കലാഭവൻ മണിയുടെ പാട്ടുകൾക്ക് ഈണം നൽകിയ സംഗീത സംവിധായകൻ സിദ്ധാർത്ഥ് വിജയൻ അന്തരിച്ചു

കൊച്ചി: സംഗീത സംവിധായകൻ സിദ്ധാർത്ഥ് വിജയൻ അന്തരിച്ചു. 65 വയസ്സായിരുന്നു. കലാഭവൻ മണിയുടെ പാട്ടുകൾക്ക് ഈണം നൽകി ശ്രദ്ധേയനായ സം​ഗീത സംവിധായകനാണ് സിദ്ധാർത്ഥ് വിജയൻ. കൊ​ച്ചി​യി​ലെ സ്വ​കാ​ര്യ ആ​ശു​പ​ത്രി​യി​ല്‍ ചൊ​വ്വാ​ഴ്ച രാ​വി​ലെ​യാ​യി​രു​ന്നു മ​ര​ണം. ഒ​രാ​ഴ്ച‍​യാ​യി ആ​സ്റ്റ​ര്‍ മെ​ഡി​സി​റ്റി​യി​ല്‍ ചി​കി​ത്സ​യി​ലാ​യി​രു​ന്നു. സം​സ്കാ​രം വൈ​കു​ന്നേ​രം മു​രു​ക്കും​പാ​ടം ശ്മ​ശാ​ന​ത്തി​ല്‍ ന​ട​ക്കും.

വൈ​പ്പി​ന്‍ നെ​ടു​ങ്ങാ​ട് മ​ണി​യ​ന്‍​തു​രു​ത്തി​ല്‍ ചാ​ത്ത​ന്‍റെ​യും കു​ഞ്ഞു​പെ​ണ്ണി​ന്‍റെ​യും മ​ക​നാ​ണ്. ആ​ദ്യം നെ​ടു​ങ്ങാ​ട് വി​ജ​യ​ന്‍ എ​ന്ന​റി​യ​പ്പെ​ട്ടി​രു​ന്ന വി​ജ​യ​നെ ന​ട​ന്‍ തി​ക്കു​റി​ശി​യാ​ണ് സി​ദ്ധാ​ര്‍​ഥ് വി​ജ​യ​നെ​ന്ന് പു​ന​ര്‍ നാ​മ​ക​ര​ണം ചെ​യ്ത​ത്.

Loading...

മൂന്ന് മലയാള സിനിമകൾക്കും നിരവധി തമിഴ് മലയാളം റീമേക്കുകൾക്കും കാസറ്റുകൾക്കും വിജയൻ ഈണം പകർന്നിട്ടുണ്ട്. 1983ൽ പുറത്തിറങ്ങിയ അത്തപ്പൂക്കളമാണ് ആദ്യ ആൽബം. മണിയുടെ 45 ആൽബങ്ങൾക്കായി സിദ്ധാർത്ഥ് വിജയൻ അഞ്ഞൂറോളം പാട്ടുകൾ ഒരുക്കിയിട്ടുണ്ട്. തുടർന്ന് മാഗ്‌നാ സൗണ്ട്, ഗീതം കാസറ്റ്, ഈസ്റ്റ് കോസ്റ്റ്, സിബിഎസ് എന്നിവയ്ക്കായും ഗാനങ്ങൾക്ക് ഈണമിട്ടിട്ടുണ്ട്. 1999ൽ സ്വാമി തിന്തകത്തോം എന്ന അയ്യപ്പഭക്തിഗാന ആൽബത്തിനുവേണ്ടിയാണ് കലാഭവൻ മണിയുമായി ആദ്യമായി ഒരുമിക്കുന്നത്. ‘മകരപ്പുലരി’യാണ് അവസാന കാസറ്റ്.