ഷഹീന്‍ ചുഴലിക്കാറ്റ് ; ഒമാനില്‍ ഒഴിപ്പിക്കല്‍ തുടരുന്നു; ഗതാഗതം മുടങ്ങി

മസ്​കത്ത്​: ഷഹീന്‍ ചുഴലിക്കാറ്റ് ഭീഷണിയെ തുടര്‍ന്ന് മസ്​കത്തില്‍ നിന്നുള്ള എല്ലാ വിമാന സര്‍വിസുകളും പുനക്രമീകരിച്ചു. പുതുക്കിയ സമയം പിന്നീട്​ അറിയിക്കും. ബത്തയ്യയില്‍ അല്‍ നാദ പ്രസിന്​ പിന്‍വശം മലയിടിഞ്ഞു. എന്നാല്‍ ആളപായം റിപ്പോര്‍ട്ട്​ ചെയ്​തിട്ടില്ല.

അസെസബിയയില്‍ വാഹനത്തില്‍ കുടുങ്ങിയവരെ രക്ഷിച്ചു. സുരക്ഷ മുന്‍ നിര്‍ത്തി സുല്‍ത്താന്‍ ഖാബൂസ്​ സ്​ട്രീറ്റ്​ ഭാഗികമായി അടച്ചു.ശക്തമായ മഴ ഞായറാഴ്​ച അര്‍ധ രാത്രിവരെ തുടരാന്‍ സാധ്യത​യുണ്ടെന്ന്​ കാലാവസ്​ഥ നിരീക്ഷണ കേന്ദ്രം അറിയിച്ചു. ചുഴലികാറ്റ്​ മസ്​കത്തില്‍നിന്ന്​ 60 കിലോമിറ്റര്‍ മാത്രം അകലെയാണ്​ ഇപ്പോഴുള്ളത്​​. ​തീരത്ത്​ ​135 കിലോമീറ്റര്‍ വേഗതയില്‍ അടിച്ച്‌​ വീശിയേക്കുമെന്ന്​ മേജര്‍ മുഹമ്മദ്​ ബിന്‍ സാലം അല്‍ ഹാഷിമി അറിയിച്ചു.

Loading...

അതെ സമയം ഒമാനിലെ വിവിധ ഗവര്‍ണറേറ്റുകളില്‍ വെള്ളപൊക്ക ഭീഷണിയുണ്ട്​. ഖുറം, സീബ്, അസൈബ, ​, എന്നിവിടങ്ങില്‍ വരും മണിക്കൂറുകളില്‍ ജല നിരപ്പ്​ ഉയരാനും ​വീടുകളില്‍ വെള്ളം കയറാനും സാധ്യതയുണ്ട്​. സാഹിയ മേഖലയില്‍ വീടുകളില്‍ വെള്ളം കയറിയതിനെ തുടര്‍ന്ന്​ ആളുകളെ ഒഴിപ്പിച്ചു. മത്രയില്‍ ഒഴിപ്പിക്കല്‍ തുടരുന്നുണ്ട് .

ഞായറാഴ്​ച വൈകീട്ട്​ അഞ്ചിനും എട്ടിനുമിടയില്‍ മുസന്നക്കും സഹത്തിനുമിടയില്‍ കാറ്റ് തീരം തൊടുമെന്ന് കാലാവസ്ഥാ നീരിക്ഷണ കേന്ദ്രം അറിയിച്ചു.

ശനിയാഴ്​ച ​രാത്രി മുതല്‍ മസ്​കത്ത്​, ബാത്തിന ഗവര്‍ണറേറ്റുകളില്‍ കനത്ത മഴ തുടരുകയാണ്​. വിവിധ പ്രദേശങ്ങള്‍ വെള്ളക്കെട്ടിലായി. വ്യാപക നാശനഷ്​ടങ്ങളാണ്​ പലയിടത്തും റിപ്പോര്‍ട്ട്​ ചെയ്യുന്നത്​. വരും മണിക്കൂറുകളില്‍ രാജ്യത്തി​െന്‍റ വിവിധ ഭാഗങ്ങളില്‍ മഴ കനക്കും. വെള്ളപ്പൊക്ക ഭീതി നിലനില്‍ക്കുന്ന പ്രദേശങ്ങളില്‍നിന്ന്​ ജനങ്ങളെ മാറ്റി പാര്‍പ്പിക്കുന്നുണ്ട്​.

അതിനിടെ, റോഡുകളില്‍ വെള്ളം കയറി പലയിടത്തും ഗതാഗതം മുടങ്ങി. ശനിയാഴ്​ച രാത്രിയും ഞായറാഴ്​ച പുലര്‍ച്ചെയുമായി മസ്​കത്ത്​, മത്ര ഭാഗങ്ങളില്‍ വീടുകളിലും വാഹനങ്ങളിലും കുടുങ്ങിയ 55 പേരെ രക്ഷിച്ചു. 30പേര്‍ വീടുകളിലും 25പേര്‍ വാഹനങ്ങളിലുമാണ്​ കുടുങ്ങിയിരുന്നത്​.

ഖുറം ബിസിനസ്​ ഡിസ്​ട്രിക്​ മേഖല പൂര്‍ണമായി ഒഴിപ്പിക്കാന്‍ നാഷനല്‍ എമര്‍ജന്‍സി സെന്‍റര്‍ നിര്‍ദേശിച്ചു. 2007​​ല്‍ ഗോനു ചുഴലിക്കാറ്റ്​ വീശിയടിച്ചതിന്​ സമാനമായ സാഹര്യമാണ്​ മസ്​കത്ത്​ മേഖലയിലുള്ളത്​. ഖുറം മേഖല ഏതാണ്ട്​ പൂര്‍ണമായി വെള്ളക്കെട്ടിലമര്‍ന്നു.

അതേസമയം, ശഹീന്‍ ചുഴലികാറ്റി​െന്‍റ വേഗത മണിക്കൂറില്‍ 139 കിലോമീറ്ററായി വര്‍ധിച്ചതായി ദേശീയ ദുരന്ത നിവാരണ മുന്നറിയിപ്പ്​ കേന്ദ്രം അറിയിച്ചു.