പരസ്യ വിചാരണ; പിങ്ക് പൊലീസ് ഉദ്യോഗസ്ഥയെ പൊതുജനങ്ങളുമായി ബന്ധപ്പെടുന്ന ജോലികളില്‍ നിന്ന് മാറ്റി നിര്‍ത്താന്‍ നിര്‍ദ്ദേശം

ആറ്റിങ്ങലിലില്‍ അച്ഛനേയും മകളേയും മോഷണക്കുറ്റമാരോപിച്ച് പരസ്യവിചാരണ നടത്തിയ സംഭവത്തില്‍ കുറ്റക്കാരിയായ ഉദ്യോഗസ്ഥ രജിതയ്ക്ക് എതിരെ കര്‍ശന നടപടിക്ക് നിര്‍ദേശം. രജിതയെ യൂണിഫോമിലുള്ള ജോലിയില്‍ നിന്ന് ഒഴിവാക്കാന്‍ ഉത്തരവ്. സംസ്ഥാന പട്ടിക ജാതി പട്ടിക വര്‍ഗ കമ്മീഷനാണ് പരസ്യ വിചാരണ നടത്തിയ വനിതാ പൊലീസ് ഉദ്യോഗസ്ഥയെ യൂണിഫോം ജോലികളില്‍ നിന്നും ഒഴിവാക്കണമെന്ന് ഉത്തരവിട്ടത്.

പൊതുജനങ്ങളുമായി ബന്ധപ്പെടുന്ന ജോലികളില്‍ നിന്ന് മാറ്റി നിര്‍ത്തണമെന്നാണ് ഉത്തരവിട്ടിരിക്കുന്നത്. പിങ്ക് പൊലീസിന് നിശ്ചിത കാലത്തേക്ക് പരിശീലനം നല്‍കാനും ഉത്തരവില്‍ നിര്‍ദേശമുണ്ട്. എട്ട് വയസുള്ള കുട്ടിയെയും അച്ഛനെയും മോഷണക്കുറ്റമാരോപിച്ച് പരസ്യ വിചാരണ ചെയ്തതിനാണ് നടപടി. സംഭവത്തില്‍ സമഗ്ര അന്വേഷണം വേണമെന്നും കമ്മീഷന്‍ ആവശ്യപ്പെട്ടിട്ടുണ്ട്. പരസ്യ വിചാരണ നടത്തിയ പിങ്ക് പൊലീസ് ഉദ്യോഗസ്ഥ രജിതയെ നേരത്തെ തിരുവനന്തപുരത്ത് നിന്നും കൊല്ലത്തേക്ക് സ്ഥലം മാറ്റിയിരുന്നു.

Loading...