കൊച്ചി: വെയിലിന് ചൂടേറുന്നു… വീണ്ടും അമ്മ ഇടപെടണമെന്ന് ആവശ്യപ്പെട്ട് ഷെയ്ൻ നിഗം രംഗത്ത്. എന്ന ചിത്രത്തിന്റെ ഷൂട്ടിംഗ് കരാർ ലംഘിച്ചെന്നു കാട്ടി മലയാള സിനിമാ നിർമാതാക്കൾ വിലക്കേർപ്പെടുത്തിയതിനു പിന്നാലെയാണ് വിഷയത്തിൽ പ്രതികരണവുമായി നടൻ ഷെയ്ൻ നിഗം രംഗത്തെത്തിയത്. പ്രശ്നത്തിൽ താരസംഘടനയായ “അമ്മ’ ഇടപെടണമെന്ന് ഷെയ്ൻ ആവശ്യപ്പെട്ടു.
ചിത്രത്തിന്റെ സംവിധായകൻ ശരതും നിർമാതാവ് ജോബി ജോർ‌ജും തന്നെ മാനസികമായി പീഡിപ്പിക്കുകയാണെന്ന് ഷെയ്ൻ ആരോപിച്ചു.
സംവിധായകൻ തന്‍റെ മനസാന്നിധ്യം ഇല്ലാതാക്കുകയാണ്. ആത്മാഭമാനം പണയപ്പെടുത്തി മുന്നോട്ട് പോകാനാകില്ല. സംഘടന ആവശ്യപ്പെട്ടതുകൊണ്ടാണ് താൻ ചിത്രവുമായി സഹകരിക്കാമെന്ന് സമ്മതിച്ചത്. അതുകൊണ്ട് “അമ്മ’ അടിയന്തിരമായി വിഷയത്തിൽ ഇടപെടണമെന്ന് ഷെയ്ൻ ആവശ്യപ്പെട്ടു.
ഒരു കലാകതാരന് സഹിക്കാവുന്നതല്ല സംവിധായകന്‍റെയും നിർമാതാവിന്‍റെയും പ്രവൃത്തിയെന്നും ഷെയ്ൻ കൂട്ടിച്ചേർ‌ത്തു.
“വെയിൽ’ എന്ന ചിത്രത്തിന്റെ ഷൂട്ടിംഗ് കരാർ ലംഘിച്ചെന്നു കാട്ടി വ്യാഴാഴ്ചയാണ് ഷെയ്ൻ നിഗത്തിന് നിർമാതാക്കളുടെ സംഘടനു വിലക്ക് ഏർപ്പെടുത്തിയത്. ഷെയ്നിനെ പുതിയ ചിത്രങ്ങളിൽ സഹകരിപ്പിക്കേണ്ടെന്നു പ്രൊഡ്യൂസേഴ്സ് അസോസിയേഷന്റെ അടിയന്തര യോഗം തീരുമാനിക്കുകയായിരുന്നു.
ഇതിനിടെ സിനിമയുടെ ചിത്രീകരണത്തില്‍ പങ്കെടുത്തതിന്‍റെ സമയവിവരം ഉള്‍പ്പടെ ചേര്‍ത്ത് ഷെയ്ന്‍ നിഗത്തിന്‍റെ ഫേസ്ബുക്ക്‌ പോസ്റ്റ്‌ പുറത്ത് വന്നു.
ഷെഹല എന്ന പൊന്നുമോൾടെ വേർപാടിൽ ആണ് കേരളം എന്നറിയാം.. എന്നിരുന്നാലും തെറ്റായ വാർത്തകൾ പ്രചരിക്കുമ്പോൾ പറയാതെ വയ്യല്ലോ” എന്ന വരികളോടെയാണ് ഷെയ്ന്‍ തുടങ്ങിയത്. സിനിമ പൂര്‍ത്തിയാക്കുന്നതിന് വേണ്ടി ആത്മാര്‍ഥതയോടെ എത്രത്തോളം ഞാന് കഷ്ടപെടുന്നു, എങ്കിലും ഒടുവില്‍ പഴികള് മാത്രമാണ് എനിക്ക് ലഭിക്കുന്നതെന്നും ഷെയ്ന്‍ പറയുന്നു.
