ലണ്ടന്‍: സെക്‌സും സന്തോഷവും തമ്മില്‍ ബന്ധമില്ലെന്ന് പഠനം. കാര്‍ജിയോ മെലോണ്‍ യൂണിവേഴ്‌സിറ്റി ഗവേഷകര്‍ നടത്തിയ പഠനത്തിലാണ് പുതിയ കണ്ടെത്തല്‍. ചില ദമ്പതികളെ നിരീക്ഷിച്ചതില്‍ നിന്നാണ് ഈ കണ്ടെത്തല്‍ നടത്തിയത്. യൂണിവേഴ്‌സിറ്റി ഗവേഷകര്‍ 128 ദമ്പതികളെയാണ് നിരീക്ഷണത്തിന് വിധേയമാക്കിയത്. ഈ പഠനം ജേര്‍ണല്‍ ഓഫ് ഇക്കണോമിക്ക് ബിഹേവീയര്‍ ആന്റ് ഓര്‍ഗനൈസേഷനില്‍ പ്രസിദ്ധീകരിച്ചിട്ടുണ്ട്. ഇവരുടെ പ്രായം 35നും 65നും ഇടയിലായിരുന്നു. ഇവരുടെ ഹാപ്പിനസ് ക്വഷിയന്റും അതിനോട് അനുബന്ധിച്ച് സെക്‌സ് ജീവിതത്തെക്കുറിച്ചുള്ള സര്‍വ്വേയുമാണ് ഗവേഷക സംഘം സംഘടിപ്പിച്ചത്.

ഇവയുടെ താരതമ്യം പൊതുവിലുള്ള ധാരണകള്‍ തിരുത്തുന്നതാണെന്നാണ് സംഘ തലവന്‍ ജോര്‍ജ് ലോവണ്‍സ്റ്റണ്‍ പറയുന്നത്. പലപ്പോഴും സര്‍വ്വേ ഫലത്തില്‍ എന്തിനാണ് സെക്‌സില്‍ ഏര്‍പ്പെടുന്നത് എന്നതില്‍ തന്നെ ദമ്പതികളുടെ അഭിപ്രായങ്ങളില്‍ പൊരുത്തം കാണുന്നില്ലെന്ന് ഇദ്ദേഹം പറയുന്നു. ചിലപ്പോള്‍ ഈ പഠനത്തിലെ കണ്ടെത്തല്‍ ദമ്പതികള്‍ക്കിടയില്‍ കൂടുതല്‍ മികച്ച ദമ്പത്യ ബന്ധത്തിന് ഉപകരിക്കുമെന്ന് ഈ പഠനം ഡിസൈന്‍ ചെയ്ത ഇന്ത്യന്‍ വംശജനായ ഗവേഷകന്‍ തമാര്‍ കൃഷ്ണമൂര്‍ത്തി പറയുന്നു.