ്മതിക്കുകയും ഇല്ല. അദ്ദേഹം എന്റെ പ്രൊഫഷനെ അത്രയും ബഹുമാനിക്കുന്ന ആള് തന്നെയാണ്. പടച്ചോന്റെ കൃപ കൊണ്ടാണ് അദ്ദേഹത്തെ എനിക്ക് ലഭിച്ചത്

വില്ലത്തി ആയാലും സോഫ്റ്റ് ക്യാരക്ടര്‍ ആയാലും ഞാന്‍ ലീഡ് ചെയ്യുന്ന ഒരു റോള്‍ ആയിരിക്കണം എന്ന് നിര്‍ബന്ധം ഉണ്ട്. സീരിയലുകളില്‍ മാത്രമാണ് ഇക്കാര്യത്തില്‍ എനിക്ക് വാശി.

പക്ഷേ സിനിമയില്‍ നായിക കഥാപത്രം മതി എന്നൊന്നും ഞാന്‍ പറയില്ല. എനിയ്ക്ക് അച്ഛന്‍ സീരിയല്‍ ആണെങ്കില്‍ അമ്മ സിനിമയാണ്. അച്ഛനും അമ്മയും ഇല്ലാതെ മക്കള്‍ക്ക് എന്ത് ജീവിതം.

ഇപ്പോള്‍ എന്റെ മകള്‍ക്ക് ഒന്നര വയസ്സായി. അവളെ ഗര്‍ഭിണിയായി അഞ്ചുമാസം ഉള്ളത് വരെ അഭിനയിച്ചിരുന്നു.ഇപ്പോള്‍ അവളുടെ പിറകെയുള്ള ഓട്ടത്തിലാണ്. സമയം തികയുന്നില്ല.

ഭര്‍ത്താവ് ബിസിനസ്സുകാരനാണ്. അപ്പോള്‍ അദ്ദേഹത്തിന് അതുമായി ബന്ധപ്പെട്ട ആവശ്യങ്ങള്‍ക്ക് പുറത്ത് പോകേണ്ടതായി വരും. ആ സമയം എന്റെ മകള്‍ ഒറ്റയ്ക്കാകില്ലേ. അവള്‍ തനിച്ചാകുന്നത് എനിക്ക് സഹിക്കാന്‍ കഴിയില്ല.സജിത പറയുന്നു. അപ്പോള്‍ അവള്‍ക്ക് ഒരു പ്രായം ആകട്ടെ എന്ന് കരുതിയാണ് മാറി നിന്നത്. പിന്നെ .

തെങ്കാശിപ്പട്ടണം, ടു കണ്‍ട്രീസ്, മിസ്റ്റര്‍ മരുമകന്‍ തുടങ്ങിയ ചിത്രങ്ങള്‍ അതിന് തെളിവാണ്. മാത്രമല്ല എന്റെ ഷമാസ് ഇക്കയും ടു കണ്‍ട്രീസില്‍ അഭിനയിച്ചിട്ടുണ്ട്. ഞങ്ങള്‍ ഒരുമിച്ച് മുന്‍പ് ഒരു ടെലിഫിലിമിലും അഭിനയിക്കാനുള്ള ഭാഗ്യവും ഉണ്ടായിട്ടുണ്ട്.

നീ എല്ലാവരും അറിയുന്ന ഒരു സ്റ്റാര്‍ ആണ് അപ്പോള്‍ നീ അഭിനയിക്കണം ഞാന്‍ എന്തിനും കൂട്ടുണ്ടാകും എന്നാണ് അദ്ദേഹം പറയുകയെന്നും സജിത പറഞ്ഞു.

ബാലതാരമായി ബിഗ് സ്‌ക്രീനില്‍ തിളങ്ങി നിന്ന താരമാണ് സജിതാ ബേട്ടി. ഒരുകാലത്തെ മിക്ക ചിത്രങ്ങളിലും ബാലതാരമായി തിളങ്ങിയിട്ടുണ്ടെങ്കിലും ശ്രീ കൃഷ്ണപുരത്തെ നക്ഷത്ര തിളക്കത്തിലൂടെയാണ് സജിത കൂടുതല്‍ ശ്രദ്ധിക്കപ്പെട്ടത്.

കുട്ടി ആയിരിക്കുമ്പോള്‍ മുതല്‍ തന്നെ മികച്ച അഭിനയ മികവാണ് താരം കാഴ്ച വച്ചത്. കുട്ടിത്തം തുളുമ്പുന്ന മുഖവും,നിഷ്‌കളങ്കമായ വിടര്‍ന്ന കണ്ണുകളും ഉള്ള താരം പിന്നീടിങ്ങോട്ട് സിനിമകളില്‍ മാത്രമല്ല സീരിയലുകളിലും തിളങ്ങാന്‍ തുടങ്ങി.