സംഘടന ഇടപെട്ട് എടുത്ത തീരുമാനത്തിന്‍റെ അടിസ്ഥാനത്തില്‍ തന്നെ ഖുര്‍ബാനി എന്ന സിനിമയുടെ ചിത്രീകരണത്തിന് ശേഷം 16-11-2019ല്‍ വെയില് എന്ന സിനിമയുടെ ചിത്രീകരണത്തില്‍ ഞാന് ജോയിന്‍ ചെയ്തു.പ്രസ്തുത സിനിമയുടെ ചിത്രീകരണത്തില്‍ ഞാന് സഹകരിക്കുന്നില്ല എന്ന തരത്തില്‍ വന്ന വാര്ത്തകള് വാസ്തവ വിരുദ്ധമാണ്.
സിനിമക്ക് ചിത്രീകരണം പൂർത്തീകരിക്കാൻ 24 ദിവസങ്ങൾ വേണ്ടി വരും. വെയില് എന്ന സിനിമക്ക് എന്നോട് ആവശ്യപ്പെട്ട 15 ദിവസത്തിലെ 5 ദിവസം ഇതിനോടകം തന്നെ ഷൂട്ട്‌ പൂര്‍ത്തിയാക്കുകയും ചെയ്തു.
ഈ സിനിമയുടെ ചിത്രീകരണ വേളയില്‍ ഞാന് അനുഭവിച്ച് വന്ന മാനസിക പീഡനങ്ങളും ശാരീരിക ബുദ്ധിമുട്ടുകളും എനിക്ക് പറഞ്ഞറിയിക്കാന്‍ പറ്റാത്ത അത്ര തന്നെ ഉണ്ട്.
വെയില് സിനിമയുടെ ചിത്രീകരണത്തില്‍ ഞാന് പങ്കെടുത്ത സമയം വിവരം
16-11-2019 8.30AM 6.00 PM
17-11-2019 5.00AM 9.00 PM
18-11-2019 9.30AM 9.00 PM
19-11-2019 10.00 TO 20-11-2019 2.00 AM
20-11-2019 4.30PM TO 21-11-2019 2.00AM
രണ്ടുമണിക്ക് ശേഷം റൂമിലേക്ക് മടങ്ങിയ എനിക്ക് ചിത്രീകരണം ഉള്ളത് 21-11-2019 ഉച്ചക്ക് 12നാണ്. രാവിലെ 8 മണിക്ക് വെയില് സിനിമയുടെ സംവിധായകന് ശരത്ത് എന്‍റെ അമ്മയെ ടെലിഫോണില് വിളിക്കുകയും “ഈ സ്വഭാവം ആണെങ്കില്‍ പാക്കപ്പ് വിളിക്കാന്‍ ആണ് എന്നോട് പറഞ്ഞിരിക്കുന്നത്” എന്നും പറഞ്ഞു.
ഈ സിനിമ പൂര്‍ത്തിയാക്കുന്നതിന് വേണ്ടി ആത്മാര്‍ഥതയോടെ എത്രത്തോളം ഞാന് കഷ്ടപെടുന്നു എന്നുണ്ടെങ്കിലും ഒടുവില്‍ പഴികള് മാത്രമാണ് എനിക്ക് ലഭിക്കുന്നത്.
തെറ്റായ വാര്ത്തകള് പ്രചരിക്കുന്നത് ശ്രദ്ധയില് പെട്ടതിനാല് മാത്രമാണ് ഇത്തരത്തില് ഒരു കുറിപ്പ് എഴുതിയത്. നിങ്ങള് എങ്കിലും സത്യം മനസ്സിലാക്കണം…
